ព័ត៌មានជាតិ

លោក គី សេរីវឌ្ឍន៍៖ «ទេសចរចិន ១ លាននាក់ ចាយលុយស្មើទេសចរអឺរ៉ុប ៣ លាននាក់»

បានផុស

៣ years មុន

នៅ

ថ្ងៃអាទិត្យ ១២ មីនា ២០២៣

ដោយ

លោកបណ្ឌិត គី សេរីវឌ្ឍន៍ ដែលជាអ្នកជំនាញសេដ្ឋកិច្ចនៃរាជបណ្ឌិតសភាកម្ពុជាបានអះអាងថា «មិនមានភ្ញៀវទេសចរណាដែលមកទស្សនាប្រទេសកម្ពុជា ហើយចាយលុយច្រើននៅក្នុងដំណើរកម្សាន្តដូចជាភ្ញៀវទេសចរចិននោះទេ»។ លោកបានលើកឡើងបែបនេះ ក្នុងវេទិកានៃកិច្ចពិភាក្សាពិសេសរបស់កម្ពុជាថ្មី នាថ្ងៃទី២៨ ខែកុម្ភៈ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវេទិកាកិច្ចពិភាក្សាពិសេសរបស់កម្ពុជាថ្មី ក្រោមប្រធានបទ« «ហេតុអ្វីចិន-កម្ពុជា ត្រូវការគ្នាទៅវិញទៅមកជាចាំបាច់?» លោក បណ្ឌិត គី សេរីវឌ្ឍន៍ បានមានប្រសាសន៍ថា ទំនាក់ទំនងរវាង កម្ពុជា-ចិន បើនិយាយចំពោះវិស័យទេសចរណ៍តែមួយ ចិនបានទាញចំណូលចូលវិស័យសេដ្ឋកិច្ចកម្ពុជាជាច្រើន ព្រោះទេសចរណ៍ជាវិស័យមួយដែលបានជួយបង្កើតភាគរយយ៉ាងច្រើនដល់ចំណូល GDP ជាតិ ប្រមាណជា ៣៧-៣៨% ក្នុងមួយឆ្នាំ។

ដោយឡែក បើក្រឡេកមកមើលពីភ្ញៀវទេសចរអន្តរជាតិ ដែលបានចូលមកប្រទេសកម្ពុជា ដែលក្នុងនោះលោក បណ្ឌិត គី សេរីវឌ្ឍន៍ បានទៅសិក្សាផ្ទាល់នៅតាមបណ្ដាប្រទេសមួយចំនួនដូចជា ថៃ វៀតណាម ម៉ាឡេស៊ី សិង្ហបុរី និងកម្ពុជាខ្លួនឯង ដោយមើលឃើញថាគឺគ្មានភ្ញៀវទេសចរណា ដែលចាយច្រើនដូចជាភ្ញៀវទេសចរចិននោះទេ។

ត្រង់ចំណុចខាងលើ អ្នកជំនាញសេដ្ឋកិច្ចរូបនេះបានសង្កត់ធ្ងន់ថា «បើសិនជាភ្ញៀវទេសចរចិនចូលមកកម្ពុជាត្រឹមតែ ១ លាននាក់ គឺស្មើនឹងភ្ញៀវទេសចរអឺរ៉ុប រហូតដល់ ៣ លាននាក់ ព្រោះក្នុងដំណើររបស់ទេសចរចិនក្នុងម្នាក់ៗ មកកម្ពុជា ចិនចាយលុយមួយដំណើរកម្សាន្តរបស់ពួកគេ ក្នុងរង្វង់ពី ១២០០ ដុល្លារ។ តែចំពោះទេសចរអឺរ៉ុប ចាយលុយត្រឹមតែ ៥០០ ដុល្លារ ប៉ុណ្ណោះ ដូច្នេះការចាយវាយរបស់ជនជាតិចិន លើសជនជាតិអឺរ៉ុបរហូតដល់ជិត ៣ដង»។

ជាមួយគ្នានេះដែរ លោកបណ្ឌិត គី សេរីវឌ្ឍន៍ ក៏បានបញ្ជាក់ផងដែរ ក្នុងរង្វង់ភ្ញៀវទេសចរចិន ដែលចូលមកកម្ពុជា ២លាននាក់ នោះគឺស្មើហ្នឹងទេសចរអឺរ៉ុបដែលចូលមកកម្ពុជាក្នុងរង្វង់ ៥លាននាក់ឯណោះ ដែលមានចំនួនលើសគ្នាស្ទើរតែ ៣ ដង ដូច្នេះហើយ បានជួយឱ្យកំណើនសេដ្ឋកិច្ចជាតិមានការរីកចម្រើនខ្ពស់។

នៅមិនទាន់អស់នោះទេ លោក បណ្ឌិត គី សេរីវឌ្ឍន៍ បានពន្យល់ទៀតថា ដោយសារតែការចាយវាយរបស់ជនជាតិចិន មានចំនួនច្រើនលើសជនជាតិដទៃ បានធ្វើឱ្យប្រទេសថៃមាននៅគោលនយោបាយមួយគឺការគៀងគរភ្ញៀវទេសចរចិន ដើម្បីឱ្យទៅលេងកម្សាន្តនៅប្រទេសពួកគេកាន់តែច្រើន ដោយថៃអាចទទួលបានភ្ញៀវទេសចរប្រមាណជាង ៣០លាន នាក់ ដែលក្នុងនោះទេសចរចិនមានជាង ៣០% ដែលស្មើជាង ១០លាននាក់។ មួយវិញទៀត ប្រទេសចិន និងវៀតណាម ដែលកំពុងតែបញ្ហារឿងកោះនៅសមុទ្រចិនខាងត្បូង ដែលគាំពារដោយសហរដ្ឋអាមេរិកពីក្រោយខ្នង បានទាញយកភ្ញៀវទេសចរចិនរហូតដល់ ៨លាននាក់ ឱ្យទៅទស្សនាប្រទេសរបស់ពួកគេ។

បើទោះបីជាការចូលមកកម្ពុជាតាមរយៈទេសចរចិន បានជួយដល់សេដ្ឋកិច្ចជាតិយ៉ាងណាក៏ដោយ លោក បណ្ឌិត គី សេរីវឌ្ឃន៍ បានអះអាងថា ក៏នៅមានគំនិតមួយចំនួនតាមរយៈអ្នកនយោបាយបិតគូទ ដោយគិតតែប្រយោជន៍ផ្ទាល់ខ្លួន មិនបានគិតពីផលប្រយោជន៍ជាតិមួយចំនួនគិតថា ការចូលមកកាន់តែច្រើននៃចំនួនប្រជាជនចិនមកស្រុកខ្មែរនិងបង្កើតឱ្យមានភាពរញ៉េរញ៉ៃ។ តែនេះគ្រាន់តែជាអារម្មណ៍មួយរបស់មនុស្សប៉ុណ្ណោះ ព្រោះមិនថាតែប្រជាជនប្រទេសណាទេ ប្រសិនមានចំនួននឹងបង្កឱ្យមានភាពរញ៉េរញ៉ៃដូចគ្នា៕

ដោយ៖ ថារី

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា