ព័ត៌មានជាតិ
លោក ហ៊ុយ វណ្ណៈ ចាត់ទុករបាយការណ៍វាយតម្លៃសេរីភាពសារព័ត៌មាននៅកម្ពុជា ជារបាយការណ៍«សំរាម»
ឆ្លើយតបនឹងរបាយការណ៍របស់អង្គការអន្តរជាតិមួយចំនួន ដែលបានវាយតម្លៃលើសេរីភាពព័ត៌មាននៅកម្ពុជា លោក ហ៊ុយ វណ្ណៈ ប្រធានសហភាពសហព័ន្ធអ្នកសារព័ត៌មានកម្ពុជា បានចាត់ទុករបាយការណ៍ទាំងនេះ ជារបាយការណ៍«សំរាម» ហើយបង្គប់ដោយភាពពិសពុល។
ក្នុងវេទិកាជជែកពិភាក្សាពិសេសរបស់កម្ពុជាថ្មី នៅព្រឹកថ្ងៃទី៣ ខែឧសភានេះ លោក ហ៊ុយ វណ្ណៈ បានលើកឡើងដូច្នេះថា៖ «ខ្ញុំតែងតែចាត់ទុករបាយការណ៍ទាំងនេះ ជាលេខឡូតូ ជារបាយការណ៍សំរាម»។ ក្នុងន័យនេះ លោក ហ៊ុយ វណ្ណៈ បានបកស្រាយថា វា ជាចរិករបស់ពួកស្បែកសរ ដែលតែងតែមើលឃើញជនជាតិអាហ្វ្រិក និងជនជាតិអាស៊ី មានចំណេះដឹង ឬមានភាពស៊ីវិល័យទាបជាងខ្លួន។ តែយ៉ាងណាក្ដី មកដល់បរិបទនេះ លោកយល់ឃើញថា ចរិកបែបនេះរបស់ពួកស្បែកសរ ជាការខុសឆ្គងមួយ និងជាការប្រមាថដល់ប្រជាជាតិដទៃដែលគួររៀនពីសិទ្ធិមនុស្សឡើងវិញ។
លោក បានបញ្ជាក់ថា តាមរយៈការវាយតម្លៃបែបនេះ នឹងបង្កើតឲ្យមានវប្បធម៌នៃការរើសអើង និងបង្កើតភាពជ្រុលនិយមក្នុងវិស័យសារព័ត៌មាន ខណៈនៅប្រទេសធំៗមួយចំនួនបានកំពុងរឹតត្បិតសិទ្ធិសេរីភាពសារព័ត៌មាន។ លោក ហ៊ុយ វណ្ណៈ បានបន្ថែមថា របាយការណ៍វាយតម្លៃលើសេរីភាពសារព័ត៌មាននៅកម្ពុជា គឺគ្រាន់តែជាព្រឹត្តិការណ៍ប្រចាំឆ្នាំរបស់ក្រុមបដិវត្តព័ត៌មានប៉ុណ្ណោះ ខណៈអង្គភាពសារព័ត៌មានអន្តរជាតិធំៗ គឺមិនដែលវាយតម្លៃ ឬចាត់ចំណាត់ថ្នាក់ឲ្យប្រទេសណាមួយឡើយ។
ទន្ទឹមនេះ លោក ហ៊ុយ វណ្ណៈ ក៏បានផ្ញាំទៅអង្គការ ឬក្រុមបដិវត្តព័ត៌មានបរទេសទាំងនេះ កុំយករបាយកាណ៍នេះ មកបំផ្លាញឧត្តមគតិ ក៏ដូចជាផលប្រយោជន៍ និងការអភិវឌ្ឍរបស់កម្ពុជា ហើយយករបៀបវារៈនៃសេរីភាពសារព័ត៌មាននេះ ទៅបម្រើឲ្យភូមិសាស្ត្រនយោបាយ ឬផលប្រយោជន៍ក្រុមខ្លួនឲ្យសោះ។
គួរជម្រាបថា បើទោះបីជារងការវាយតម្លៃលើសេរីភាពសារព័ត៌មាននៅកម្ពុជា យ៉ាងណាក្ដី តែវិស័យសារព័ត៌មាននៅកម្ពុជា ក៏បាននឹងកំពុងខិតខំប្រឹងប្រែងបន្តដំណើរការទៅមុខថែមទៀត តាមរយៈការពង្រឹងលើក្រមសីលធម៌វិជ្ជាជីវៈ ជាពិសេស រាជរដ្ឋាភិបាលកម្ពុជា បានចូលរួមលើកកម្ពស់សិទ្ធិសេរីភាពសារព័ត៌មានជាបន្តបន្ទាប់ផងដែរ៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ