ខ្លឹមសារវីដេអូ បច្ចេកទេសថ្មី វេទិកាប្រព័ន្ធផ្សព្វ ផ្សាយសង្គម និងឧបករណ៍ AI ធ្វើឲ្យ B2B Cambodia កាន់តែខ្លាំងជាងមុន

ក្រុមហ៊ុន Cambodian Investment Management (CIM) និង Realestate.com.kh បានរួមគ្នាដើម្បីបើកដំណើរការគេហទំព័រ B2B Cambodia ដែលទើបតែធ្វើកំណែទម្រង់ថ្មី។ ក្រុមហ៊ុន Cambodian Investment Management (CIM) នឹង​​វិនិយោគលើ B2B Cambodia ដែលជាវេទិកាធុរកិច្ចឈានមុខគេ​សម្រាប់​អ្នកវិនិយោគអន្តរជាតិ​នៅក្នុង​ប្រទេស​កម្ពុជា។

ការវិនិយោគជាយុទ្ធសាស្ត្រនេះ ត្រូវបានរៀបចំឡើងដើម្បីផ្លាស់ប្តូរទិដ្ឋភាពនៃព័ត៌មានអាជីវកម្មនៅក្នុងប្រទេសកម្ពុជា និងលើកកម្ពស់ភាពពាក់ព័ន្ធនៃច្រកអាជីវកម្មនៅក្នុងទីផ្សារក្នុងស្រុក។ ឥឡូវនេះ B2B Cambodia ក៏នឹងផ្តោតលើការ​ផ្តល់​ជូន​​​នូវការគ្របដណ្តប់យ៉ាងទូលំទូលាយនៃទីផ្សារមូលធន សេដ្ឋកិច្ច និងព័ត៌មាន អាជីវកម្មទាំងក្នុងស្រុក និងក្រៅស្រុកដោយ​សង្កត់ធ្ងន់ជាពិសេសលើព័ត៌មានទីផ្សារក្នុងស្រុក។ ការចែកចាយខ្លឹមសារ នឹងត្រូវផ្តោតជាសំខាន់លើប្រភេទវីដេអូដែលជានិន្នាការថ្មីនាពេលបច្ចុប្បន្ន។

លោក Anthony Galliano នាយកប្រតិបត្តិក្រុមហ៊ុន CIM បានមានប្រសាសន៍ថា«B2B Cambodia នឹងក្លាយជាច្រកសម្រាប់ផ្តល់នូវព័ត៌មានធុរកិច្ចនៅកម្ពុជា។ ដំណាក់កាលបន្ទាប់នៃភាពចាស់ទុំនៃសេដ្ឋកិច្ចនៅកម្ពុជានឹងពឹងផ្អែកយ៉ាងខ្លាំងលើការអភិវឌ្ឍទីផ្សារហិរញ្ញវត្ថុដែលកំពុងមានភាពទាក់ទាញ និងក្លាយជាផ្នែកសំខាន់នៃប្រព័ន្ធអេកូហិរញ្ញវត្ថុ។ យើងក៏មានបំណងផ្តោតលើការកែលម្អ និងផ្តោតយ៉ាងខ្លាំងនូវការយល់ឃើញ​របស់​អន្តរជាតិអំពីកម្ពុជាដែលជាគោលដៅវិនិយោគតាមរយៈការចែកចាយនូវព័ត៌មានសេដ្ឋកិច្ច និងធុរកិច្ច ស្តីពីការរីកចម្រើនរបស់កម្ពុជា»។

លោក Anthony បានពន្យល់បន្ថែមដោយលើកឡើងពីការផ្លាស់ប្តូរចំពោះ B2B Cambodia ថា«ច្រកព័ត៌មាននេះនឹងចូលរួមជាមួយទីផ្សារហិរញ្ញវត្ថុ ដោយរាយការណ៍ជាពិសេសលើភាគហ៊ុន សញ្ញាបណ្ណ រូបិយបណ្ណ សន្ទស្សន៍ និងព័ត៌មានអាជីវកម្ម ដែលផ្តោតជាសំខាន់លើប្រទេសកម្ពុជា។ វាមានផ្នែកពិសេសៗដូចជា៖ ទិន្នន័យទីផ្សារប្រចាំថ្ងៃ ការសម្ភាសន៍ជាមួយនាយកប្រតិបត្តិប្រចាំសប្តាហ៍ ការបង្ហាញអំពីក្រុមហ៊ុន និងខ្លឹមសារអប់រំអំពីផលិតផលហិរញ្ញវត្ថុ ការផ្លាស់ប្តូរបទប្បញ្ញត្តិ និងការធ្វើបច្ចុប្បន្នភាពជាដើម។ ក្នុង​ស្មារតី​ដើម​របស់ B2B Cambodia គឺជាមគ្គុទ្ទេសក៍ដែលបង្ហាញអំពីរបៀបក្នុងការ​ធ្វើ​អាជីវកម្ម​នៅ​កម្ពុជាដែល​នឹង​បន្តពង្រឹងបន្ថែម»។

លោកស្រី Sarvinoz Nuritdinova នាយិកាប្រតិបត្តិ B2B Cambodia ដែលទើបតែងតាំងថ្មី បានលើកឡើងថា «យើងនឹងអនុវត្តមុខងារបច្ចេកទេសថ្មីដែលប្រើប្រាស់ឧបករណ៍ AI ប្រកបដោយភាពច្នៃប្រឌិត ព្រឹត្តិបត្រព័ត៌មាន វេទិកាប្រព័ន្ធផ្សព្វផ្សាយសង្គមថ្មី និងវេទិកាអន្តរកម្មទស្សនិកជនដូចជា Telegram ជាដើម។ យើង ក៏នឹងចែករំលែកវីដេអូជាប្រចាំស្តីអំពីកិច្ចប្រជុំធុរកិច្ចសំខាន់ៗ ហើយពួកយើងក៏នឹងទទួលយកមតិកែលម្អ និងតម្រូវការរបស់អតិថិជនផងដែរ»។

គំនិតផ្តួចផ្តើមដ៏សំខាន់មួយទៀតពី B2B Cambodia គឺកម្មវិធី «ពានរង្វាន់អាជីវកម្មកម្ពុជាឆ្នាំ២០២៣ Cambodia Business Awards 2023» ដែលត្រូវបានបង្កើតឡើងក្នុងគោលបំណងទទួលស្គាល់ភាពល្អឥតខ្ចោះក្នុងសហគមន៍ ធុរកិច្ចកម្ពុជា។

លោក Tom O’Sullivan នាយកប្រតិបត្តិក្រុមហ៊ុន Realestate.com.kh មានប្រសាសន៍ថា «យើងបានចាប់ដៃគូជាមួយស្ថាប័នគ្រប់គ្រងអាជីវកម្មសំខាន់ៗរួមមាន សភាពាណិជ្ជកម្ម និងប្រព័ន្ធផ្សព្វផ្សាយឈានមុខគេដែលជាដៃគូស្នូលសម្រាប់ពានរង្វាន់នេះ។ ព្រឹត្តិការណ៍នេះ យើងទន្ទឹងរង់ចាំការចេញផ្សាយព័ត៌មានបន្ថែមទៀតអំពីគំនិតផ្តួចផ្តើមនៅក្នុងសប្តាហ៍ខាងមុខនេះ»៕

អត្ថបទពាណិជ្ជកម្ម