ព័ត៌មានជាតិ
រដ្ឋាភិបាលឥណ្ឌា សម្រេចផ្តល់វ៉ាក់សាំង និងសម្ភារៈសុខាភិបាលមួយចំនួនទៀតដល់កម្ពុជា
តាមសំណើរបស់រាជរដ្ឋាភិបាលកម្ពុជា រដ្ឋាភិបាលឥណ្ឌា នឹងបញ្ជូនវ៉ាក់សាំងប្រឆាំងកូវីដ-១៩ ព្រមទាំងសម្ភារៈសុខាភិបាលមួយចំនួនទៀត មកផ្តល់ឲ្យប្រទេសកម្ពុជានាពេលឆាប់ៗខាងមុខ នេះបើតាមការបញ្ជាក់ពីអ្នកនាំពាក្យក្រសួងការបរទេស និងសហប្រតិបត្តិការអន្តរជាតិ លោក កុយ គួង ក្រោយពីជំនួបរវាងលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង សហប្រតិបត្តិការអន្តរជាតិ នៃព្រះរាជាណាចក្រកម្ពុជា ជាមួយលោកស្រីបណ្ឌិត DEVYANI UTTAMKHOBRAGADE ឯកអគ្គរដ្ឋទូតឥណ្ឌាតែងតាំងថ្មី កាលពីព្រឹកថ្ងៃទី២៥ ខែមករា នេះ។
លោក កុយ គួង ថ្លែងថា នៅក្នុងជំនួបនោះ លោកស្រី DEVYANI UTTAMKHOBRAGADE បានអះអាងថា នឹងខិតខំធ្វើឲ្យទំនាក់ទំនងការទូតរវាងប្រទេសទាំងពីរកាន់តែរីកចម្រើន និងរឹងមាំបន្ថែមទៀត ទាំងកិច្ចសហប្រតិបត្តិការផ្នែកសេដ្ឋកិច្ច វប្បធម៌ ពាណិជ្ជកម្ម វិស័យអប់រំ និងវិស័យយោធាជាដើម។ នៅក្នុងជំនួបនោះដែរ ភាគីទាំងពីរក៏បានពិភាក្សាអំពីកិច្ចសហប្រតិបត្តិការ ដែលប្រទេសទាំងពីរមាននាពេលកន្លងមក ដូចជាយន្តការគណៈកម្មការចម្រុះទ្វេភាគី ដែលកន្លងមក បានជួបប្រជុំគ្នាចំនួន២ដងរួចមកហើយ។ ក្រោយនេះកម្ពុជា នឹងធ្វើជាម្ចាស់ផ្ទះនៃកិច្ចប្រជុំលើកទី៣ ដើម្បីជំរុញឲ្យកិច្ចសហប្រតិបត្តិការរវាងប្រទេសទាំងពីរមានលក្ខណៈស៊ីជម្រៅបន្ថែមទៀត។
ជាមួយគ្នានោះ កម្ពុជា និងឥណ្ឌា ក៏មានយន្តការ ពីគ្រោះយោបល់ កម្រិតក្រសួងការបរទេសផងដែរ។
ដោយឡែកទាក់ទងវិស័យសេដ្ឋកិច្ច កន្លងមកពាណិជ្ជកម្មរវាងប្រទេសទាំងពីរ កាលពីឆ្នាំ២០១៨ កម្ពុជា-ឥណ្ឌា មានទំហំពាណិជ្ជកម្មជាង២០០លានដុល្លារ ហើយដោយសាតែឥណ្ឌា ផ្ដល់ប្រព័ន្ធអនុគ្រោះផ្នែកពាណិជ្ជកម្ម ក៏បានធ្វើឲ្យទំហំពាណិជ្ជកម្មកើនឡើង២០៥ លានក្នុងឆ្នាំ ២០១៨ ដល់២៥៥ លានដុល្លារ នៅក្នុងឆ្នាំ២០១៩។
ទន្ទឹមនឹងទំហំពាណិជ្ជកម្មបានកើនឡើងនេះ ប្រទេសទាំងពីរក៏មានបំណងឲ្យមានពាណិជ្ជកម្មសេរីរវាងប្រទេសទាំងពីរផងដែរមកដល់មកដល់ពេលនេះ ភាគីទាំងពីរកំពុងតែពិភាក្សាអំពីលទ្ធភាព នៃអំពីការធ្វើពាណិជ្ជកម្មសេរីរវាងប្រទេសទាំងពីរនេះ។
លោក កុយ គួង អះអាងថា ក្រៅពីពិភាក្សាលើផ្នែកសេដ្ឋកិច្ច ភាគីទាំងពីរក៏បានពិភាក្សាលើផ្នែកកងទ័ពផងដែរ។ កន្លងមកកងទ័ពនៃប្រទេសទាំងពីរ ក៏បានធ្វើទស្សនកិច្ចទៅវិញទៅមក។ លោកថា កន្លងមកឥណ្ឌា ក៏បានផ្ដល់ជំនួយលើវិស័យដោះមីនផងដែរ ដោយផ្ដល់ឆ្កែចំនួន៤ ក្បាល តែមិនទាន់មកដល់កម្ពុជាទេ ដែលឆ្កែទាំង៤ក្បាលនេះ នឹងជួយដល់វិស័យដោះមីនកម្ពុជា។
ទាក់ទងវិស័យសុខាភិបាល តាមសំណើរបស់រាជរដ្ឋាភិបាលកម្ពុជា ទាក់ទងវ៉ាក់សាំងប្រឆាំងកូវីដ១៩នោះ លោក កុយ គួង បញ្ជាក់ថា តាមការបញ្ជាក់ពីលោកស្រីឯកអគ្គរដ្ឋទូត មកដល់ពេលនេះ ឥណ្ឌាកំពុងតែធ្វើការជាមួយក្រសួងសុខាភិបាលកម្ពុជា ថាតើក្រសួងសុខាភិបាលកម្ពុជា ត្រូវការអ្វីខ្លះ ដែលឥណ្ឌាអាចផ្តល់ជូនបាន។
ដោយឡែកលើវិស័យសុខាភិបាលនេះ អ្នកវិនិយោគឥណ្ឌាផ្នែកសុខាភិបាល ក៏មានបំណងធ្វើការវិនិយោគផ្នែកសុខាភិបាលផងដែរ ជាពិសេសទាក់កំពុងពិចារណាលើលទ្ធភាព នៃការសាងសង់មន្ទីរពេទ្យខេត្តប្រទេសកម្ពុជា។
គួររំលឹកថា នៅក្នុងជំនួបពិភាក្សារវាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាមួយលោកស្រី Devyani Uttamkhobragade ឯកអគ្គរដ្ឋទូតថ្មី នៃសាធារណរដ្ឋឥណ្ឌាប្រចាំកម្ពុជា កាលពីថ្ងៃទី១៨ ខែមករា ឆ្នាំ២០២១ សម្តេចតេជោ បានស្នើសុំជំនួយវ៉ាក់សាំងចាក់ការពារជំងឺកូវីដ១៩ ពីប្រទេសឥណ្ឌា៕
ដោយ ៖ កោះកែវ
តុលាការឧក្រិដ្ឋកម្មទីក្រុងបាងកក កាត់ទោសមនុស្សជិត ៧០នាក់ពាក់ព័ន្ធនឹងការតវ៉ាដ៏ធំ កាលពីឆ្នាំ ២០០៨
រដ្ឋបាលខណ្ឌប្ញស្សីកែវ ឆ្លើយតបចំពោះការផ្សព្វផ្សាយព័ត៌មានមិនពិត ប៉ះពាល់ដល់រដ្ឋបាលខណ្ឌ
អភិបាលរងខេត្តស្វាយរៀងថា ធនធានមនុស្សជំនាញ ជួយជំរុញទាក់ទាញដល់អ្នកវិនិយោគ
កម្ពុជា នឹងកែក្រមទាំង៤ឡើងវិញឱ្យត្រូវនឹងបញ្ហាសង្គមបច្ចុប្បន្ន ដោយប្រើកូនខ្មែរសុទ្ធសាធ លែងពឹងបរទេស
បារាំង សុំជំនួយប៉ូលិសបរទេសជាង ២ ពាន់នាក់ មកជួយធានាសន្តិសុខព្រឹត្តិការណ៍កីឡាអូឡាំពិក
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១ សប្តាហ៍ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ agoកសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ