សម្ដេចតេជោ ហ៊ុន សែន ៖ ខ្ញុំមិនល្អចំពោះមុខពួកអាក្រក់តែប៉ុណ្ណឹងទេ តែខ្ញុំល្អចំពោះមុខអ្នកដែលធ្វើអំពើល្អ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា លើកឡើងថា សម្ដេច មិនល្អចំពោះមុខក្រុមអាក្រក់តែប៉ុណ្ណោះ តែសម្ដេចល្អចំពោះមុខអ្នកដែលធ្វើអំពើល្អ។

ការលើកឡើងរបស់សម្ដេចតេជោ ហ៊ុន សែន​ ខាងលើនេះ បានធ្វើឡើងនៅក្នុងពិធីបិទវគ្គបណ្តុះបណ្តាលឆ្នាំ ២០២២ និងបើកវគ្គបណ្តុះបណ្តាលឆ្នាំ ២០២៣ របស់សាលាភូមិន្ទរដ្ឋបាល (ERA) នៅព្រឹកថ្ងៃទី ២៧ ខែមេសា ឆ្នាំ ២០២៣ នេះ។

«ខ្ញុំមិនល្អចំពោះមុខពួកអាក្រក់តែប៉ុណ្ណឹងទេ តែខ្ញុំល្អចំពោះមុខអ្នកដែលធ្វើអំពើល្អ…ខ្ញុំគឺជាសត្រូវរបស់ពួកដែលចង់បំផ្លាញជាតិតែប៉ុណ្ណឹងទេ ព្រោះខ្ញុំជាអ្នកបង្រ្កាបវា»។ នេះជាប្រសាសន៍ដើមរបស់សម្ដេចតេជោ ហ៊ុន សែន។

សម្ដេចតេជោ ហ៊ុន សែន លើកឡើងថា ក្រុម ប៉ុល ពត ជាអ្នកជេរ និងស្អប់សម្ដេច ព្រោះសម្ដេចជាអ្នកផ្ដួលរំលំក្រុមរបស់ពួកគេ ដើម្បីរំដោះប្រជាជនខ្មែរចេញពីជ្រោះមរណៈ។

សម្ដេចតេជោ ហ៊ុន សែន ថ្លែងបែបនេះថា «អា ពត ក៏វាជេរខ្ញុំ ស្អប់ខ្ញុំ ព្រោះខ្ញុំអ្នកផ្ដួលវា រំលាយអង្គការចាត់តាំងនយោបាយយោធា ក៏ដោយសារស្នាដៃរបស់ ហ៊ុន សែន ដែលមានការគាំទ្រពីប្រតិបត្តិករទាំងអស់»៕

អត្ថបទ៖ ឃួន សុភ័ក្រ