ព័ត៌មានជាតិ
សង្ក្រាន្តវត្តភ្នំ និងព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ និងប៉ារ៉ាហ្គេមលើកទី១២ អាជ្ញាធររាជធានី រៀបចំបានល្អប្រសើរ
ប្រធានក្រុមប្រឹក្សារាជធានីភ្នំពេញ លោក ម៉ប់ សារិន បានសម្តែងនូវការកោតសរសើរចំពោះអាជ្ញាធររាជធានី ដែលអនុវត្តការងារបានល្អក្នុងការរៀបចំឱ្យមានរថយន្តក្រុងដឹកជញ្ជូនប្រជាជនពីរាជធានីភ្នំពេញទៅតាមបណ្តាខេត្ត និងពីតាមបណ្តាខេត្តមកកាន់រាជធានីវិញដោយមិនបង់ប្រាក់ក្នុងពិធីបុណ្យ ចូលឆ្នាំថ្មីប្រពៃណីជាតិខ្មែរ និងការរៀបចំពិធីសង្ក្រាន្តវត្តភ្នំ ប្រកបដោយជោគជ័យ ជាមួយនិងការរៀបចំចាត់ចែង ធានាសន្តិសុខ សុវត្ថិភាព សោភ័ណភាព អនាម័យសាធារណៈបានល្អប្រសើរ ក្នុងព្រឹត្តិការណ៍ប្រកួតកីឡាអាស៊ីអគ្នេយ៍លើកទី ៣២ និងប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះ។
ការកោតសរសើរបែបនេះបានធ្វើឡើងនាព្រឹកថ្ងៃទី ១១ ខែឧសភា ឆ្នាំ២០២៣នេះ ក្នុងឱកាសដែលលោក និងលោក មាន ចាន់យ៉ាដា អភិបាលរងរាជធានីភ្នំពេញតំណាងឱ្យលោក ឃួង ស្រេង អភិបាលរាជធានីភ្នំពេញ អញ្ជើញជាអធិបតីក្នុងកិច្ចប្រជុំសាមញ្ញលើកទី៤៨ របស់ក្រុមប្រឹក្សារាជធានីភ្នំពេញ អាណត្តិទី៣ នៅសាលារាជធានីភ្នំពេញ។
លោក ម៉ប់ សារិន បានមានប្រសាសន៍លើកឡើងថា៖ រដ្ឋបាលរាជធានីភ្នំពេញ ក្នុងរយៈពេលបីថ្ងៃនៃពិធីបុណ្យ ចូលឆ្នាំប្រពៃណីជាតិខ្មែរកន្លងទៅនេះបានរៀបចំឱ្យមានរថយន្តក្រុងចំនួន ៣៤៥ គ្រឿងសម្រាប់ដឹកជញ្ជូនប្រជាជនធ្វើដំណើរពីរាជធានីភ្នំពេញទៅតាមបណ្តាខេត្ត និងពីតាមបណ្តាខេត្តមកកាន់រាជធានីភ្នំពេញវិញដោយមិនបង់ប្រាក់ធ្វើឱ្យប្រជាជនសាទរ និងគាំទ្រយ៉ាងច្រើនលើសលប់។
បន្ថែមពីនេះ រដ្ឋបាលរាជធានីបានការរៀបចំពិធីសង្ក្រាន្តនៅរមណីយដ្ឋានវប្បធម៌ប្រវត្តិសាស្ត្រវត្តភ្នំ ប្រកបដោយជោគជ័យនិងបានបង្កលក្ខណៈទាក់ទាញប្រជាជន ភ្ញៀវទេសចរណ៍យ៉ាងច្រើនកុះករជាងបណ្តាឆ្នាំកន្លងទៅ ដោយបានចូលរួម លេងកម្សាន្ត សប្បាយរីករាយអស់ពីចិត្ត ក្រោមម្លប់សន្តិភាព និងក្រោមម្លប់នៃបារមីដ៏ត្រជាក់នៃអង្គព្រះមហាក្សត្រជាទីគោរពសក្ការៈដ៏ខ្ពង់ខ្ពស់។
លោក ម៉ប់ សារិន បានមានប្រសាសន៍បនកតថា៖ ក្រោមម្លប់សន្តិភាព និងក្រោយពីស្ថានភាពជំងឺកូរីដ-១៩បានធូស្រាល និងយោងតាមការដឹកនាំដ៏- ឈ្លាសវៃរបស់ សម្ដេចតេជោ ឆ្នាំនេះការរៀបចំសង្ក្រាន្តនៅទូទាំងប្រទេសបានប្រព្រឹត្តទៅយ៉ាង ទូលំទូលាយ និងល្អប្រសើរ ដែលតាមតួលេខរបស់ក្រសួងទេសចរណ៍មានមហាជនចូលរួមរហូតដល់ ជាង១៣លាននាក់ ក្នុងនោះសូមកោតសរសើរដល់រដ្ឋបាលរាជធានីភ្នំពេញ សមត្ថកិច្ចពាក់ព័ន្ធ ដែល បានសហការជាមួយថ្នាក់ជាតិក្នុងការរៀបចំការពារសន្តិសុខ សណ្តាប់ធ្នាប់ ចរាចរណ៍ លើព្រឹត្តការណ៍ ធំៗ២ គឺទី១ការរៀបចំសង្ក្រាន្តនៅរមណីយដ្ឋានវត្តភ្នំ ដែលមានមហាជនចូលរួមជាង១លាននាក់ ប្រកបដោយសុវត្ថិភាពយ៉ាងសប្បាយរីករាយ និងទី២ គឺព្រឹត្តិការណ៍ប្រកួតកីឡាអាស៊ីអគ្នេយ៍លើកទី ៣២ និងប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះបន្ទាប់ពីខកខានអស់រយៈពេល៦៤ឆ្នាំ បានធ្វើឱ្យមតិជាតិ និងអន្តរជាតិកោតសរសើរយ៉ាងខ្លាំង ទាំងការរៀបចំ ចាត់ចែង ធានាសន្តិសុខ សុវត្ថិភាព សោភ័ណភាព អនាម័យសាធារណៈបានល្អប្រសើរ ពិសេសប្រជាពលរដ្ឋនៅក្នុងរាជធានីភ្នំពេញ និងទូទាំងប្រទេសបានចូលរួមទស្សនាការប្រកួតកីឡាស៊ីហ្គេមនេះ និងទទួលបានមេដាយច្រើនលើសលុបហួសពីការស្មាន ដែលនេះជាមោទនភាពជាតិយើង។
លោកមាន ចាន់យ៉ាដា បានមានប្រសាសន៍លើកឡើងថា៖ ការកោតសរសើររបស់ក្រុមប្រឹក្សារាជធានីភ្នំពេញចំពោះ អាជ្ញាធររាជធានី គឺជាការលើកទឹកចិត្ត ដើម្បីអោយអាជ្ញាធរ អនុវត្តការងារកាន់តែល្អបន្ថែមទៀត។
លោកបន្តថា អ្វីដែលយើងត្រូវអនុវត្តបន្តនោះ គឺការពង្រឹងសាមគ្គីភាពផ្ទៃក្នុងអោយកាន់តែល្អប្រសើរ ទាំងក្រុមប្រឹក្សារាជធានី រដ្ឋបាលរាជធានី និងរដ្ឋបាលខណ្ឌ សង្កាត់ ពិសេសគឺការកាត់បន្ថយភាពអសកម្មនានា ដើម្បីទទួលបានការគាំទ្រពីប្រជាពលរដ្ឋបន្ថែមទៀត៕
អត្ថបទ៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង