ព័ត៌មានជាតិ

ក្រសួងអប់រំនិងអង្គការ WFPនឹងផ្តល់ស្បៀងអាហារដល់សិស្សជួបការលំបាកនៅខេត្ត គោលដៅចំ នួន១០

បានផុស

៥ years មុន

នៅ

ថ្ងៃសៅរ៍ ២៣ មករា ២០២១

ដោយ

ក្រសួងអប់រំយុវជននិងកីឡានិងអង្គការស្បៀងអាហារពិភពលោក(WFP)នឹងផ្តល់ស្បៀងអាហារដល់សិស្សជួបការលំបាកនៅខេត្តគោលដៅចំនួន១០ដើម្បីឲ្យពួកគេទទួលបាននូវសុខភាពល្អកំលាំងមាំ មួននិងមានបញ្ញាស្មារតីល្អព្រមទាំងមករៀនសូត្របានពេញលេញ។

ថ្លែងនៅក្នុងកិច្ចប្រជុំស្ដីពីការអនុវត្តកម្មវិធីផ្តល់ស្បៀងអាហារតាមសាលារៀនជាមួយលោកបណ្ឌិត សភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំយុវជន និងកីឡា លោកស្រី Claire Conanតំណាងអង្គការស្បៀងអាហារពិភពលោកប្រចាំនៅប្រទេសកម្ពុជា បានមានប្រសាសន៍ថា ដំណើរការនៃការ ផ្តល់ស្បៀងអាហារតាមសាលារៀន បានអនុវត្តនៅប្រទេសកម្ពុជាតាំងពីឆ្នាំ១៩៩៩ ដោយចាប់ផ្តើមពី ៦៤សាលា មានសិស្ស៣៧៥០០នាក់ និងបានពង្រីកជាបន្តបន្ទាប់មកដល់បច្ចុប្បន្ន ក្រោមជំនួយឧបត្ថម្ភគាំទ្រពីកម្មវិធីស្បៀងអាហារពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបានបន្តថា កម្មវិធីផ្តល់អាហារតាមសាលារៀនបាននឹងកំពុងអនុវត្តនៅក្នុងប្រទេសកម្ពុជាតាមខេត្តគោលដៅចំនួន១០ ក្រោមការជួយឧបត្ថម្ភគាំទ្រផ្នែកបច្ចេកទេសនិងថវិកាពីកម្មវិធីផ្តល់ស្បៀងអាហារពិភពកលោកមាន៥ខេត្ត រួមមានខេត្តពោធិសាត់ កំពង់ឆ្នាំង កំពង់ធំ ឧត្តរមានជ័យនិងស្រុកខ្លះក្នុងខេត្តសៀមរាប។

លោកស្រីបានបន្តទៀតថា ចំណែកកម្មវិធីផ្តល់ស្បៀងអាហារតាមសាលារៀនក្រោមការឧបត្ថគាំទ្រដោយថវិការាជរដ្ឋាភិបាលកម្ពុជា និងមានកិច្ចសហការពីគណៈកម្មាធិការប្រតិបត្តិ ក្រុមប្រឹក្សាជាតិគាំពារសង្គម នៃក្រសួងសេដ្ឋកិច្ចនិងហិរញ្ញវត្ថុ ជាអ្នកជួយសម្របសម្រួលមាន៦ខេត្តរួមមានកំពង់ ចាម ស្ទឹងត្រែង ព្រះវិហារ បាត់ដំបង បន្ទាយមានជ័យ និងស្រុកខ្លះក្នុងខេត្ត សៀមរាប។

លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានថ្លែង អំណរគុណដល់អង្គការស្បៀងអាហារពិភពលោកដែលចូលរួមសហការយ៉ាងសកម្មជាមួយក្រសួងអប់រំ យុវជន និងកីឡា ក្នុងការផ្តល់ស្បៀងអាហារតាមសាលារៀននៅក្នុងប្រទេសកម្ពុជា បានជួយជម្រុញឱ្យកុមារមករៀន ទៀងទាត់ និងទាន់ពេលវេលា ព្រមទាំងបានរក្សាពួកគេឱ្យនៅក្នុងថ្នាក់រៀនរហូតដល់ចប់ម៉ោង សិក្សាជាពិសេសកុមារតូៗ ម្យ៉ាងវិញទៀតការផ្តល់ស្បៀងអាហារប្រកបដោយអាហាររូបបត្ថម្ភគ្រប់គ្រាន់គឺដើម្បីបង្កើនសុខភាពផ្លូវ កាយ បញ្ញាស្មារតី និងអារម្មណ៍ ឱ្យពួកគេផ្តោតលើការសិក្សាបានល្អប្រសើរ។

លើសពីនេះទៀ កម្មវិធីនេះក៏បានបង្កើនប្រាក់ចំណូលដល់ពលរដ្ឋក្នុងសហគមន៍គោលដៅ តាមរយៈ ផលិតកម្មចម្រុះ ដើម្បីផ្គត់ផ្គង់ដល់កម្មវិធីផ្តល់អាហារតាមសាលារៀន ដោយប្រើប្រាស់កសិផលក្នុងសហគមន៍ផងដែរ។

បើតាមក្រសួងអប់រំយុវជននិងកីឡាតាមរយៈការអនុវត្តកម្មវិធីផ្តល់ស្បៀងអាហារនេះបានជួយបង្កើនអត្រាចុះឈ្មោះចូលរៀនរបស់សិស្សពី៨០% នៅឆ្នាំ២០១៤ ដល់៩៩%មកដល់បច្ចុប្បន្ននិងកាត់បន្ថយអត្រាបោះបង់ចោលការសិក្សារបស់សិស្សពី ៨%មកនៅ៦% ព្រមទាំងជួយបង្កើនអត្រាសិស្សរៀនឡើងថ្នាក់ពី៧៦% ដល់៨៨%ផងដែរ។

គួរបញ្ជាក់ថា នៅឆ្នាំសិក្សា២០១៩-២០២០ ក្រសួងអប់រំយុវជននិងកីឡា បានសម្រេចទទួលយកការផ្ទេរកម្មវិធីស្បៀងអាហារនៅតាមសាលារៀនដោយប្រើប្រាស់ថវិកា របស់រាជរដ្ឋាភិបាលក្រោមរូបភាពកម្មវិធីផ្តល់អាហារពេលព្រឹកនិងផ្តល់អាហរថ្ងៃត្រង់ដោយ ប្រើប្រាស់កសិផលក្នុងសហគមន៍៕

អត្ថបទ ៖ សំអឿន