ព័ត៌មានជាតិ

យកសោទៅដោះទុយយោប្រេងបូមឡាន វាត់ធ្លាយពោះស្លាប់

បានផុស

៤ years មុន

នៅ

ថ្ងៃចន្ទ ១៨ មករា ២០២១

ដោយ

តៃកុងរថយន្ដបែនដឹកដីម្នាក់ ត្រូវទុយយោប្រេងបូមវាត់ចំពោះ បណ្ដាលឲ្យធ្លាយពោះស្លាប់ភ្លាមៗនៅកន្លែងកើតហេតុ។

ហេតុការណ៍នេះបានកើតឡើង កាលពីវេលាម៉ោង០៩និង៣០នាទី ថ្ងៃទី១៧ ខែមករា ឆ្នាំ២០២១នៅចំណុច ការដ្ឋានចិនធ្វើព្រលានយន្តហោះថ្មី ក្នុងភូមិប្រវាល ឃុំតាយ៉ែក ស្រុកសូទ្រនិគម ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌ នៃស្នងការដ្ឋាននគរបាលខេត្តសៀមរាប បានមានប្រសាសន៍ថា មានឧបទ្ទវហេតុរបូតទុយយោបាញ់ប្រេងបូមដូយទ្រុងឡានបែន បណ្តាលឲ្យជនរងគ្រោះ ឈ្មោះ ផាត សុភា ភេទប្រុស អាយុ២៣ឆ្នាំ នៅភូមិទួលព្រិច ឃុំមៀនស្រុកព្រៃឈរ ខេត្តកំពង់ចាម ត្រូវពោះបណ្ដាលឲ្យធ្លាយពោះស្លាប់នៅនឹងកន្លែងកើតហេតុ។

លោកបន្តថា ករណីនេះបានកើតឡើងនៅពេលជនរងគ្រោះបានបើកឡានដឹកខ្សាច់ចូលមកក្នុងការដ្ឋានព្រលានយន្តហោះ ពេលមកដល់កន្លែងចាក់ខ្សាច់ បានបែនទំលាក់ តែទ្រុងឡានអត់ធ្លាក់មកក្រោមវិញ ក៏បានយកកូនសោរទៅដោះទុយយោបូមប្រេងដូយទ្រុងឡាន ក៏វាត់ត្រូវពោះបណ្ដាលឲ្យធ្លាយពោះស្លាប់តែម្ដងទៅ។

សពជនរងគ្រោះសមត្ថកិច្ចបានប្រគល់ជូនសាច់ញាតិយកទៅធ្វើបុណ្យតាមប្រពៃណី៕

អត្ថបទ ៖ កុសល