ព័ត៌មានជាតិ

សពបុរសស្រវឹងស្រា លោតទឹកសម្លាប់ខ្លួន នៅលើស្ពានជ្រោយចង្វា រកឃើញហើយ

បានផុស

៥ years មុន

នៅ

ថ្ងៃសុក្រ ៨ មករា ២០២១

ដោយ

សពបុរសម្នាក់ ត្រូវគេប្រទះឃើញអណ្តែតទឹកទន្លេ ហើយក៏ដឹកតាមរថយន្តយកទៅវត្តព្រែកលៀប ដើម្បីធ្វើបុណ្យតាមប្រពៃណី។ ហេតុការណ៍ប្រទះឃើញសពនេះ នៅវេលាម៉ោង១២ថ្ងៃត្រង់ថ្ងៃទី៨ ខែមក រាឆ្នាំ២០២១ នៅចំណុចទន្លេសាប មុខផ្សាររាត្រីខណ្ឌដូនពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកថា ហេតុការណ៍ភ្ញាក់ផ្អើលមួយ បានកើតឡើងកាលពីវេលាម៉ោង៧និង៥០នាទីយប់ថ្ងៃទី៦ ខែមករា ឆ្នាំ២០២១ នៅលើស្ពានជ្រោយចង្វាថ្មី សង្កាត់ស្រះចក ខណ្ឌដូនពេញ រាជធានី ភ្នំពេញ មានករណីបុរសម្នាក់លោតទឹកពីលើស្ពានជ្រោយចង្វា។

បងប្រុសជនរងគ្រោះឈ្មោះ សំ ឧត្ដម បានឲ្យដឹងថា បុរសដែលលោតទឹកសម្លាប់ខ្លួននោះ ត្រូវជាប្អូនប្រុសបង្កើតរបស់គាត់ ឈ្មោះ សំ បញ្ញា អាយុ២៤ឆ្នាំ មុខរបររត់ម៉ូតូកង់បីឥណ្ឌា បច្ចុប្បន្នស្នាក់ នៅផ្ទះជួលនៅភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ជាមួយប្រពន្ធ។ មានស្រុកកំណើតនៅភូមិព្រៃតាបេស ឃុំពោធិ៏ ស្រុកស្រីសន្ធរ ខេត្តកំពង់ចាម។

ប្រភពដដែលបានបន្តថា មុនកើតហេតុ គឺបុរសគិតខ្លីខាងលើ និងប្រពន្ធបានទៅផឹកស៊ីនៅផ្ទះគាត់ នៅសង្កាត់ព្រែកលាប ដើម្បីពិភាក្សាគ្នារឿងធ្វើបុណ្យខួបគម្រប់៣ឆ្នាំឲ្យម្តាយ នៅថ្ងៃទី៧ ខែមករា ឆ្នាំ២០២១ ខណៈពេលហូបចុកស្រវឹង ស្រាប់តែប្អូនប្រុសគាត់បានឈ្លោះប្រកែកពាក្យសម្តីគ្នាជាមួយប្រពន្ធ ហើយខឹងក៏ឡើងបើកម៉ូតូកង់បីចេញទៅបាត់ ដោយមិនប្រាប់អ្នកណាឡើយ។ លុះរំលងដល់ម៉ោង៩យប់ ក៏មានសមត្ថកិច្ចទាក់ទងទៅប្រពន្ធបុរសរងគ្រោះប្រាប់ថា បុរសនោះបានលោតទឹកសម្លាប់ខ្លួនបាត់ទៅហើយ។

ក្រោយកើតហេតុ នៅសល់ម៉ូតូកង់បីត្រូវបានសមត្ថកិច្ចយកទៅរក្សាទុកបណ្តោះអាសន្ន នៅប៉ុស្តិ៍នគរបាលស្រះចក រង់ចាំសាច់ញាតិយកឯកសារមកបញ្ជាក់ ដើម្បីយកម៉ូតូកង់បីនោះត្រលប់ទៅវិញ។ ចំណែកប្រពន្ធនិងសាច់ញាតិបុរសខាងលើ បានត្រឹមស្តាយស្រណោះ និង ជួលទូកគេស្វែងរកសពបុរសនោះមកធ្វើបុណ្យតែរកមិនឃើញ លុះម៉ោង១២ថ្ងៃទី៨ទើបសពអណ្តែតទឹក ហើយស្រង់យកទៅធ្វើបុណ្យតាមប្រពៃណី៕

អត្ថបទ៖ ឌីរៀ

Related Topics:សម្លាប់ខ្លួន

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា