ព័ត៌មានជាតិ
សមាជិក សមាជិកា គណបក្សប្រជាជនកម្ពុជាខេត្តកំពង់ធំ ជាង ៣ ម៉ឺននាក់ ចូលរួមថ្ងៃបើកយុទ្ធនាការរកសំឡេងឆ្នោត នៅទូទាំងខេត្ត
នាថ្ងៃបើកយុទ្ធនាការរកសំឡេងឆ្នោត គណបក្សប្រជាជនកម្ពុជាខេត្តកំពង់ធំ បានធ្វើការដង្ហែក្បួនឃោសនាទ្រង់ទ្រាយធំ ដែលមានសមាជិក សមាជិកា ចូលរួម ៣២ ២០០ នាក់ នៅទូទាំងខេត្តកំពង់ធំ។

តាមការបញ្ជាក់ពីលោក សុក ហៃ សមាជិកអចិន្ត្រៃយ៍ជាប្រធានគណៈឃោសនាគណបក្សប្រជាជនកម្ពុជាខេត្តកំពង់ធំ នៅព្រឹកថ្ងៃទី ១ ខែកក្កដា ឆ្នាំ ២០២៣ នេះ ការដង្ហែក្បួនឃោសនាបោះឆ្នោតរបស់បក្សប្រជាជនកម្ពុជា ធ្វើឡើងនៅគ្រប់ឃុំ-សង្កាត់ ទាំង ៨១ ទូទាំងខេត្ត។ តែទីតាំងធំជាងគេ គឺនៅទីរួមខេត្ត ដែលបានរៀបចំក្រោមអធិបតីភាពលោក ជា ចាន់តូ សមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តកំពង់ធំ និងលោក ងួន រតនៈ ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ធំ។

លោកបានបញ្ជាក់ទៀតថា នៅតាមបណ្ដាឃុំ-សង្កាត់ ទាំង ៨១ ត្រូវបានរៀបចំដង្ហែក្បួនរៀងៗខ្លួន លើកលែងតែក្រុងស្ទឹងសែន ត្រូវបានដង្ហែក្បួនក្នុងខេត្តរួច ទើបបានវិលទៅឃោសនាតាមសង្កាត់វិញ ដោយចេញពីទីតាំងធំ នៅគល់ស្ពានឆ្លងកាត់ស្ទឹងសែនសួនច្បារសម្ដេច ហ៊ុន សែន។

លោកបានបន្ថែមថា ក្នុងពិធីដង្ហែបើកយុទ្ធនាការឃោសនាបោះឆ្នោតថ្ងៃនេះ បានប្រើប្រាស់រថយន្តធំ -តូច ១ ៤០០ គ្រឿង ,គោយន្ត ៤៦ គ្រឿង ,កង់បី ៨ គ្រឿង ,រ៉ឺម៉កម៉ូតូ ១០ គ្រឿង ,ម៉ូតូ ៩ ៧០២ គ្រឿង កាណូត ៧០ គ្រឿង និងឧបករណ៍បំពងសំឡេង ១១៥ គ្រឿង។

តាមការបញ្ជាក់របស់លោក ប្រែង សាវុធ ប្រធានគណៈកម្មាធិការរៀបចំការបោះឆ្នោតខេត្តបានឲ្យដឹងថា ការស្នើសុំដាក់ពាក្យរបស់គណបក្សនយោបាយធ្វើការឃោសនារកសំឡេងឆ្នោតមានចំនួន ៥ គណបក្ស ក្នុងចំណោម ១៥ គណបក្ស ដែលបានឈរឈ្មោះបោះឆ្នោតជ្រើសតាំងតំណាងរាស្ត្រនីតិកាលទី ៧ នេះ។

លោកបានបញ្ជាក់ថា ក្នុងយុទ្ធនាការឃោសនានេះ បានធ្វើសកម្មភាពឃោសនាជាការជួបជុំ ការហែក្បួនឃោសនា ការប្រគំតន្ត្រី ការចាក់មេក្រូនៅតាមទីស្នាក់ការគណបក្ស និងចល័តតាមភូមិ ក្នុងឃុំ សង្កាត់ ការឃោសនាតាមផ្ទះ ការចែកខិត្តប័ណ្ណ និងបិទបដាជាដើម។

លោកបានបញ្ជាក់ទៀតថា គណបក្សដែលបានដាក់ពាក្យស្នើសុំឃោសនារកសំឡេងឆ្នោតរួមមាន ៖
១.គណបក្សប្រជាជនកម្ពុជា
២.គណបក្សហ្វ៊ុនស៊ិនប៉ិច
៣.គណបក្សខ្មែររួបរួមជាតិ
៤.គណបក្សប្រជាធិបតេយ្យមូលដ្ឋាន
៥.គណបក្សសញ្ជាតិកម្ពុជា៕





-
ព័ត៌មានអន្ដរជាតិ១៥ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?