ព័ត៌មានជាតិ
ខេត្តចំនួន ៣ របស់កម្ពុជាជាប់ជាមួយថៃ មានប្រជាជនរស់នៅតិចជាងគេ សរុបមិនដល់ ១ លាននាក់
កម្ពុជាដែលមានខេត្តចំនួន ៧ មានភូមិសាស្ត្រជាប់ជាមួយប្រទេសថៃ ក្នុងនោះមានខេត្តចំនួន ៣ ដែលមានប្រជាជនរស់នៅតិចជាងគេ។
កម្ពុជាមានព្រំដែនជាប់ជាមួយប្រទេសថៃប្រវែងសរុបរួមជាង ៨០០ គីឡូម៉ែត្រចាប់ពីខេត្តកោះកុងដល់ខេត្តព្រះវិហារ។
បើតាមរបាយការណ៍ជំរឿនទូទៅប្រជាជនឆ្នាំ ២០១៩ ដែលរៀបចំឡើងដោយវិទ្យាស្ថានជាតិស្ថិតិបានបង្ហាញថា ក្នុងចំណោមខេត្តចំនួន ៧ ដែលមានភូមិសាស្រ្តជាប់ជាមួយប្រទេសថៃ ក្នុងនោះខេត្តដែលមានប្រជាជនរស់នៅតិចជាងគេមានខេត្តប៉ៃលិនមានចំនួន ៧៥ ១១២ នាក់ ខេត្តកោះកុងមានចំនួន ១២៥ ៩០២ នាក់ និងខេត្តព្រះវិហារមានចំនួន ២៥៤ ៨២៧ នាក់។
ដោយឡែកខេត្តដែលមានប្រជាជនរស់នៅច្រើនគឺខេត្តបាត់ដំបងមានចំនួន ៩៩៧ ១៦៩ នាក់ ខេត្តបន្ទាយមានជ័យមានចំនួន ៨៦១ ៨៨៣ នាក់ ខេត្តពោធិ៍សាត់មានចំនួន ៤១៩ ៩៥២ នាក់ និងខេត្តឧត្តរមានជ័យមានចំនួន ២៧៦ ០៣៨ នាក់។
ប្រទេសកម្ពុជាបានធ្វើជំរឿនទូទៅប្រជាជនលើកទី ៤ កាលពីឆ្នាំ ២០១៩ តាមវិធីសាស្ត្រឃើញរាប់ ដែលលទ្ធផលបង្ហាញថា ប្រជាជនសរុបមានចំនួន ១៥.៥៥២.២១១ នាក់ បានកើនឡើងពី ១៣.៣៩៥.៦៨២ នាក់ នៅឆ្នាំ២០០៨។
ចំនួនប្រជាជនសរុបកើនឡើង ២.១៥៦.៥២៩ ត្រូវជា ១៦,១ ភាគរយ ក្នុងរយៈពេល ១១ ឆ្នាំ គឺពីឆ្នាំ២០០៨ ទៅ ២០១៩។ ក្នុងនោះចំនួនបុរសមានចំនួន ៧.៥៧១.៨៣៧ នាក់ ស្មើនឹង ៤៨,៧ ភាគរយនៃចំនួនប្រជាជនកម្ពុជាសរុប ខណៈស្រ្តីមានចំនួន ៧.៩៨០.៣៧៤នាក់ ស្មើនឹង ៥១,៣ ភាគរយនៃចំនួនប្រជាជនសរុប។
បើតាមលទ្ធផលជំរឿន ក្នុងចំណោមរាជធានីខេត្តទាំង ២៥ រាជធានីភ្នំពេញមានប្រជាជនខ្ពស់ជាងគេចំនួន ២.២៨១.៩៥១ នាក់ (១៤,៧ ភាគរយ) បន្ទាប់មកខេត្តកណ្តាលមានចំនួន ១.២០១.៥៨១នាក់ (៧,៧ ភាគរយ) ខេត្តព្រៃវែងមានចំនួន ១.០៥៧.៧២០នាក់ (៦,៨ ភាគរយ) ខេត្តសៀមរាបមានចំនួន ១.០១៤.២៣៤នាក់ (៦,៥ ភាគរយ) ខេត្តបាត់ដំបងមានចំនួន ៩៩៧,១៦៩នាក់ (៦,៤ ភាគរយ) ខេត្តតាកែវមានចំនួន ៩០០.៩១៤នាក់ (៥,៨ ភាគរយ) និងខេត្តកំពង់ចាមមានចំនួន ៨៩៩,៧៩១នាក់ (៥,៨ ភាគរយ)។ ចំណែកខេត្តកែបមានប្រជាជនទាបបំផុត ៤២.៦៦៥ នាក់ ឬ (០,៣ ភាគរយ)៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម