សម្តេច​តេជោ ប្រកាស​ចាក់​វ៉ាក់សាំង​ពី​ចិន​មុន​គេ ឲ្យ​ពលរដ្ឋទុកចិត្ត
Connect with us
Helistar Cambodia - Helicopter Charter Services

ព័ត៌មានជាតិ

សម្តេច​តេជោ ប្រកាស​ចាក់​វ៉ាក់សាំង​ពី​ចិន​មុន​គេ ឲ្យ​ពលរដ្ឋទុកចិត្ត

Published

on

សម្តេ​ចតេជោ ហ៊ុន សែន​ នាយករដ្ឋមន្រ្តី​កម្ពុជា បាន​ប្រកាស​នៅ​លើ​ផេក​របស់សម្តេច នឹង​ទទួលការ​ចាក់វ៉ាក់សាំង​មុន​គេ ដើម្បី​បង្កើត​ជំនឿ​ចិត្ត​ដល់ពលរដ្ឋកម្ពុជា។

សម្តេច​បានប​ញ្ជាក់​ថា ពីរថ្ងៃមុននេះ សម្តេច​បានជម្រាប​ជូនជនរួមជាតិ កម្ពុជា​នឹង​ទទួល​បាន​វ៉ាក់សាំង ១ លាន​ដូសពីសាធារណរដ្ឋប្រជាមានិតចិន។ ដើម្បីបង្កើតនូវជំនឿទុកចិត្តលើវ៉ាក់សាំងនិងជំរុញចលនាប្រយុទ្ធប្រឆាំងកូវីដ១៩ សម្តេច​នឹង​ចាក់​វ៉ាក់សាំងលើកទីមួយនិងមុនគេតែម្តង។

សម្តេច​គូស​បញ្ជាក់​ថា សម្តេច​តែងតែ​ស្ថិតនៅខ្សែត្រៀមជួរមុខដែលជាទម្លាប់ធម្មតា រាប់សិបឆ្នាំមកហើយ។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅយប់ថ្ងៃទី ១៥ ខែមករានេះ បានថ្លែងសារ​ថា រាជរដ្ឋាភិបាលកម្ពុជា បានសម្រេចទទួលយកវ៉ាក់​សាំងកូវីដ​១៩ ចំនួន១ លានដូស ពីសាធារណរដ្ឋប្រជាមានិតចិន។

សម្តេចតេជោ មានប្រសាសន៍ថា រដ្ឋាភិបាលចិន បានផ្តល់វិភាគទានវ៉ាក់សាំងការពារជំងឺកូវីដ១៩ចំនួន ១ លានដូស សម្រាប់មនុស្ស ៥០ ម៉ឺនាក់ ដើម្បីចាក់ជូនថ្នាក់ដឹកនាំនិងប្រជាពលរដ្ឋកម្ពុជា។

ក្រៅ​ពី​ប្រទេស​កម្ពុជា ដែល​នឹង​ប្រើប្រាស់វ៉ាក់សាំង​ដែល​ផលិត​ដោយ​ចិន ប្រទេស​អាស៊ានមួយ​ចំនួន​ទៀត​ក៏​ទទួល​យក​​វា៉ក់សាំង​របស់​ចិនដែរ​។ ដូចជា​ឥណ្ឌូណេស៊ី ជា​ប្រទេស​មាន​ចំនួនប្រជាជន​ច្រើន​បំផុត​ទី ៤ ប្រធានាធិបតី​ឥណ្ឌូណេស៊ី បាន​ទទួល​ចាក់​វ៉ាក់សាំង​ពី​ប្រទេស​ចិន​មុន​គេ។ ម៉ាឡេស៊ី និង​ប្រទេស​ហ្វីលីពិន ក៏​គ្រោង​ប្រើប្រាស់​វ៉ាក់សាំ​របស់​ចិន​​ដែរ​ក្នុង​តំបន់អាស៊ាន​។

ប្រទេស​នៅ​អាហ្វ្រិក​និង​មជ្ឈិមបូព៌ា​ដូចជា អេហ្សីប និង​នៅ​អាមេរិក​ឡាទីន​ ក៏​ចាប់ផ្តើម​ចាក់​វ៉ាក់សាំង​របស់​សាធារណរដ្ឋ​ប្រជាមានិត​ចិន​ដល់​ពលរដ្ឋ​របស់​ខ្លួន​ដែរ​។

បើ​តាម​ប្រមុខ​រដ្ឋាភិបាល​​ មិន​អាច​រង់ចាំ​ត​ទៅ​ទៀត ដោយសារ​ភាព​ចាំបាច់​ការពារ​សុខភាព​ប្រជាពលរដ្ឋ ដោយសារ​មាន​ការ​ឆ្លង​ប៉ុន្មានថ្ងៃនេះ ភាគច្រើន​ជា​ពលករ​ចេញ​ពីប្រទេស​ថៃ​ដែល​នៅ​ជិត​ខាង។

ដោយសារ​ការ​ប្រើប្រាស់​យ៉ាង​ទូលំទូលាយ និង​ប្រទេស​មួយ​ចំនួន​ទៀត​មិន​តិច​ជាង ១០ ប្រទេស និង​លក្ខខណ្ឌ​ការ​រក្សា​ទុក​សមស្រប​ស្ថានភាព​ប្រទេស​កម្ពុជា។ នេះ​ជា​មូលហេតុ​ដែល​កម្ពុជា​សម្រេច​នឹង​ប្រើប្រាស់​វ៉ាក់សាំង​របស់ចិន។

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ6 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ6 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ7 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ8 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ9 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services