ព័ត៌មានជាតិ

ដើមខែមករា ឆ្នាំ ២០២៣ ការដ្ឋានផ្លូវស្ពានធំៗពីរទៀត ត្រៀមបើកការសាងសង់

បានផុស

១ year មុន

នៅ

ថ្ងៃសុក្រ ៣០ ធ្នូ ២០២២

ដោយ

ក្រោយផ្លូវជាតិលេខ ៣១, ៣៣ និងលេខ ៤១ បានបើកដំណើរការសាងសង់ជាបន្តបន្ទាប់ ការដ្ឋានផ្លូវស្ពានធំៗចំនួនពីរទៀត ក៏នឹងត្រៀមបើកដំណើរការសាងសង់នៅដើមខែមករាឆ្នាំ ២០២៣។

គម្រោងស្ពានឆ្លងទន្លេខេត្តក្រចេះ នឹងធ្វើពិធីបើកការដ្ឋានសាងសង់នៅថ្ងៃ ០២ ខែមករា ឆ្នាំ២០២៣។ ទាក់ទងការបើកការដ្ឋានស្ពានឆ្លងទន្លេខេត្តក្រចេះ អាជ្ញាធរខេត្តក៏បានជូនព័ត៌មានពីការបញ្ចៀសចរាចរណ៍ឆ្លងកាត់តាមកំណាត់ផ្លូវជាតិលេខ៧៣ ប្រធាតុ -ក្រចេះ នៅថ្ងៃទី០២ ខែមករា ឆ្នាំ២០២៣ ចាប់ពីម៉ោង០៥:០០នាទីព្រឹក ដើម្បីសម្រួលកុំឲ្យប៉ះពាល់ដល់ដំណើរការរៀបចំកម្មវិធី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ពានខេត្តក្រចេះដែលគ្រោងបើកការដ្ឋាននៅប៉ុន្មានថ្ងៃទៀតនេះមានប្រវែងសរុប ១១៣១ម៉ែត្រ ទទឹង ១៣,៥០ម៉ែត្រ ជាប្រភេទស្ពានបេតុងសរសៃដែក ដោយគ្រោងចំណាយថវិកាសរុបជាង ៥៦លានដុល្លារ។ ការបើកការដ្ឋានសាងសង់ស្ពានឆ្លងទន្លេខេត្តក្រចេះ ក៏រួមបញ្ចូលទាំងការសាងសង់ផ្លូវតភ្ជាប់ទៅខេត្តកំពង់ធំផងដែរ។

ដោយឡែកគម្រោងហេដ្ឋារចនាសម្ព័ន្ធដ៏ធំមួយទៀត ក៏គ្រោងបើកការដ្ឋាននៅខែមករាឆ្នាំ ២០២៣។ ការដ្ឋានស្ថាបនាពង្រីកកំណាត់ផ្លូវជាតិលេខ ៧ ដែលទទួលកម្ចីពីរដ្ឋាភិបាលចិន នឹងធ្វើពិធីបើកដំណើរការសាងសង់នៅថ្ងៃ ០៩ មករា ឆ្នាំ ២០២៣។

ផ្លូវនេះចាប់ផ្តើមសាងសង់ពីទីប្រជុំជនស្គន់ស្រុកជើងព្រៃ រហូតដល់គល់ស្ពានគីហ្សូណាក្រុងកំពង់ចាម មានប្រវែងជាង ៤៥គីឡូម៉ែត្រ។ កំណាត់ផ្លូវនេះនឹងត្រូវពង្រីកពី ២ គន្លងទៅ ៤ គន្លង ខណៈបច្ចុប្បន្នមានលក្ខណៈតូចចង្អៀតមិនអាចឆ្លើយតបជាមួយបរិមាណចរាចរណ៍៕

Related Topics:ហេដ្ឋារចនាសម្ព័ន្ធ