ព័ត៌មានជាតិ

រំលឹកប្រសាសន៍សម្តេច ស ខេង ឲ្យពលរដ្ឋយកកូនឲ្យបាន ៥ នាក់ ក្នុង ១ គ្រួសារ បើបាន ៦ កាន់តែល្អ

បានផុស

៥ years មុន

នៅ

ថ្ងៃពុធ ២៧ មករា ២០២១

ដោយ

លទ្ធផលជំរឿនឆ្នាំ ២០១៩ ចេញជាផ្លូវការបង្ហាញថា ប្រជាជនកម្ពុជាបានកើនឡើងដល់ចំនួន១៥ ៥៥២ ២២១នាក់។ ពោលក្នុងរយៈពេល ១០ ឆ្នាំចុងក្រោយ អត្រាប្រជាជនកើនតែជាង ២,២ លាននាក់ប៉ុណ្ណោះ។

ទាក់ទងកំណើនប្រជាជនតិចនេះ សម្តេចក្រឡាហោម ស ខេង ឧបនាយករដ្ឋមន្រ្តីធ្លាប់ថ្លែងកន្លងទៅ ដោយលើកទឹកចិត្តពលរដ្ឋយកកូនឲ្យបានច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលរដ្ឋគួរយកកូនឲ្យបានជាមធ្យម ៥ នាក់ ក្នុង ១ គ្រួសារ ដើម្បីឲ្យអត្រាប្រជាជនកើនឡើងទ្វេដង។ សម្តេចថ្លែងបញ្ជាក់ថា ដោយសារទឹកដីនៅធំ ក្រោយរបបប៉ុលពតឆ្នាំ ១៩៧៩ កម្ពុជានៅសល់ប្រជាជនតែជាង ៥ លាននាក់តែប៉ុណ្ណោះ។

សម្តេចលើកឡើងប្រទេសមួយចំនួននៅលើពិភពលោក ចាប់ផ្តើមភ័យពីរឿងមិនមានកំណើនប្រជាជន ជាពិសេសប្រទេសដែលមានសេដ្ឋកិច្ចលូតលាស់។

សម្តេចថ្លែងថា ប្រទេសយើងមិនទាន់ដល់ហ្នឹងទេ។ បើមានកូនច្រើនកាលណាល្អកាលហ្នឹងត្រឹម ៥ ទៅ ៦ អីល្មម។

តាមទិន្នន័យជំរឿន ប្រជាជនកម្ពុជាកើនដល់ជាង ១៥ លាននាក់ មានប្រុសចំនួន ៧ ៥៧១ ៨៣៧នាក់ ស្មើ ៤៨,៧% និងស្រីចំនួន ៧ ៩៨០ ៣៧៤នាក់ ស្មើ ៥១,៣%។ លទ្ធផលជំរឿនក៏បង្ហាញខេត្តក្រុង ០៤ មានចំនួនប្រជាជនច្រើនជាងគេគឺរាជធានីភ្នំពេញចំនួន ២,៣លាននាក់ ខេត្តកណ្តាលចំនួន ១,២លាននាក់ ខេត្តព្រៃវែងចំនួន ១,១លាននាក់ និងខេត្តសៀមរាប ១លាននាក់៕