Connect with us

ព័ត៌មានជាតិ

ក្រសួងបរិស្ថាន គ្រោងដាក់ឲ្យដំណើរការ​យុទ្ធនាការ​អន្ទាក់​សូន្យ​ដំណាក់កាល​ទី​ពីរនៅ​ក្នុង​តំបន់​ការពារធម្មជាតិ​កម្ពុជា

បានផុស

នៅ

​រដ្ឋលេខាធិការ​ក្រសួងបរិស្ថាន លោកនេត្រ ភក្ត្រា ដែលជាតំណាងលោក សាយ សំអាល់ រដ្ឋមន្ត្រីក្រសួងបរិស្ថាន ដើម្បីដឹកនាំយុទ្ធនាការ​អន្ទាក់សូន្យនៅ​ទូទាំង​ប្រទេស​កម្ពុជា​ បានថ្លែងថា ក្នុងឱកាស​លោក​បាន​ដឹកនាំ​កិច្ចប្រជុំ​រៀបចំ​ដំណើរការ​នៃ​យុទ្ធនាការ​អន្ទាក់​សូន្យ ដំណាក់កាល​ទី​ពីរ នា​រសៀល​ថ្ងៃទី ២៥ ខែមករា ឆ្នាំ​២០២៣ នៅ​ទីស្តីការ​ក្រសួងបរិស្ថាន ដែលមាន​ការចូលរួម​ពី​អគ្គនាយកដ្ឋាន​ពាក់ព័ន្ធ​ចំណុះ​ក្រសួងបរិស្ថាន តំណាង​អង្គការ​ដៃគូ​រួមមាន​អង្គការ​មូលនិធិ​សកល​សម្រាប់​ធម្មជាតិ (WWF) អង្គការ​សម្ព័ន្ធ​សត្វព្រៃ​(Wildlife Alliance) អង្គការ​ជីវិត​ធម្មជាតិ​នៅ​កម្ពុជា (NatureLife) អង្គការ​អភិរក្ស​អន្តរជាតិ (CI) គម្រោង​មរតក​បៃតង​របស់​ទីភ្នាក់ងារ​សហរដ្ឋអាមេរិក​សម្រាប់​អភិវឌ្ឍ​អន្តរជាតិ (USAID Morodok Baitang) គម្រោង​អនាគត​បៃតង​កម្ពុជា (USAID Cambodia Green Future) អង្គការ Fauna & Flora International (FFI), អង្គការ Wild Earth Allies និង​អង្គការ​មូលនិធិ MJP​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពី​ដើមខែ​មីនា ឆ្នាំ​២០២២ មក «​យុទ្ធនាការ​អន្ទាក់​សូន្យ​នៅក្នុង​តំបន់ការពារធម្មជាតិ​កម្ពុជា​» ត្រូវបាន​អនុវត្ត​យ៉ាង​ជាប់លាប់​ជាមួយនឹង​ការរៀបចំ​សកម្មភាព និង​ប្រើប្រាស់​មធ្យោបាយ​ឃោសនា​ចម្រុះ​ដើម្បី​ផ្សព្វផ្សាយ​ដល់​ភាគី​ពាក់ព័ន្ធ និង​សាធារណជន​ទូទៅ ជាពិសេស​ប្រជាពលរដ្ឋ​ដែល​រស់នៅ​ក្បែរ និង​ជុំវិញ​តំបន់ការពារធម្មជាតិ​ឲ្យ​យល់ដឹង​អំពី​ផលវិបាក​ដែល​បង្កឡើង​ដោយ​ការដាក់​អន្ទាក់ និង​ការ​បរបាញ់​សត្វព្រៃ​ទាំង​ចំពោះ​មនុស្ស និង​ធនធាន​សត្វព្រៃ​ដ៏​មានតម្លៃ​របស់​កម្ពុជា​។

យុទ្ធនាការ​នេះ​ក៏បាន​បញ្ជៀប​ការយល់ដឹង​ជា​សាធារណៈ ជាពិសេស​បាន​ផ្សព្វផ្សាយ​ដល់​អ្នក​និយម​បរិភោគ​សាច់សត្វ​ព្រៃ និង​អ្នកជួញដូរ​សត្វព្រៃ​ទាំងអស់​ឲ្យ​ដឹង​ពី​ហានិភ័យ​ចំពោះ​សុខភាព​ផ្ទាល់ខ្លួន និង​សុខភាព​សាធារណៈ​ដែល​អាច​កើតឡើង​បណ្តាលមកពី​ការបរិភោគ និង​ការជួញដូរ​សត្វព្រៃ​ទាំងនោះ ដើម្បី​ជំរុញ​ការផ្លាស់ប្តូរ​ឥរិយាបថ និង​លើកទឹកចិត្ត​ឲ្យ​ចូលរួម​ក្នុងការ​អភិរក្ស​សត្វព្រៃ និង​ថែរក្សា​ធនធានធម្មជាតិ​កម្ពុជា​។

ភាពជោគជ័យ​នៃ​យុទ្ធនាការ​ក្នុងដំណាក់កាល​ទីមួយ កន្លងទៅនេះ ជាការ​បោះ​ជំហាន​លើ​មាគ៌ា​ដ៏​ត្រឹមត្រូវ​មួយ ស្របទៅនឹង​ផែនការ​យុទ្ធសាស្ត្រ ព្រមទាំង​ចក្ខុវិស័យ​របស់​ក្រសួងបរិស្ថាន ក្នុងការ​គ្រប់គ្រង ការពារ និង​ស្តារ​តំបន់ការពារធម្មជាតិ​កម្ពុជា ដើម្បី​បម្រើ​ប្រយោជន៍​សង្គម​សេដ្ឋកិច្ចជាតិ ក៏ដូចជា​ការអភិវឌ្ឍ​សេដ្ឋកិច្ច​មូលដ្ឋាន​ដើម្បី​ធ្វើយ៉ាងណា​ឱ្យ​សហគមន៍​មាន​ជីវភាព​ប្រសើរឡើង ជាពិសេស​តាមរយៈ​សកម្មភាព​អេកូ​ទេសចរណ៍ និង​ជម្រើស​ថ្មី​សម្រាប់​ការប្រកបមុខរបរ​ចិញ្ចឹមជីវិត ក្រៅពី​ការពឹង​អាស្រ័យ​លើ​អនុផល​ព្រៃឈើ ដោយ​រក្សាបាន​នូវ​លំនឹង​បរិស្ថាន និង​ការអភិរក្ស​ធនធានធម្មជាតិ ព្រៃឈើ សត្វព្រៃ​របស់​កម្ពុជា​ឱ្យបាន​គង់វង្ស​សម្រាប់​មនុស្ស​រាប់​ជំនាន់​ទៅមុខទៀត។

ក្រោយ​ការបង្ហាញ​សកម្មភាព​ផែនការ​សម្រាប់​យុទ្ធនាការ​ដំណាក់កាល​ទី​ពីរ ការផ្លាស់ប្តូរ​យោបល់​រវាង​ភាគី​ដៃគូ​ដែល​បាន​ចូលរួម និង​ការផ្តល់​មតិ​ណែនាំ​ដោយ​លោក​រដ្ឋលេខាធិកា​រ កិច្ច​ប្រជុំបាន​ឯកភាព​កំណត់​យក​ថ្ងៃទី​៣ ខែមីនា ឆ្នាំ​២០២៣ ខាងមុខនេះ ដែល​ត្រូវ​នឹង​ថ្ងៃ​នៃ​ទិវា​សត្វព្រៃ​ពិភពលោក​ដែរនោះ ដើម្បី​ប្រកាស​ដាក់​ដំណើរការ​យុទ្ធនាការ​អន្ទាក់​សូន្យ​ដំណាក់កាល​ទី​ពីរ ដែល​នឹង​ប្រព្រឹត្ត​ទៅក្នុង​រយៈពេល​ប្រាំ​ខែ គឺ​ចាប់ពី​ខែមីនា ដល់​ខែកក្កដា ឆ្នាំ​២០២៣ ហើយ​ត្រូវអនុវត្ត​ក្នុង​ខេត្ត​ចំនួន​ប្រាំ​គឺ ​៖ ខេត្តកំពង់ស្ពឺ ខេត្តពោធិ៍សាត់ ខេត្តកោះកុង ខេត្តបាត់ដំបង និង​ប៉ៃលិន​។

តាមរយៈ​ការអនុវត្ត​យុទ្ធនាការ​នេះ ភាគី​ពាក់ព័ន្ធ និង​ដៃគូ​ទាំងអស់​បានផ្តល់​ឆន្ទៈ​ធ្វើការ​រួមគ្នា​ដោយ​ឈរ​លើ​មូលដ្ឋាន​នៃ​ការស្វែងរក​ដំណោះស្រាយ​រួមគ្នា​ចំពោះ​កត្តា​ប្រឈម និង​ការគំរាមកំហែង​នានា​ចំពោះ​សត្វព្រៃ និង​ធនធានធម្មជាតិ​ដែល​កំពុង​កើតមាន សំដៅ​សម្រេចបាន​នូវ​គោលបំណង​រួម​តែមួយ​គឺ​ការ​ឈានទៅ​លុបបំបាត់​ការប្រើ​អន្ទាក់​គ្រប់​ប្រភេទ​ក្នុង​តំបន់​ការពារ​របស់​កម្ពុជា និង​បញ្ឈប់​ការជួញដូរ​សត្វព្រៃ​ដែល​ត្រូវបាន​ហាមឃាត់​ដោយ​ច្បាប់​។

សូម​រំលឹក​ដែរ​ថា អន្ទាក់​គឺជា​ឃាតក​លាក់​មុខ ហើយ​បាន និង​កំពុង​គំរាមកំហែង​ខ្លាំង​ចំពោះ​ការរស់រាន​របស់​សត្វ​ព្រៃ​។ អន្ទាក់​បាន​បង្ក​ឲ្យ​សត្វព្រៃ​មួយចំនួន​បាន​បាត់បង់​ពី​ក្នុងព្រៃ​ធម្មជាតិ ខណៈ​កំពុង​ធ្វើ​ឲ្យ​ចំនួន​សត្វព្រៃ​មួយចំនួន​ធ្លាក់ចុះ​។ «​យុទ្ធនាការ​អន្ទាក់​សូន្យ​នៅក្នុង​តំបន់ការពារធម្មជាតិ​កម្ពុជា​» ត្រូវបាន​ផ្តួចផ្តើម និង​ដឹកនាំ​រៀបចំឡើង​ដោយ​ក្រសួងបរិស្ថាន​ដោយមាន​ការចូលរួមរ​បស់​អង្គការ​អន្តរជាតិ​ដៃគូ​ក្នុង​វិស័យ​អភិរក្ស​ធនធានធម្មជាតិ កាលពី​ខែមីនា ឆ្នាំ​២០២២ កន្លងទៅ ក្នុង​គោលបំណង​ដើម្បី​ឈានទៅ​បញ្ចប់​វិបត្តិ​នៃ​ការដាក់​អន្ទាក់​នេះ​។ ជាក់ស្តែង​ដំណាក់កាល​ទីមួយ​នៃ​យុទ្ធនាការ​នេះ​ត្រូវបាន​អនុវត្ត​ចប់សព្វគ្រប់​ក្នុង​ខែកញ្ញា ឆ្នាំ​២០២២ កន្លងទៅនេះ ដោយបាន​ធ្វើដំណើរ​ក្នុង​បណ្តា​ខេត្ត​នៃ​ប៉ែក​ខាងកើត​ទន្លេមេគង្គ​រួមមាន​ខេត្តស្ទឹងត្រែង ព្រះវិហារ ក្រចេះ រតនគិរី មណ្ឌលគិរី និង​ខេត្តកំពង់ធំ​។

នៅក្នុង​កិច្ចប្រជុំ​នោះដែរ លោក​រដ្ឋលេខាធិកា​រ បានផ្តល់​បច្ចុប្បន្នភាព​ថា ក្នុង​ឆ្នាំ​២០២២ អន្ទាក់​ចំនួន ៣៤,០០០ អន្ទាក់​ត្រូវបាន​ដោះ​ចេញពី​តំបន់ការពារធម្មជាតិ​កម្ពុជា ខណៈ​អន្ទាក់​ដែល​គេ​បាន​ដោះ​ក្នុង​ឆ្នាំ​២០២១ មាន​ចំនួន ដល់​ទៅ ៦១,៦១១ អន្ទាក់​។ ចំនួន​អន្ទាក់​ក្នុង​ឆ្នាំ​២០២១ កើនឡើង​ប្រមាណ​ជាជាង​២០% បើ​ប្រៀបធៀប​នឹង​បរិមាណ​អន្ទាក់​ដោះ​បាន​ក្នុង​ឆ្នាំ​២០២០ ដែលមាន​ចំនួន ៤៣,២៧០ អន្ទាក់​។ ប៉ុន្តែ​ចំនួន​អន្ទាក់​សរុប​បាន​ថយចុះ​ក្នុង​ឆ្នាំ​២០២២ ដែលជា​ឆ្នាំ​នៃ​យុទ្ធនាការ​អន្ទាក់​សូន្យ ពោលគឺ​ចំនួន​ជាង​៤៤%​។

លោក​បាន​ថ្លែង​គូសបញ្ជាក់ថា «​លទ្ធផល​នេះ​ជា​សូចនាករ​មួយ​ដែល​អាច​បញ្ជាក់បាន​អំពី​ហេតុ​ប៉ះពាល់​ដោយ​ផ្ទាល់​ចេញពី​ការអនុវត្ត​យុទ្ធនាការ​ដ៏​មាន​សារៈសំខាន់​ក្នុងការ​ផ្សព្វផ្សាយ​ពី​ផលវិបាក​នៃ​ការដាក់​អន្ទាក់ ការបរិភោគ និង​ការជួញដូរ​សាច់សត្វ​ព្រៃ ដើម្បី​ផ្លាស់ប្តូរ​ឥរិយាបថ​របស់​ប្រជាពលរដ្ឋ​ឲ្យ​បញ្ឈប់​ការ​ដាក់​អន្ទាក់ បញ្ឈប់​ការបរិភោគ និង​បញ្ឈប់​ជួញដូរ​សត្វព្រៃ ដែល​ទង្វើ​ទាំងនេះ​សុទ្ធសឹង​ជា​ទង្វើ​ដែល​បង្ក​មហន្តរាយ​ដល់​មនុស្ស និង​សត្វព្រៃ​គ្រប់​ប្រភេទ​។

គួរ​រំលឹក​ផង​ដែរ​ថា ​វិបត្តិ​អន្ទាក់​មិនមែន​កើតឡើង​តែ​ក្នុងប្រទេស​កម្ពុជា​ទេ​។ ផ្អែក​តាម​របាយការណ៍​ឆ្នាំ​២០២០​របស់​អង្គការ WWF គេ​បាន​ប៉ាន់ប្រមាណ​ថា អន្ទាក់​ចំនួន​ប្រមាណ​១២​លាន​អន្ទាក់ មាន​វត្តមាន​នៅក្នុង​តំបន់​ការពារ​នៃ​ប្រទេស​មួយចំនួន​ផ្សេងទៀត​ក្នុង​តំបន់​អាស៊ីអាគ្នេយ៍ ដូចជា​នៅក្នុង​ប្រទេស​ឡាវ វៀតណាម ម៉ាឡេស៊ី និង​ប្រទេស​ឥណ្ឌូនេស៊ី​។ តាម​របាយការណ៍​ដដែល​នេះ អន្ទាក់​ទាំងនេះ​ជាដើម​ចម​ធ្វើឱ្យ​បាត់បង់​នូវ​សត្វ​កម្រ​មួយ​ចំនួន​ដូចជា សត្វ​ខ្លាធំ ខ្លារខិន ខ្លា​ពពក ឆ្កែព្រៃ ខ្លាឃ្មុំ​ជាដើម៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៩ វិនាទី មុន

ក្រសួងបរិស្ថាន គ្រោងដាក់ឲ្យដំណើរការ​យុទ្ធនាការ​អន្ទាក់​សូន្យ​ដំណាក់កាល​ទី​ពីរនៅ​ក្នុង​តំបន់​ការពារធម្មជាតិ​កម្ពុជា

កីឡា២ ម៉ោង មុន

មន្ត្រី​បាល់ទះ​កម្ពុជា ២៥​រូប​បញ្ចប់​វគ្គ​បណ្ដុះបណ្ដាល​ប្រព័ន្ធ​ការប្រកួត​ដោយ​ជោគជ័យ ត្រៀម​មុន​ស៊ី​ហ្គេម ឆ្នាំ​២០២៣

ព័ត៌មានជាតិ២ ម៉ោង មុន

​ព្រះមហាក្សត្រ​ត្រាស់​បង្គាប់​តែងតាំង​លោកឃួង ស្រេង ជាទីប្រឹក្សា​ផ្ទាល់សម្ដេចតេជោ​ បន្ថែមលើមុខងារបច្ចុប្បន្ន

សេដ្ឋកិច្ច៣ ម៉ោង មុន

វិស័យកសិកម្មរំពឹងងើបឡើង១,១ភាគរយ ផ្អែកលើកំណើនការនាំចេញ និងអនុវិស័យផ្សេងៗ

ព័ត៌មានជាតិ៣ ម៉ោង មុន

លោកបណ្ឌិត លី សាម៉េត ជួបសំណេះសំណាលជាមួយបងប្អូនកូនក្មួយមកពីគណបក្សភ្លើងទៀន និងប្រកាសបញ្ចូលសមាជិកថ្មី

Sokha Hotels

ព័ត៌មានពេញនិយម