ព័ត៌មានជាតិ
សម្ដេចតេជោ ៖ ទោះធ្លាប់គាំទ្របក្សប្រឆាំង និងធ្លាប់ជេររដ្ឋាភិបាលក៏ដោយ ក៏ពលរដ្ឋខ្មែររស់នៅក្រៅប្រទេស អាចមកលេងស្រុកខ្មែរបានធម្មតា
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានគូសបញ្ជាក់ច្បាស់ៗថា ប្រជាពលរដ្ឋខ្មែររស់នៅក្រៅប្រទេស ទោះបីធ្លាប់គាំទ្រគណបក្សប្រឆាំង និងធ្លាប់ជេររាជរដ្ឋាភិបាលក៏ដោយ អាចមកដើរលេងកម្សាន្ដនៅក្នុងប្រទេសកម្ពុជាបានជាធម្មតា មិនមានបញ្ហាអ្វីឡើយ លើកលែងតែអ្នកមានដីកាឲ្យចាប់ខ្លួនតែប៉ុណ្ណោះ។
សម្ដេចតេជោ ហ៊ុន សែន នៅក្នុងពិធីជួបសំណេះសំណាល និងផ្ដល់រង្វាន់លើកទឹកចិត្តដល់សិស្សជាប់និទ្ទេស A នាព្រឹកថ្ងៃទី ២ ខែកុម្ភៈនេះ បានថ្លែងថា សម្ដេច មានការភ្ញាក់ផ្អើលនៅពេលទទួលព័ត៌មានថា មានប្រជាពលរដ្ឋខ្មែររស់នៅក្រៅប្រទេសមួយចំនួន មានការព្រួយបារម្ភមិនហ៊ានមកលេងស្រុកខ្មែរ ដោយសារធ្លាប់គាំទ្រគណបក្សប្រឆាំង និងធ្លាប់ជេររាជរដ្ឋាភិបាល តាមបណ្ដាញសង្គមហ្វេសប៊ុក។
សម្ដេចតេជោ ហ៊ុន សែន បានថ្លែងបែបនេះថា «ថ្ងៃមុនខ្ញុំជួបលោកស្រី ហែម ចន្ថា ឬថា ចន្ថា ហែម ប្រហែលជាមួយអាទិត្យជាងហើយ ខ្ញុំជួបគ្នា ហើយឆ្លងឆ្លើយសំឡេងគ្នាទៅវិញទៅមក ខ្ញុំសួរគាត់ គាត់ថា គាត់ខ្លាច អត់ហ៊ានមក ព្រោះធ្លាប់បានជេររដ្ឋាភិបាល…ខ្ញុំថា អត់ទេ»។
ឆ្លៀតនៅក្នុងឱកាសនេះ សម្ដេចតជោ ហ៊ុន សែន បានថ្លែងបញ្ជាក់ថា ប្រជាពលរដ្ឋរស់នៅក្រៅប្រទេស ដែលមិនដីកាឲ្យចាប់ខ្លួនទេ ទោះអ្នកនោះធ្លាប់ជេររាជរដ្ឋាភិបាល និងធ្លាប់គាំទ្រគណបក្សប្រឆាំងក៏ដោយ អាចមកលេងស្រុកខ្មែរជាធម្មតា មិនមានបញ្ហាអ្វីឡើយ។
សម្ដេចតេជោ ហ៊ុន សែន បានបញ្ជាក់បែបនេះថា «ខ្ញុំសុំយកឱកាសនេះបញ្ជាក់បន្តិច ប្រទេសនេះ គឺជាប្រទេសកម្ពុជា ជាប្រទេសទាំងអស់គ្នា អ្នកដែលមិនមានដីកាតុលាការតាមចាប់ខ្លួន អ្នកនោះទោះបីធ្លាប់ជេររដ្ឋាភិបាល អត់មានពាក្យបណ្ដឹងណាទៅតុលាការទេ គឺអ្នកនោះមកបានអត់មានបញ្ហាអីទេៗ»។
សម្ដេចតេជោ ហ៊ុន សែន បានបញ្ជាក់ទៀតថា សូមប្រជាពលរដ្ឋខ្មែររស់នៅក្រៅប្រទេស ដែលធ្លាប់គាំទ្រគណបក្សប្រឆាំង និងជេររាជរដ្ឋាភិបាល កុំមានយល់ច្រឡំពាក់ព័ន្ធបញ្ហាខាងលើនេះ ដោយអាចមកដើរលេងកម្សាន្ដ ក្នុងប្រទេសកម្ពុជាបានជាធម្មតា លើកលែងតែអ្នកមានដីកាឲ្យចាប់ខ្លួនតែប៉ុណ្ណោះ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ