មកដល់ពេលនេះ​ មាន​និស្សិត​កម្ពុជា​ទៅ​សិក្សា​នៅ​ប្រទេស​រុស្សី​ ប្រមាណ​៥០០​នាក់​
Connect with us
Helistar Cambodia - Helicopter Charter Services

ព័ត៌មានជាតិ

មកដល់ពេលនេះ​ មាន​និស្សិត​កម្ពុជា​ទៅ​សិក្សា​នៅ​ប្រទេស​រុស្សី​ ប្រមាណ​៥០០​នាក់​

បានផុស

នៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​រហូតមកដល់​ពេលនេះ​ មាន​និស្សិត​កម្ពុជា​ប្រមាណ​៥០០​នាក់​ហើយ​ បាន​ទៅ​សិក្សា​នៅ​សហព័ន្ធ​រុស្សី​។​

លោកស្រី អ៊ី​រី​ណា ក្សា​ទ្សូ​លី​ណា នាយិកា​មជ្ឈមណ្ឌល​វិទ្យាសាស្ត្រ​ និង​វប្បធម៌​រុស្សី ​បាន​មាន​ប្រសាសន៍​ថា ​ក្នុងចំណោម​និស្សិត​ខ្មែរ​ទៅ​សិក្សា​នៅ​សហព័ន្ធ​រុស្សី​ប្រមាណ​៥០០​នាក់​នោះ ​ក្នុងនោះ​សិក្សា​ទៅលើ​មុខវិជ្ជា​ផ្នែក​វេជ្ជសាស្ត្រ សំណង់​ស៊ីវិល ស្ថាបត្យកម្ម វិស្វកម្ម​យន្តហោះ​ និង​ផ្សេងៗ​ទៀត​។​

​ ​លោកស្រី​ បាន​បន្តទៀតថា ​ក្នុងចំណោម​មុខវិជ្ជា​ទាំងនោះ ​មុខវិជ្ជា​ដែលមាន​ការពេញនិយម​សម្រាប់​និស្សិត​ខ្មែរ​រួមមាន ​សំណង់​ស៊ីវិល ថាមពល​នុយក្លេអ៊ែរ​ និង​វិស្វកម្ម​យន្តហោះ​ជាដើម​។​

​ ​លោកស្រី ​បាន​បន្ថែមទៀតថា​ សម្រាប់​ឆ្នាំ​២០២០​នេះ ​សហព័ន្ធ​រុស្សី​ បានផ្តល់​អាហារូបករណ៍​ដល់​និស្សិត​ខ្មែរ​ចំនួន​១៥​កន្លែង​ ក្នុងនោះ​មាន​៤​នាក់ ​រៀន​ផ្នែក​វេជ្ជសាស្ត្រ​ កំពុង​រៀន​តាម​អន​ឡាញ ​ដើម្បី​ត្រៀម​ចេញទៅ​សិក្សា​នៅ​រុស្សី​ ពេល​ចប់​កូ​វីដ​។​

​លោកស្រី ​បាន​អំពាវនាវ​ដល់​និស្សិត​កម្ពុជា​ដែលមាន​បំណង​ចង់​ទៅ​សិក្សា​នៅ​សហព័ន្ធ​រុស្សី ​ត្រូវ​មក​ទំនាក់ទំនង​នៅ​មជ្ឈមណ្ឌល​វិទ្យាសាស្ត្រ​ និង​វប្បធម៌​រុស្សី​ ដើម្បី​ត្រៀម​ភាសា​រុស្សី​ និង​ត្រៀម​ដាក់​ពាក្យ​ស្នើសុំ​អាហារូបករណ៍​ទៅ​សិក្សា​នៅ​រុស្សី​។​

​លោក អាណា​តូ​លី បូ​រ៉ូ​វី​ក ឯកអគ្គរដ្ឋទូត​សហព័ន្ធ​រុស្សី​ ប្រចាំ​នៅ​កម្ពុជា ​បាន​មានប្រសាសន៍​ថា​ នៅ​ក្នុង​អាណត្តិ​របស់​លោក​នឹង​បន្ត​ពង្រឹង ​និង​ពង្រីក​ទំនាក់ទំនង​រុស្សី​កម្ពុជា​លើ​គ្រប់​វិស័យ​ដូចជា​ កិច្ច​ពិភាក្សា​នយោបាយ កិច្ច​សហប្រតិបត្តិការ​ពាណិជ្ជកម្ម សេដ្ឋកិច្ច​វប្បធម៌​ និង​ការអប់រំ​។​

​ជាមួយគ្នានេះដែរ​ លោក​ទូត ​បាន​បន្តទៀតថា ​នៅក្នុង​អាណត្តិ​របស់​លោក លោក​នឹង​ជួយ​កៀរគរ​អ្នក​វិនិយោគ​រុស្សី ​ឲ្យ​មក​បណ្ដាក់ទុន​នៅ​កម្ពុជា​កាន់តែច្រើន​ថែមទៀត​ ខណៈ​បច្ចុប្បន្ន​ មាន​ក្រុមហ៊ុន​រុស្សី​តិច​តួច​ប៉ុណ្ណោះ​កំពុង​រកស៊ី​នៅ​ប្រទេស​កម្ពុជា​៕

អត្ថបទ ៖ ​សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍១២ ម៉ោង មុន

រថយន្ត​ដឹក​ដី​បើក​បត់​ប្រយ័ត្ន ជ្រុល​ចង្កូត​បុក​ម៉ូតូ​មួយគ្រឿង បណ្តាល​ឲ្យ​បុរស​ម្នាក់​ស្លាប់ និង​មនុស្ស​២​នាក់​ត្រូវ​រង​របួស​ធ្ងន់

នយោបាយ១២ ម៉ោង មុន

ឆ្លើយតប​ការចោទប្រកាន់ ! រាល់​សកម្មភាព​ល្មើស​ដែល​ផ្ដន្ទាទោស​កន្លងមក​មិនមែនជា​ការអនុវត្ត​សិទ្ធិ​តាម​រដ្ឋធម្មនុញ្ញ​នោះទេ​

កីឡា១៤ ម៉ោង មុន

Rae Yoon វ៉ៃ​ដណ្តើម​ខ្សែក្រវាត់​បានសម្រេច តែ Christian Lee មិន​ពេញ​លទ្ធផល

កីឡា១៤ ម៉ោង មុន

បណ្ដា​ប្រទេស​អាស៊ាន អបអរសាទរ​និង កោតសរសើរ​កម្ពុជា ក្រោយ​ធ្វើ​ហេដ្ឋារចនាសម្ព័ន្ធ​ហើយ​មុន SEA Games-ASEAN Para Games 2023

កូវីដ-១៩១៥ ម៉ោង មុន

ខេត្តកណ្តាលមានកម្មករឆ្លងជំងឺកូវីដ-១៩ ជាង២ពាន់នាក់ និងអ្នកពាក់ព័ន្ធជាង៨ពាន់នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services