ព័ត៌មានជាតិ

ចិនផ្តល់ជំនួយ៥ម៉ឺនដុល្លារ ដល់ក្រសួងអប់រំសម្រាប់រៀបចំបណ្ណាល័យឌីជីថលមេ

បានផុស

៥ years មុន

នៅ

ថ្ងៃព្រហស្បតិ៍ ៧ មករា ២០២១

ដោយ

ភ្នំពេញ ៖ រដ្ឋាភិបាលនៃសាធារណរដ្ឋប្រជាមានិតចិន បានផ្តល់ជំនួយជាថវិកាចំនួន៥ម៉ឺនដុល្លារអាមេរិកដល់ក្រសួងអប់រំ យុវជន និងកីឡា សម្រាប់ការរៀបចំបណ្ណាល័យឌីជីថលមេ នៅក្នុងបណ្ណាល័យសម្តេចតេជោ ហ៊ុន សែន (បឹងត្របែក)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីប្រគល់-ទទួលថវិកាសម្រាប់ការរៀបចំបណ្ណាល័យឌីជីថលមេនេះបានធ្វើឡើងកាលពីថ្ងៃទី៦មករាឆ្នាំ២០២១នៅអាជ្ញាធរជាតិប្រយុទ្ធប្រឆាំងគ្រឿងញៀនរវាងលោកស្រីបណ្ឌិតសឿ សុជាតា អនុរដ្ឋលេខាធិការក្រសួង អប់រំ យុវជន និងកីឡា និងលោកវេជ្ជបណ្ឌិត នាយឧត្តមសេនីយ៍ មាស វីរិទ្ធ ប្រធានអគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន។

ជំនួយដែលរដ្ឋាភិបាលចិនផ្តល់ឲ្យក្រសួងអប់រំនេះធ្វើឡើងតាមរយៈការគាំទ្រ និងសម្របសម្រួលពីសំណាក់នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន។

ទឹកប្រាក់ដែលទទួលបានជាសែកនេះគឺត្រូវបានយកទៅបើកគណនីនៅធនាគារអស៊ីលីដា សម្រាប់ចាប់ផ្តើមដំណើរការគម្រោងចាប់ពីថ្ងៃទី ០៨ ខែមករា ឆ្នាំ២០២១ស្អែកនេះ៕

ដោយ ៖ សំអឿន