សមាគមវារីវប្បករកម្ពុជាធ្វើការជាមួយក្រុមហ៊ុន អាលីបាបាស្វែងរកឱកាសទីផ្សារសម្រាប់កសិករ

ក្រុមការងារសមាគមវារីវប្បករកម្ពុជានៅថ្ងៃទី ១១ ខែកក្កដា បានជួបពិភាក្សាជាមួយតំណាងក្រុមហ៊ុនអាលីបាបា និងមន្រ្តីមូលនិធិអភិវឌ្ឍន៍សហគ្រិនភាពរបស់ក្រសួងសេដ្ឋកិច្ច និងហិរញ្ញវត្ថុ ដើម្បីស្វែងរកសហគ្រិនឈានមុខ(ជាវារីវប្បករ)ដែលមានបំណងផលិត ឬ កែច្នៃ ផលជលផល ដើម្បីនាំចេញទៅកាន់ប្រទេសចិន។

ភាគីចិនបើកទីផ្សារផលជលផលជាច្រើនជូនកម្ពុជាមានដូចជា បង្កងទឹកសាប ត្រីទឹកសាប អន្ទង់ បង្កងសមុទ្រ បង្កងទឹកសាប និងត្រីសមុទ្ទមួយចំនួនទៀត។

ក្រុមការងារសមាគមនឹងបន្តធ្វើការជាមួយតំណាងក្រុមហ៊ុនអាលីបាបា និងមូលនិធិអភិវឌ្ឍន៍សហគ្រិនភាពជាបន្តបន្ទាប់ទៀត ដើម្បីស្វែងរកឱកាសទីផ្សារកាន់តែច្រើនសម្រាប់សមាជិកសមាគម។

រដ្ឋបាភិបាលកម្ពុជាកំពុងសហការជាមួយក្រុមហ៊ុន អាលីបាបា រិះរកវិធីផ្សព្វផ្សាយផលិតផលកម្ពុជា ដើម្បីដាក់លក់ផលិតផលកម្ពុជានៅលើទីផ្សារអនឡាញ អាលីបាបា (Alibaba) និងពង្រីការលក់ផលិតផលទៅទីផ្សារចិន ខណៈផ្លែមៀនកម្ពុជាបានដាក់លក់នៅលើ ាApp អាលីបាបារួចហើយ និងត្រៀមដាក់ផលិតផលបន្តទៀតដូចជាអង្ករកម្ពុជាជាដើម៕

អត្ថបទ៖ ឡេង ដេត