Connect with us

ព័ត៌មានជាតិ

សម្តេច ហ៊ុន សែន  ស្នើវៀតណាមឲ្យចាប់ខ្លួនទណ្ឌិត សម រង្ស៊ី ប្រគល់ឲ្យកម្ពុជា បើជននេះ ចូលវៀតណាម

បានផុស

នៅ

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានស្នើផ្ទាល់មាត់ និងចំពោះមុខឯកអគ្គរដ្ឋទូតវៀតណាមប្រចាំនៅកម្ពុជា ឲ្យអាជ្ញាធរក្រុងហាណូយចាប់ខ្លួនទណ្ឌិត សម រង្ស៊ី ហើយបញ្ជូនមកឲ្យអាជ្ញាធរកម្ពុជា នៅពេលទណ្ឌិតរូបនេះចូលទៅក្នុងប្រទេសវៀតណាម។ សម្តេចតេជោបានស្នើបែបនេះ នៅក្នុងពិធីបើកការដ្ឋានសាងសង់ ផ្លូវល្បឿនលឿនភ្នំពេញ-បាវិត និងបើកការដ្ឋានសាងសង់​ស្ពាន​ឆ្លងកាត់ទន្លេមេគង្គ និងផ្លូវតភ្ជាប់ក្បាលស្ពាន នៅព្រឹកថ្ងៃពុធនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅចំពោះមុខឯកអគ្គរដ្ឋទូតវៀតណាមប្រចាំនៅកម្ពុជា សម្តេចតេជោ នាយករដ្ឋមន្រ្តី បានទម្លាយឲ្យដឹងព័ត៌មានថា ទណ្ឌិត សម រង្ស៊ី កំពុងរៀបចំផែនការចូលទៅក្នុងប្រទេសថៃ ​និងប្រទេសវៀតណាមនាពេលខាងមុខនេះ បន្ទាប់ពីត្រូវបានរដ្ឋាភិបាលម៉ាឡេស៊ីបណ្តេញចេញពីប្រទេសកាលពីពេលថ្មីៗនេះ។ បើតាមសម្តេចតេជោ គឺទណ្ឌិត សម រង្ស៊ី និងពួកបក្ខ មានបំណងចង់ធ្វើសកម្មភាពឲ្យសម្តេចខឹង ដោយគ្រោងនឹងចូលក្នុងប្រទេសវៀតណាម ដោយប្រើ​ប្រាស់លិខិតឆ្លងដែនបារាំង និងក្នុងទិដ្ឋាកាជាភ្ញៀវទេសចរ។

ប្រឈមមុខនឹងបញ្ហានេះ សម្តេច​ប្រមុខរាជរដ្ឋាភិបាលកម្ពុជា បានស្នើឲ្យអាជ្ញាធរវៀតណាមចាប់ខ្លួនទណ្ឌិត សម រង្ស៊ី ភ្លាម ហើយបញ្ជូនមកឲ្យអាជ្ញាធរកម្ពុជា ជាបន្ទាន់។ រដ្ឋាភិបាលវៀតណាម អាចធ្វើបែបនេះបាន ដោយសារតែវៀតណាម និងកម្ពុជា មានបត្យាប័នជាមួយគ្នាលើការចាប់បញ្ជូនខ្លួនអ្នកប្រព្រឹត្តបទល្មើសឲ្យគ្នាទៅវិញទៅមក។ តែទោះជាយ៉ាងណាក៏ដោយ សម្តេចតេជោ ហ៊ុន សែន បានគូសបញ្ជាក់ហើយថា បើសិនវៀតណាម មិនព្រមចាប់ខ្លួនទណ្ឌិតរូបនេះទេ គឺនឹងមានបញ្ហាជាមួយកម្ពុជាហើយ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

សមាជិក​អចិន្ត្រៃយ៍​បក្ស​ខេត្តកោះកុង បំផុសស្មារតី​កៀងគរ​សមាជិក​បក្ស​ប្រឆាំង​មក​រួមរស់​ជាមួយ​គណបក្ស​ប្រជាជន​កម្ពុជា

សន្តិសុខសង្គម៤ ម៉ោង មុន

ក្មេង​ទំនើង​២​ក្រុម​នៅ​ក្នុង​ប៉ោយប៉ែត​បើកឆាក​ប្រយុទ្ធ​ត្រូវ​កម្លាំង​អាវុធហត្ថ​ឃាត់ខ្លួន​បាន៨​នាក់

ព័ត៌មានជាតិ៦ ម៉ោង មុន

អាជ្ញាធរខេត្តសៀមរាប គ្រោងដាំដើមឈើតាមដងផ្លូវឱ្យបាន១ម៉ឺនដើម រយៈពេល២ឆ្នាំខាងមុខ

ព័ត៌មានជាតិ៦ ម៉ោង មុន

លោក ស សុខា៖ ក្រុមគ្រូពេទ្យស្ម័គ្រចិត្ត ស សុខា រួមចំណែកផ្ដល់សេវាសុខភាពជូនពលរដ្ឋ ស្របតាមនយោបាយសម្ដេចធិបតី

សេដ្ឋកិច្ច៦ ម៉ោង មុន

ទីផ្សារ​រថយន្ត​ថៃ​ទន់​ខ្សោយ​ខ្លាំង​ ដោយ​​ការ​លក់​ធ្លាក់​ចុះរហូត​ដល់ជិត​ ២៤ ភាគរយ ៥ ខែ​​ដើម​ឆ្នាំ​  

Sokha Hotels

ព័ត៌មានពេញនិយម