ព័ត៌មានជាតិ
ប្រតិភូអន្តរជាតិ ១៣០ នាក់ នឹងទៅទស្សនាគោលដៅទេសចរណ៍តំបន់ឆ្នេរកម្ពុជា
ក្នុងឱកាសដែលប្រតិភូអន្តរជាតិជាង ១៣០ នាក់ ចូលរួមបុណ្យសមុទ្រនិងសន្និបាតក្លឹបឆ្នេរសមុទ្រស្អាតជាងគេដែលប្រព្រឹត្តទៅចាប់ពីថ្ងៃទី៨-១៤ ខែធ្នូ ឆ្នាំ២០២២នេះ កម្ពុជាគ្រោងរៀបចំដំណើរទស្សនកិច្ចជូនប្រតិភូទៅកាន់គោលដៅទីក្រុងនៅភ្នំពេញ និងព្រះសីហនុ គោលដៅឆ្នេរសមុទ្រ បណ្ដាកោះល្បី សហគមន៍អេកូទេសចរណ៍ពាមក្រសាបខេត្តកោះកុងជាដើម។
បើតាមលោក ជុក ជំនោរ ប្រធាននាយកដ្ឋានជំរុញផលិតផលទេសចរណ៍នៃក្រសួងទេសចរណ៍លើកឡើងក្នុងកិច្ចប្រជុំពិភាក្សាកាលពីម្សិលមិញនេះថា ប្រតិភូអន្តរជាតិជាង ១៣០ នាក់ ដែលនឹងអញ្ជើញចូលរួមបុណ្យសមុទ្រនិងសន្និបាតក្លឹបឆ្នេរសមុទ្រស្អាតជាងគេនៅខេត្តព្រះសីហនុ គឺជាតំណាងឱ្យឆ្នេរសមុទ្រចំនួន ៣៤ ឆ្នេរ មកពីប្រទេសចំនួន ២១ ជុំវិញពិភពលោក ក្នុងនោះរួមមាន មកពីប្រទេសវៀតណាម ចិន ជប៉ុន កូរ៉េខាងត្បូង ហ្វីលីពីន អ៊ីស្រាអែល តួកគី បារាំង អេស្ប៉ាញ ព័រទុយហ្គាល់ កាណាដា ប្រេស៊ីល ម៉ាទីនិក (នៅសមុទ្រការីបង់) ម៉ារ៉ុក ម៉ូសំប៊ិក សេណេហ្គាល់ អង់ហ្គោឡា រួមទាំងប្រទេសកម្ពុជាដែលជាម្ចាស់ផ្ទះ។
ក្រៅពីនេះក៏មានប្រតិភូតំណាងឱ្យឆ្នេរសង្កេតការណ៍ ៣ ទៀត រួមមានមកពី ម៉ាឡេស៊ី ហ្វាំងឡង់ និងប៉ាពូអាស៊ីនូវែលហ្គីណេ។
លោក ជុក ជំនោរ ក៏បានបន្ថែមថា កាលដែលមានប្រតិភូអន្តរជាតិមកចូលរួមច្រើនដូច្នេះ ដោយសារតែថ្នាក់ដឹកនាំ និងប្រតិភូតំណាងឆ្នេរសមុទ្រទាំងនោះមើលឃើញពីការខិតខំរៀបចំរបស់កម្ពុជា បូករួមទាំងស្ថានភាពរាលដាលនៃជំងឺកូវីដ ១៩ មានភាពធូរស្រាល និងគ្រប់គ្រង់បានច្បាស់លាស់។
ស្របតាមការលើកឡើងរបស់លោក ជុក ជំនោរ លោកថោង ខុន រដ្ឋមន្រ្តីក្រសួងទេសចរណ៍បានគូសបញ្ជាក់ដែរថា ខេត្តដែលជាតំបន់ឆ្នេរគឺជាគោលដៅទេសចរណ៍ដ៏ស័ក្ដិសមបំផុតសម្រាប់ទទួលវត្តមានភ្ញៀវទេសចរនៅរដូវក្ដៅនេះ ខណៈដែលកម្ពុជាក៏បានរៀបចំសោភ័ណភាពទីក្រុង ឆ្នេរសមុទ្រ កោះ ហេដ្ឋារចនាសម្ព័ន្ធ ក្នុងក្រុង ផ្លូវល្បឿនលឿន និងសេវាកម្មទេសចរណ៍នានារួចជាស្រេចក្នុងការស្វាគមន៍វត្តមានភ្ញៀវទេសចរណ៍ទាំងនោះ។ អ្វីដែលលើសនេះទៀត គឺអាច បង្ហាញទៅកាន់ភ្ញៀវអន្តរជាតិ ក៏ដូចជាផ្សព្វផ្សាយទៅកាន់ទីផ្សារទេសចរក្រៅស្រុកឱ្យបានឃើញពីផលិតផលទេសចរណ៍នៅតាមតំបន់ឆ្នេរ ក៏ដូចជាប្រទេសកម្ពុជាទាំងមូល៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ