ព័ត៌មានជាតិ
មន្រ្ដីម្នាក់បាញ់សម្លាប់ប្រពន្ធរួច បាញ់ខ្លួនឯងតាមក្រោយ បន្សល់ទុកកូនស្រីឲ្យនៅកំព្រា
មន្ដ្រីកងរាជអាវុធហត្ថម្នាក់ បានបាញ់សម្លាប់ប្រពន្ធ បន្ទាប់ក៏បានបាញ់ខ្លួនឯងតាមក្រោយ ដោយបន្សល់កូនស្រីអាយុ១៥ឆ្នាំម្នាក់ ហេតុការណ៍នេះ បានកើតឡើងកាលពីរំលងអាធ្រាត្រឈានចូលថ្ងៃទី១០ ខែមករា ឆ្នាំ២០២១ នៅចំណុចបន្ទប់ជួលលេខ២ តាមបណ្ដោយផ្លូវ អេសអូអេស ក្នុងសង្កាត់កោគឃ្លាង ខណ្ឌសែនសុខ។
សមត្ថកិច្ចបានឲ្យដឹងថា មន្ត្រីកងរាជអាវុធហត្ថរូបនេះឈ្មោះ សេក គឹមសាន អាយុ៥៩ឆ្នាំ ពាក់ស័ក្ដិ៤នឮកន្លះ នឹងជាគ្រូបង្រៀននៅសាលាកងរាជអាវុធហត្ថកំបូលផង ចំណែកប្រពន្ធមានឈ្មោះ ជួប សារ៉ែន អាយុ៣៦ឆ្នាំ មុខរបរនៅផ្ទះ ។
ប្រភពពីអ្នកជិតខាង បានឲ្យដឹងថា ប្តីប្រពន្ធ និង កូនស្រីម្នាក់ បានមកស្នាក់ នៅបន្ទប់ជួលកើតហេតុ រយៈពេលច្រើនខែមកហើយ ដោយសង្កេតឃើញថា ប្ដីតែងតែប្រចណ្ឌនឹងប្រពន្ធជាញឹកញាប់ ស្របពេលឃើញប្រពន្ធនិយាយទូរសព្ទ ប្ដីតែងតែចោទរករឿងថានេះថានោះគ្រប់ពេល។ អ្នកជិតខាងដដែលបន្តថា មន្ត្រីកងរាជអាវុធហត្ថរូបនោះ ធ្លាប់មានប្រពន្ធម្តងមកហើយ ដោយមានកូននៅក្នុងបន្ទុកចំនួន៥នាក់។ ចំណែកស្ដ្រីរងគ្រោះជាប្រពន្ធក្រោយ ដោយរួមរស់ជាមួយគ្នា បានកូនស្រីអាយុ១៥ ឆ្នាំម្នាក់។
លុះដល់យប់កើតហេតុ ស្រាប់តែឮសូរសំឡេងផ្ទុះអាវុធ៣ទៅ៤គ្រាប់ បង្កឲ្យមានការភ្ញាក់ផ្អើលដល់អ្នកជិតខាងបន្ទប់ក្បែរគ្នា ក៏នាំគ្នាចូលទៅមើលឃើញប្ដីប្រពន្ធទាំងពីរនាក់ ដេកស្លាប់បាត់ទៅហើយ។ ក្នុងករណីនេះ សមត្ថកិច្ចនិងអ្នកជិតខាង បានដាក់ការសង្ស័យថា អាចប្រហែលមកពីភ្លើងប្រចណ្ឌ៕
អត្ថបទ៖ ជលសាល
-
សន្តិសុខសង្គម៤ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច២ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ១ សប្តាហ៍ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានអន្ដរជាតិ៦ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ១ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៣ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ១ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ