ព័ត៌មានជាតិ

ក្រៅពីកម្ពុជា ប្រទេសអាស៊ាន ០៣ ទៀត គ្រោងប្រើប្រាស់វ៉ាក់សាំងកូវីដពីចិន

បានផុស

៥ years មុន

នៅ

ថ្ងៃសៅរ៍ ១៦ មករា ២០២១

ដោយ

ក្រោយប្រមុខរដ្ឋាភិបាលសម្រេចប្រើប្រាស់វ៉ាក់សាំងកូវីដ ១៩ ពីប្រទសចិន សម្តេចតេជោ ហ៊ុន សែន បានកត់សម្គាល់មានប្រទេសមួយចំនួន បានប្រើប្រាស់វ៉ាក់សាំងដែលផលិតដោយចិនរួចមកហើយ រួមទាំងប្រទេសអាស៊ានមួយចំនួនដែរ។

សម្តេចតេជោលើកករណីប្រទេសឥណ្ឌូណេស៊ីដែលជាប្រទេសមានចំនួនប្រជាជនច្រើនបំផុតទី ៤ លើលោកបន្ទាប់ពីចិន ឥណ្ឌា អាមេរិក ប្រធានាធិបតីឥណ្ឌូណេស៊ី បានទទួលចាក់វ៉ាក់សាំងពីប្រទេសចិនមុនគេ។ ម៉ាឡេស៊ី និងប្រទេសហ្វីលីពិន ក៏គ្រោងប្រើប្រាស់វ៉ាក់សាំរបស់ចិនដែរក្នុងតំបន់អាស៊ាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសនៅអាហ្វ្រិកនិងមជ្ឈិមបូព៌ាដូចជា អេហ្សីប និងនៅអាមេរិកឡាទីន ក៏បានប្រើប្រាស់វ៉ាក់សាំងរបស់សាធារណរដ្ឋប្រជាមានិតចិនរួចហើយ។

សម្តេចបញ្ជាក់ថា មិនអាចរង់ចាំតទៅទៀត ដោយសារភាពចាំបាច់ការពារសុខភាពប្រជាពលរដ្ឋ ដោយសារមានការឆ្លងប៉ុន្មានថ្ងៃនេះ ភាគច្រើនជាពលករចេញពីប្រទេសថៃដែលនៅជិតខាង។

ដោយសារការប្រើប្រាស់យ៉ាងទូលំទូលាយ និងប្រទេសមួយចំនួនទៀតមិនតិចជាង ១០ ប្រទេស និងលក្ខខណ្ឌការរក្សាទុកសមស្របស្ថានភាពប្រទេសកម្ពុជា។ នេះជាមូលហេតុដែលកម្ពុជាសម្រេចនឹងប្រើប្រាស់វ៉ាក់សាំងរបស់ចិន។

រដ្ឋាភិបាលចិន បានផ្តល់វិភាគទានវ៉ាក់សាំងការពារជំងឺកូវីដ១៩ចំនួន ១ លានដូស សម្រាប់មនុស្ស ៥០ ម៉ឺនាក់ ដើម្បីចាក់ជូនថ្នាក់ដឹកនាំនិងប្រជាពលរដ្ឋកម្ពុជា ហើយវ៉ាក់សាំងដែលកម្ពុជានឹងប្រើប្រាស់មានឈ្មោះ Sinopharm៕

Related Topics: