ព័ត៌មានជាតិ
ពលរដ្ឋ គួរទុកដាក់សំរាមឱ្យបានត្រឹមត្រូវនៅរដូវភ្លៀងនេះ
សំរាមជាប្រភពមេរោគ ដែលបង្កឱ្យមានបផលប៉ះពាល់ជាអវិជ្ជមានលើសុខមាភាពមនុស្សសត្វ និងធ្វើឱ្យបាត់បង់សោភ័ណ។
កញ្ញា សាន ស្រីល័ក្ខណ៍ យុវតីមួយរូបរស់នៅរាជធានីភ្នំពេញ បានលើកឡើងអំពីបញ្ហានៃផលប៉ះពាល់សំរាមដូច្នេះថា សំរាមមិនត្រឹមតែប៉ះពាល់ដល់បរិស្ថាន សុខភាព អនាម័យ និងបណ្ដាលឱ្យមានការកកស្ទុះលូរ ប៉ុណ្ណោះទេ វាថែមទាំងបង្ហាញអំពីកម្រិតនៃការយល់ដឹងរបស់ប្រជាពលរដ្ឋនៅក្នុងប្រទេសមួយទៀតផង។ ជាងនេះទៅទៀត ការដែលមិនបានទុកដាក់សំរាមឱ្យបានល្អ មានសណ្ដាប់ធ្នាប់ វាពិតជាធ្វើឱ្យមានឱនភាពនៃវិស័យទេសចរណ៍ផងដែរ ព្រោះសំរាមជាចង្រុកនៃមេរោគ បណ្ដាលឱ្យមានក្លិនមិនល្អ ដែលជាកត្តាធ្វើឱ្យប៉ះពាល់ដល់អារម្មណ៍ភ្ញៀវទេសចរ ជាដើម។
កញ្ញាស្រី ល័ក្ខណ៍ បានសំណូមពរដល់ប្រជាពលរដ្ឋ ចូលរួមគិតគូរអំពីបញ្ហាបរិស្ថានទាំងអស់គ្នា ជាពិសេសអាណាព្យាបាលត្រូវបង្រៀនដល់កូនៗ អំពីរបៀបវេចខ្ចប់សំរាមឱ្យបានល្អ មុនពេលយកទៅចោលក្នុងធុងសំរាម។
ដូចគ្នានេះដែរ លោក ពង្ស សាវតា បុគ្គលិកក្រុមហ៊ុនឯកជនមួយកន្លែង មើលឃើញថា នៅតាមទីសាធារណៈ ស្ទើរតែមានធុងសំរាមគ្រប់ទីកន្លែងទៅហើយ ប៉ុន្តែលោកសង្កេតឃើញថា នៅតែមានពលរដ្ឋមួយចំនួន បោះចោលសំរាមនៅក្រៅធុង ឬតាមផ្លូវសាធារណៈ នាំឱ្យបាត់បង់សោភ័ណភាពទីក្រុង។ លោកបានបន្ថែមដូច្នេះថា ប្រសិនបើប្រជាពលរដ្ឋនៅតែមិនយកចិត្តទុកដាក់ចំពោះបញ្ហាសំរាមនោះទេ ប្រាកដណាស់វានឹងបង្កឱ្យមានក្លិនមិនល្អ និងប៉ះពាល់ដល់បរិស្ថានថែមទៀតផង។
ជាមួយគ្នានេះ លោក នាង រតនៈ ពលរដ្ឋមួយរូបទៀត បានលើកឡើងទាក់ទិននឹងសំរាមនេះដែរថា ការទុកដាក់សំរាមនៅមានភាពរប៉ាត់រប៉ាយច្រើននៅឡើយ ជាពិសេសនៅពេលមានភ្លៀងធ្លាក់ សំរាមបង្កឱ្យមានការកកស្ទុះលូបង្ហូរទឹក នៅរាជធានីភ្នំពេញ។
យុវជនមួយរូបនេះមានទស្សនៈថា «សំរាមកើតចេញពីកត្ដាខ្លួនយើង ហើយបើយើងអប់រំខ្លួនឯង និងស្វែងយល់ពីផលប៉ះពាល់របស់សំរាម នោះយើងនឹងចេះទុកដាក់ឱ្យមានរបៀបរាប់រយ ជាមិនខានឡើយ»។
មន្រ្តីសាលារាជធានីភ្នំពេញ បានលើកឡើងនាពេលកន្លងមកថា នៅរាជធានីភ្នំពេញនាពេលបច្ចុប្បន្ននេះ ការទុកដាក់ ការបែងចែក និងការប្រមូលសំរាម មានលក្ខណៈល្អប្រសើរជាងមុន ពោលគឺក្រោយពីមានក្រុមហ៊ុនដឹកជញ្ជូនសំរាមចំនួនបីមានការប្រកួតប្រជែងគ្នា ជាមួយនឹងការចូលរួមពីវិស័យឯកជន និងប្រជាពលរដ្ឋផងដែរ៕
អត្ថបទៈ ផល ធារិត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង