ព័ត៌មានជាតិ
លោក ស សុខា ផ្តល់អាហារូបករណ៍១០០ភាគរយ ៣០កន្លែងដល់សិស្សមកពីខេត្តបាត់ដំបង បន្ទាយមានជ័យ និងព្រៃវែង
សិស្សដែលទើបប្រឡងចប់សញ្ញាប័ត្រមធ្យមសិក្សា ទុតិយភូមិ(ថ្នាក់ទី១២) កាលពីពេលថ្មីកន្លងទៅនេះនៅទូទាំងប្រទេសជាពិសេសសិស្សមកពីខេត្តព្រៃវែង បាត់ដំបង និងខេត្តបន្ទាយមានជ័យ មានបំណងសិក្សានៅវិទ្យាស្ថានពហុបច្ចេកទេសព្រះកុសុមៈ ពេលនេះ លោក ស សុខា បានផ្ដល់អាហារូបករណ៍ចំនួន ៣០កន្លែង អាហារូបករណ៍ ១០០% សិក្សាថ្នាក់បរិញ្ញាបត្រ ដល់សិស្ស-និស្សិតសម្រាប់ឆ្នាំសិក្សា២០២២-២០២៣ នេះ។
ទន្ទឹមនេះ សិស្សត្រូវគោរពតាមលក្ខខណ្ឌមួយចំនួនដូចខាងក្រោមដើម្បីទទួលបានអាហារូបករណ៍៖
១. លក្ខខណ្ឌសម្រាប់សិស្ស-និស្សិតដាក់ពាក្យស្នើសុំ៖
- ផ្តល់ជូនសិស្ស-និស្សិតទូទាំងប្រទេស សិស្ស-និស្សិតមកពីខេត្តព្រៃវែង បាត់ដំបង និងខេត្តបន្ទាយមានជ័យ(ទទួលបានអាទិភាព)
- សិស្ស-និស្សិតធ្លាប់បានចូលរួមសកម្មភាពការងារសង្គម ឬមានជីវភាពខ្វះខាត(ទទួលបានអាទិភាព) (ត្រូវភ្ជាប់ជាមួយលិខិតបញ្ជាក់ថាបានចូលរួមសកម្មភាពការងារសង្គម ឬ លិខិតបញ្ជាក់ភាពក្រីក្រចេញដោយអាជ្ញាធរ)
- សិស្ស-និស្សិតត្រូវបំពេញពាក្យស្នើសុំ ប្រវត្តិរូបសង្ខេប សលាកប័ត្រឯកត្តជន (មានគំរូ)
- សិស្ស-និស្សិតត្រូវបំពេញកិច្ចសន្យាខិតខំរៀនសូត្រ និងគោរពតាមវិធានបទបញ្ជាផ្ទៃក្នុងរបស់ក្រុមការងារ។
២. លក្ខខណ្ឌជ្រើសរើសកម្រិតសិក្សា៖
ថ្នាក់បរិញ្ញាបត្រ ត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃសមមូល
៣. មុខជំនាញខាងសាលានឹងផ្តល់ជូន៖
- ផ្នែកបច្ចេកវិទ្យា
- វិស្វកម្មអគ្គិសនី
- វិស្វកម្មសំណង់ ស៊ីវិល
- វិស្វកម្មអេឡិចត្រូនិក
- បច្ចេកវិទ្យាព័ត៌មាន
- គណនេយ្យ-ហិរញ្ញវត្ថុ
- គ្រប់គ្រង
- ម៉ាឃីតធីង
៤. ការដាក់ពាក្យស្នើសុំ៖
- សិស្ស-និស្សិតអាចដាក់ពាក្យស្នើសុំអាហារូបករណ៍បានតាមរយ ដាក់ពាក្យផ្ទាល់នៅទីស្នាក់ការអាហារូបករណ៍ ស សុខា
- តាមរយៈ Facebook Page អាហារូបករណ៍ ស សុខា ដោយបំពេញពាក្យស្នើសុំ និងភ្ជាប់ជាមួយនឹងឯកសារ តម្រូវ Scan ឬថត(ឲ្យបានច្បាស់) ផ្ញើចូល Page
- តាមរយៈ Telegram របស់ក្រុមការងារអាហារូបករណ៍ ស សុខា
គួររំលឹកដែរថា ការដាក់ពាក្យស្នើសុំពាក្យស្នើសុំអាហារូបករណ៍គិតចាប់ផ្តើមទទួលពាក្យតាំងពីថ្ងៃផ្សព្វផ្សាយដំណឹងនេះរហូតដល់ ថ្ងៃទី១៥ ខែមករា ឆ្នាំ២០២៣ ខាងមុខ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ