ព័ត៌មានជាតិ
រដ្ឋ ចំណាយថវិកាជិត ២ លានដុល្លារ ឧបត្ថម្ភដល់កម្មករនិយោជិតព្យួរការងារ ដោយវិបត្តិសេដ្ឋកិច្ចសកល
រាជរដ្ឋាភិបាល បានចំណាយថវិកាប្រមាណជិត ២ លានដុល្លារ ឧបត្ថម្ភដល់កម្មករនិយោជិតដែលព្យួរកិច្ចសន្យាការងារដោយសារវិបត្តិសេដ្ឋកិច្ចសកល។
លោក កត្តា អ៊ន អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានឲ្យដឹងនៅព្រឹកថ្ងៃទី ១៣ កញ្ញានេះថា ចាប់តាំងពីថ្ងៃទី ១ ខែមេសា រហូតដល់ថ្ងៃទី ១២ ខែកញ្ញា ឆ្នាំ ២០២៣ មានកម្មករ និយោជិត សរុបចំនួន ៤៨ ៩២៥ នាក់ ក្នុងចំណោមកម្មករនិយោជិតចំនួន ៥១ ៤២២ នាក់ បានទៅ បើកប្រាក់ឧបត្ថម្ភរបស់រាជរដ្ឋាភិបាលពីភ្នាក់ងារ វីង ដែលស្មើនឹងថវិកាចំនួន ៧,៩៨០,៥៤៣,០០០ រៀល ប្រហាក់ប្រហែលជិត ២ លានដុល្លារ។
លោកបានបន្តថា គិតត្រឹមថ្ងៃទី ១២ ខែកញ្ញា មានរោងចក្រវិស័យកាត់ដេរកំពុងព្យួរកិច្ចសន្យា ការងារសរុបចំនួន ៦២ រោងចក្រ មានកម្មករនិយោជិតសរុប ២៤ ១៨៤ នាក់ មានការកើនឡើង ៣ រោងចក្រ ស្មើនឹងកម្មករនិយោជិត សរុប ១ ២២៨ នាក់ បើធៀបនឹងថ្ងៃទី ១១ ខែកញ្ញា ឆ្នាំ ២០២៣។
លោកបានបន្តទៀតថា គោលនយោបាយរបស់រាជរដ្ឋាភិបាលគឺធ្វើយ៉ាងណាជំរុញ និងទាក់ទាញការវិនិយោគទុន បង្កើតរោងចក្រ សហគ្រាស នៅតាមបណ្ដាខេត្ត ដើម្បីបង្កើតការងារ និងមុខរបរជូនប្រជាពលរដ្ឋឲ្យនៅកៀកនឹងមូលដ្ឋានរស់នៅរបស់បងប្អូន ក្នុងនោះរោងចក្រ សហគ្រាស ត្រូវបានពង្រាយទៅតាមបណ្ដាខេត្តផ្សេងៗទៀតស្ទើរទូទាំងប្រទេស។
លោកបានលើកតួលេខបញ្ជាក់ថា គិតត្រឹមខែមិថុនា ឆ្នាំ ២០២៣ រោងចក្រ សហគ្រាស បានកើនឡើងដល់ចំនួន ១៧ ២៥១ និងមានកម្មករនិយោជិតសរុបចំនួនជិត ១,៥ លាននាក់ ក្នុងនោះ រោងចក្រ សហគ្រាស ក្នុងវិស័យវាយនភណ្ឌ, កាត់ដេរ, ផលិតស្បែកជើង និងផលិតផលធ្វើដំណើរនិងកាបូប មានចំនួន ១.៣៣២ និងមានកម្មករនិយោជិតសរុបប្រមាណ ៨៤ ម៉ឺននាក់ ដោយទទួលបានប្រាក់ចំណូលប្រចាំឆ្នាំប្រមាណជិត ៣ ពាន់លានដុល្លារ។
លោក កក្តា អ៊ន បានរំលឹកថា គិតត្រឹមបំណាច់ឆ្នាំ ២០២២ កន្លងមកនេះ រាជរដ្ឋាភិបាល បានបើកផ្ដល់ប្រាក់ឧបត្ថម្ភដល់កម្មករនិយោជិតក្នុងវិស័យវាយនភណ្ឌ កាត់ដេរ ផលិតស្បែកជើង និងផលិត ផលិតផលធ្វើដំណើរ និងកាបូប និងវិស័យទេសចរណ៍ ដែលព្យួរកិច្ចសន្យាការងារដោយសាររងផលប៉ះពាល់ពីជំងឺកូវីដ-១៩ ចំនួន ៣៥៤ ២៧៦ នាក់ ស្មើនឹងថវិកា ចំនួន ១៣៤,២៧ ប៊ីលានរៀល៕
អត្ថបទ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៧ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ