សមាគមវារីវប្បកម្ម ពង្រាយក្រុមបច្ចេកទេស ជួយគាំទ្រអ្នកចិញ្ចឹមត្រី​តាមគោលដៅសំខាន់ចំនួន ៦ នៅកម្ពុជា

សមាគមវារីវប្បករ បានជួយគាំទ្រផ្នែកបច្ចេកទេសដល់ពលរដ្ឋ នៅតាមខេត្តគោលដៅចំនួន ៦ ដើម្បីចៀសវាង ហានិភ័យនារដូវរស្សា មានដូចជាបញ្ហាអាកាសធាតុអាក្រក់ ទឹកជំនន់ និងលំហូរទឹកមានថ្នាំពុលចូលមកក្នុងស្រះ​ ជាដើម។

ថ្លែងប្រាប់កម្ពុជាថ្មី លោក សុថាវរិទ្ធិ បន្តទៀតថា ចំពោះខេត្តគោលដៅទាំង ៦ រួមមាន ខេត្តកណ្ដាល កំពង់ចាម កំពង់ធំ សៀមរាប បាត់ដំបង និងខេត្តពោធិ៍សាត់។ គោដៅទាំងនេះ សុទ្ធសឹង ជាខេត្តដែលមានអ្នកចិញ្ចឹមត្រីច្រើនជាងគេបើធៀប ទៅនឹងបណ្ដាតំបន់ដទៃទៀត។

កត្តាដែលធ្វើឱ្យមានក្រុមការងារបច្ចេសទេសចុះជារៀងរាល់ខែបែបនេះ គឺក្នុងគោលបំណង់យកចិត្តទុកដាក់ខ្ពស់​ ដើម្បី កាត់បន្ថយហានិភ័យមួយចំនួនដែលអាចកើតឡើងដោយសារកត្តាអាកាសធាតុ ទឹកជំនន់ មានការរាំងស្ងួត និងរំហូរទឹក មានថ្នាំពុលចូលមកក្នុងស្រះរបស់ប្រជាកសិករ ដែលពួកគាត់ខ្វះការយកចិត្តទុកដាក់អាជីវកម្ម។

ស្ថិតក្នុងបរិបទទីផ្សារប្រកួតប្រជែង សមាគមវារីវប្បករនៅកម្ពុជា បានជំរុញឱ្យបណ្ដាលវារីវប្បករ គ្រប់គ្រងអាជីវកម្មឱ្យបាន ដិតដល់ បន្ថយភាពមិនចាំបាច់មួយចំនួន ដើម្បីកាត់បន្ថយថ្លៃដើម និងតាមដានព័ត៌មានទីផ្សារឱ្យបានជាប់លាប់ផងដែរ៕

អត្ថបទ៖ ផល ធារិត