ព័ត៌មានជាតិ
ក្រុមសហគ្រិនខ្មែរ និងអង្គការជាតិអន្តរជាតិរួមគ្នាពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា
ភ្នំពេញ ៖ សហគ្រិនខ្មែរ ទីភ្នាក់ងារសហរដ្ឋអាមេរិក សម្រាប់អភិវឌ្ឍអន្តរជាតិ (USAID) តាមរយៈ អង្គការផេកកម្ពុជា ( PACT Cambodia) ទីភ្នាក់ងារអាល្លឺម៉ង់សម្រាប់កិច្ចសហប្រតិបត្តិការអន្តរជាតិ (GIZ Cambodia) និងស្វីសខន់ថាក់ បានរួមសហការគ្នារៀបចំសន្និសីទប្រចាំឆ្នាំជាលើកដំបូងស្តីពីការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា (CAMESCO) កាលពីថ្ងៃទី០៩ ខែធ្នូ ឆ្នាំ២០២២ នៅសណ្ឋាគារ Hayatt Phnom Penh ដោយមានអ្នកចូលរួមប្រមាណ ១៥០នាក់ មកពីស្ថាប័ន និងអង្គការនានាជិត១០០ ។
លោកបណ្ឌិត ឈៀង វណ្ណមុនិណ្ឌ នាយកប្រតិបត្តិសហគ្រិនខ្មែរ បានមានប្រសាសន៍ថា សហគ្រិនខ្មែរ សង្ឃឹមថា វេទិកាថ្នាក់ជាតិដើម្បីលើកកម្ពស់ប្រព័ន្ធអេកូឡូស៊ីសហគ្រិនភាពឱ្យកាន់តែប្រសើរនៅកម្ពុជា នឹងដើរតួនាទីយ៉ាងសំខាន់ក្នុងការគាំទ្រភាគីពាក់ព័ន្ធនានាក្នុងប្រព័ន្ធអេកូឡូស៊ី ដើម្បីជួបប្រជុំគ្នា និងពង្រឹងបណ្តាញទំនាក់ទំនងសម្រាប់កិច្ចសហការបន្ថែមទៀត ដែលអាចជួយបំពេញបន្ថែមគ្នាទៅវិញទៅមក និងកសាងប្រព័ន្ធអេកូឡូស៊ីដ៏រឹងមាំ និងសម្បូរបែបជាងមុន ។ គម្រោងការកសាងប្រព័ន្ធអេកូឡូស៊ីសហគ្រិនភាព (EEB) មិនមែនផ្តោតលើការចម្លងកិច្ចការដែលកំពុងដំណើរការនោះទេ ប៉ុន្តែ EEB យកចិត្តទុកដាក់លើការស្វែងរកសមាសធាតុថ្មីៗ ដែលជាតម្រូវការនៅក្នុងប្រព័ន្ធអេកូឡូស៊ី រួមទាំងអាចចែករំលែក និងដោះស្រាយបញ្ហាប្រឈមទាំងនោះបាន ។
CAMESCO មានគោលបំណងបង្កើតបណ្តាញរវាងភាគីពាក់ព័ន្ធ ដែលមានគំនិតដូចគ្នា ដើម្បីពង្រឹងសហគ្រិនភាព និងប្រព័ន្ធអេកូឡូស៊ីវិនិយោគនៅកម្ពុជា ។ នេះបង្ហាញពីការអនុវត្តល្អៗ ក្នុងការលើកកម្ពស់កិច្ច សហការ និងការកសាងទំនុកចិត្ត និងជំរុញវប្បធម៌សហគ្រិនភាពក្នុងចំណោមអង្គការគាំទ្រសហគ្រិន (ESOs) និងតួអង្គពាក់ព័ន្ធនានា ។
លោកស្រី សាប៊ីន យ៉ៅគ្គឺស នាយកប្រចាំប្រទេស នៃអង្គការផេកកម្ពុជា បានលើកឡើងថា យើងរួមគ្នា ប្រមូលផ្តុំតួអង្គពាក់ព័ន្ធក្នុងប្រព័ន្ធអេកូឡូស៊ីទាំងអស់ ដើម្បីចែករំលែក និងសិក្សាពីគ្នាទៅវិញទៅមកឈ្វេងយល់កាន់តែច្បាស់ពីតម្រូវការរបស់សហគ្រាសធុនតូច និងមធ្យម ដើម្បីឱ្យតួអង្គទាំងអស់អាចពង្រឹងសេវាកម្មរបស់ខ្លួន កំណត់ចន្លោះខ្វះខាត និងកសាងចំណុចខ្លាំងដែលមានស្រាប់ ។ គម្រោង WE Act ដែលទទួលបានការគាំទ្រពី USAID ផ្តោតលើការគាំទ្រសហគ្រិនស្ត្រី និងធានាថា តម្រូវការរបស់ពួកគេត្រូវបានដឹងឮ និងដោះស្រាយ ។
លោក Rajiv Pradhan នាយកប្រចាំប្រទេស នៃអង្គការ ស្វីសខន់ថាក់ និងជានាយកគម្រោង EEB បានមានប្រសាសន៍ថា ឆ្នាំនេះ គឺជាឆ្នាំដ៏អស្ចារ្យដែលតួអង្គទាំងអស់បានមកជួបប្រជុំគ្នា ដើម្បីពិភាក្សាអំពីការប្រឈមសំខាន់ៗ និងរួមគ្នាស្វែងរកដំណោះស្រាយដើម្បីគាំទ្រគ្នាទៅវិញទៅមក និងជំរុញការវិនិយោគសម្រាប់សហគ្រាសដែលទើបចាប់ផ្តើម នឹងរីកចម្រើនស្រាប់ក្នុងប្រទេសកម្ពុជា ។ យើងទន្ទឹងរង់ចាំ និងជឿជាក់ថាក្នុងឆ្នាំ ២០២៣ សកម្មភាពសំខាន់ៗជាច្រើនទៀត នឹងកើតមានឡើង ហើយវិនិយោគិនកាន់តែច្រើនបន្ថែមទៀតនឹងបន្តចាប់អារម្មណ៍មកបណ្តាក់ទុនវិនិយោគនៅកម្ពុជា។
សូមបញ្ជាក់ថា CAMESCO គឺជាគំនិតផ្តួចផ្តើមមួយនៅក្នុងគម្រោងការកសាងប្រព័ន្ធអេកូឡូស៊ីសហគ្រិនភាព (EEB) ដោយមានការសហការឧបត្ថម្ភពីសហគ្រិនខ្មែរ ដែលគាំទ្រដោយក្រសួងសេដ្ឋកិច្ច និងហិរញ្ញវតត្ថុ USAID តាមរយៈគម្រោងសហគ្រិននារីសកម្មកម្ពុជា (WEACT) នៃអង្គការផេកកម្ពុជា និងស្វីសខន់ថាក់ ។ ក្រៅពី CAMESCO EEB មានគំនិតផ្តួចផ្តើមសំខាន់ៗពីរផ្សេងទៀតគឺ Give a Day និង បណ្តាញអ្នកកសាងប្រព័ន្ធអេកូឡូស៊ី សហគ្រិនភាព (EBN)៕ រ៉ាវុទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ