រដ្ឋាភិបាល​ចិន​ ផ្ដល់​អាហារូបករណ៍​ចំនួន​៦១​កន្លែង ​ដល់​សិស្ស​និស្សិត​កម្ពុជា
Connect with us
Helistar Cambodia - Helicopter Charter Services

ព័ត៌មានជាតិ

រដ្ឋាភិបាល​ចិន​ ផ្ដល់​អាហារូបករណ៍​ចំនួន​៦១​កន្លែង ​ដល់​សិស្ស​និស្សិត​កម្ពុជា

Published

on

ភ្នំពេញ​ ៖​ សម្រាប់​ឆ្នាំ​២០២១​នេះ​រដ្ឋាភិបាល​នៃ​សាធារណរដ្ឋ​ប្រជាមានិត​ចិន​បានផ្ដល់​អាហារូបករណ៍​ចំនួន​៦១ កន្លែង​ដល់​សិស្ស​និស្សិត​មន្ត្រីរាជការ​បុគ្គលិក​អង្គការ​ក្រុមហ៊ុន​នៃ​ព្រះរាជាណាចក្រ​កម្ពុជា​ដើម្បី​ទៅ​បន្ត​ការសិក្សា​ថ្នាក់​បរិញ្ញាបត្រ​ជាន់ខ្ពស់​និង​ថ្នាក់​បរិញ្ញាបត្រ​នៅ​សាធារណរដ្ឋ​ប្រជាមានិត​ចិន​សម្រាប់​ឆ្នាំ​សិក្សា​២០២១ ២០២២​។

​លោក​យក់​ង៉ុ​យ រដ្ឋលេខាធិការ​ក្រសួង​អប់រំ​យុវជន​និង​កីឡា​បាន​ឲ្យ​ដឹង​ថា ​ការ​ផ្តល់​អាហារូបករណ៍​នេះ​សោហ៊ុយ​ធ្វើដំណើរ​ទៅ​មក​ជា​បន្ទុក​របស់​សាមីជន​ រីឯ​ការ​ចំណាយ​ផ្សេង​ដូច​ជា​ការ​ស្នាក់នៅ​ការសិក្សា​និង​ប្រាក់​អាហារូបករណ៍​ជា​បន្ទុក​របស់​រដ្ឋាភិបាល​ចិន​។

លោក​បាន​បន្ត​ថា ​មុខជំនាញ​សិក្សា​រួមមាន​វិទ្យាសាស្ត្រ វិស្វកម្ម​សេដ្ឋកិច្ច ការគ្រប់គ្រង​ពាណិជ្ជកម្ម វេជ្ជសាស្ត្រ​និង​ព័ត៌មានវិទ្យា​។ លោក​បាន​ឲ្យ​ដឹង​ទៀត​ថា​ ចំពោះ​លក្ខខណ្ឌ​នៃ​ការ​ចុះឈ្មោះ​វិញ​ថ្នាក់​បរិញ្ញាបត្រ​ជាន់ខ្ពស់​បេក្ខជន​ទាំង​ពីរ​ភេទ​ត្រូវមាន​សញ្ជាតិ​ខ្មែរ​មាន​សញ្ញាបត្រ​បរិញ្ញាបត្រ មាន​អាយុ​យ៉ាងច្រើន​៣៥​ឆ្នាំមាន​ចំណេះដឹង​ភាសា​អង់គ្លេស​ជ្រៅជ្រះ​មាន​សុខ​ភាពល្អ​បរិបូណ៌​ទាំង​កាយសម្បទា​និង​សតិបញ្ញា​។ រីឯ​ថ្នាក់​បរិញ្ញាបត្រ​បេក្ខជន​ទាំងពីរ​ភេទ​ត្រូវមាន​សញ្ជាតិ​ខ្មែរ​មាន​សញ្ញាបត្រ​មធ្យមសិក្សា​ទុតិយភូមិ​ឬ​សញ្ញាបត្រ​មានតម្លៃ​ស្មើ​មាន​អាយុ​ក្រោម​២៥​ឆ្នាំមាន​លិខិតបញ្ជាក់​ចំណេះដឹង​ពី​ភាសា​ចិន​យ៉ាង​ទាប​ត្រឹម​កម្រិត HSK3​មាន​សុខ​ភាពល្អ​បរិបូណ៌​ទាំង​កាយសម្បទា​និង​សតិបញ្ញា។

លោក​បាន​ឲ្យ​ដឹង​បន្ថែមទៀតថា ​ការដាក់​ពាក្យសុំ​ប្រឡង​នឹង​ចាប់​ទទួល​ពីថ្ងៃ​ផ្សាយដំណឹង​នេះ​រហូតដល់​ថ្ងៃទី​០៨​ខែកុម្ភៈ​ឆ្នាំ​២០២១​នៅ​ការិយាល័យ​អាហារូបករណ៍​និង​កម្មសិក្សា​នៃ​នាយកដ្ឋាន​ទំនាក់ទំនង​វប្បធម៌​និង​អាហារូបករណ៍​ហើយ​ការប្រឡង​ធ្វើ​ថ្ងៃទី​១៤ ខែកុម្ភៈ​ ឆ្នាំ​២០២១​។

លោក​រដ្ឋលេខាធិការ​បា​ន​បញ្ជាក់ថា​ ចំពោះ​វិញ្ញាសា​ប្រឡង​សម្រាប់​ថ្នាក់​បរិញ្ញាបត្រ​ជាន់ខ្ពស់​ភាសា​អង់គ្លេស​និង​សម្រាប់​ថ្នាក់​បរិញ្ញាបត្រ​រួមមាន​គណិតវិទ្យា​និង​វប្បធម៌​ទូទៅ​។

លោក​បាន​បន្ថែម​ទៀត​ថា ​ផ្អែកលើ​លទ្ធផល​ប្រឡង​ក្រសួង​អប់រំ​យុវជន​និង​កីឡា​នឹង​ជ្រើសរើស​បេក្ខជន​ថ្នាក់​បរិញ្ញាបត្រ​ជាន់ខ្ពស់​ចំនួន​៤០​នាក់​និង​ថ្នាក់​បរិញ្ញាបត្រ​ចំនួន​២១​នាក់​ បញ្ជូន​ទៅ​ឲ្យ​ស្ថាន​ទួត​សាធារណរដ្ឋ​ប្រជាមានិត​ចិន​ប្រចាំ​នៅ​ប្រទេស​កម្ពុជា​ដើម្បី​ពិនិត្យ​និង​សម្រេច​ចុងក្រោយ​។​

​បើតាម​លោក ហេង ជិន​ហាក់ ប្រធាន​ក្រុមប្រឹក្សាភិបាល​នៃ​សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិត​ចិន​បាន​ឲ្យ​ដឹងថា បច្ចុប្បន្ន​មាន​និស្សិត​កម្ពុជា​ប្រមាណ​ជាង​១​ពាន់​នាក់​បើ​ប្រៀប​ទៅនឹង​ប្រទេស​ផ្សេងៗ​ចំនួន​និស្សិត​កម្ពុ​ជាមាន​កំណើន​ច្រើនជាងគេ​ដែល​កំពុង​សិក្សា​នៅ​ប្រទេស​ចិន​៕

ដោយ ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង18 mins ago

អ្នកឧកញ៉ា ឃុន សៀ ផ្ញើសារជូនពរ សម្តេចកិត្តិព្រឹទ្ធបណ្ឌិត ក្នុងឱកាសទិវានារីអន្តរជាតិ

សេចក្ដីជូនដំណឹង32 mins ago

ឯកឧត្តម អ៉ិត សំហេង ផ្ញើសារថ្វាយព្រះពរ សម្តេច ព្រះមហាក្សត្រី នរោត្តម មុនិនាថ សីហនុ ព្រះវរាជមាតាជាតិខ្មែរ ក្នុងឱកាសទិវានារីអន្តរជាតិ

សេចក្ដីជូនដំណឹង35 mins ago

ឯកឧត្តម អ៉ិត សំហេង ផ្ញើសារជូនពរ សម្តេចកិត្តិព្រឹទ្ធបណ្ឌិត ក្នុងឱកាសទិវានារីអន្តរជាតិ

សេចក្ដីជូនដំណឹង38 mins ago

ឯកឧត្តម ឃួង ស្រេង ផ្ញើសារថ្វាយព្រះពរ សម្តេច ព្រះមហាក្សត្រី នរោត្តម មុនិនាថ សីហនុ ព្រះវរាជមាតាជាតិខ្មែរ ក្នុងឱកាសទិវានារីអន្តរជាតិ

សេចក្ដីជូនដំណឹង48 mins ago

ឯកឧត្តម ឃួង ស្រេង ផ្ញើសារជូនពរ សម្តេចកិត្តិព្រឹទ្ធបណ្ឌិត ក្នុងឱកាសទិវានារីអន្តរជាតិ

Sokha Hotels

ព័ត៌មានពេញនិយម

Helistar Cambodia - Helicopter Charter Services