ព័ត៌មានជាតិ
លោក ម៉ែន អេង ស្នើអាជ្ញាធរយកចិត្តទុកដាក់បញ្ហាគ្រោះអគ្គិភ័យ ថ្ងៃរៀបចំសង្រ្កាន្តឆ្នាំថ្មី នៅវិទ្យាល័យជីភូខាងមុខ
(ខេត្តស្វាយរៀង): លោក ស៊ុយ ជីហ៊ាង អនុប្រធានក្រុមការងាររាជរដ្ឋាភិបាលចុះជួយក្រុងបាវិត និងជាប្រធានក្រុមការ ងារចុះជួយសង្កាត់ច្រកម្ទេស ព្រមទាំងសហការី និងលោក ម៉ែន អេង អភិបាលរងខេត្តស្វាយរៀង នៅព្រឹកថ្ងៃទី២៥ ខែមីនា ឆ្នាំ២០២៣ បានអញ្ជើញចុះជួបសំណេះសំណាលជាមួយក្រុមការងារសង្កាត់ច្រកម្ទេស ព្រមទាំងលោកនាយកលោកគ្រូអ្នកគ្រូនៅសាលាបឋមសិក្សាប៊ុនរ៉ានីហ៊ុនសែនជីភូ និងវិទ្យាល័យហ៊ុនសែនជីភូ ព្រមទាំងពិនិត្យទីតាំងដែលត្រូវរៀបចំធ្វើពិធីសង្ក្រាន្ត ដើម្បីអបអរសាទរឆ្នាំថ្មីប្រពៃណីខ្មែរ ដែលនឹងឈានចូលមកដល់នាពេលឆាប់ៗខាងមុខនេះ។

លោក ស៊ុយ ជីហ៊ាង បានជំរុញឲ្យក្រុមការងារទាំងអស់ត្រូវផ្សព្វផ្សាយដល់សិស្ស សិស្សានុសិស្សក៏ដូចជាប្រជាពលរដ្ឋទូទៅ ដើម្បីចូលរួមកម្សាន្តសប្បាយទាំងអស់គ្នាអបអរសាទរនៅក្នុងពិធីសង្ក្រាន្តចូលឆ្នាំថ្មីប្រពៃណីខ្មែរ ដែលនឹងឈានចូលមកដល់នៅពេលឆាប់ៗខាងមុខនេះ ទៅតាមទំនៀមទំលាប់វប្បធម៌ប្រពៃណីខ្មែរដែលមានតាំងតែពីបុរាណ តរៀងមកជ្រកក្រោមដំបូលសន្តិភាពតែមួយរួមគ្នា។
លោកបានបន្តទៀតថា ដើម្បីឲ្យកម្មវិធីនេះប្រព្រឹត្តទៅបានដោយរលូននោះ យើងទាំងអស់គ្នាត្រូវត្រៀមឲ្យហើយទាំងផ្នែក សន្តិសុខសណ្តាប់ធ្នាប់ សោភណ្ឌភាព បរិស្ថាន អនាម័យ មានទាំងរថយន្តពន្លត់អគ្គីភ័យ និងរថយន្តសង្គ្រោះបន្ទាន់ផងដែរ។
លោក ម៉ែន អេង អភិបាលរងខេត្ត ក៏បានថ្លែងអំណរគុណចំពោះលោក ស៊ុយ ជីហ៊ាង ប្រធានក្រុមការងាររាជរដ្ឋាភិបាលចុះជួយសង្កាត់ច្រកម្ទេស ព្រមទាំងក្រុមការងារដែលជានិច្ចជាកាលតែងតែមានការយកចិត្តទុកដាក់ចំពោះសមាជិក សមាជិកា សង្កាត់ ក៏ដូចជាបញ្ហាជីភាពរស់នៅរបស់ប្រជាពលរដ្ឋក្នុងសង្កាត់ទាំងមូលនាពេលកន្លងមកបានកសាងហេដ្ឋារចនាសម្ព័ន្ធទាំងផ្នែកពុទ្ធចក្រនិងអនាចក្រនៅក្នុងមូលដ្ឋានឲ្យមានការរីកចំរើនគួរទាទីមោទន:។

លោកអភិបាលរងខេត្ត បានបន្តទៀតថា ពាក់ព័ន្ធទៅនិងកម្មវិធីសង្ក្រាន្តឆ្នាំថ្មីនាពេលខាងមុខនេះ លោកសំណូមពរសូមឲ្យអាជ្ញាធរមូលដ្ឋានគ្រប់លំដាប់ថ្នាក់ត្រូវបន្តការយកចិត្តទុកដាក់ឲ្យបានខ្ពស់នូវបញ្ហាគ្រោះអគ្គីភ័យដែលវាអាចកើតមានជាយថាហេតុ ត្រូវបង្ក្រាបឲ្យអស់កុំឲ្យមានក្រុមក្មេងទំនើងដើរអុកឡុកក្នុងកម្មវិធីនៅមូលដ្ឋានរបស់ខ្លួន ជាងនេះទៅទៀតកុំភ្លេចថែរក្សាសុខភាពរបស់ខ្លួនឯងផងពីព្រោះថាសុខភាពគឺជាបញ្ហាចម្បងរបស់មនុស្សគ្រប់គ្នាដែលត្រូវតែយកចិត្តទុកដាក់ដោយខានពុំបាន៕
ដោយ:ភក្ដី

-
ព័ត៌មានជាតិ៦ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ៧ ថ្ងៃ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៤ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានជាតិ៥ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម២ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ