ពលរដ្ឋជិតមួយរយគ្រួសារស្នើសុំអាជ្ញាធរជួយដោះស្រាយសំណង់ខ្លះអភិវឌ្ឍប៉ះពាល់ធ្វើស្រែមិនកើត

ប្រជាពលរដ្ឋនៅក្នុងឃុំសឹង្ហ ស្រុកអូរជ្រៅ ខេត្តបន្ទាយមានជ័យដែលមានដីស្រែអាស្រ័យផលក្នុងអាងកន្សែងប្រមាណជាង៦២គ្រួសារកាលពីព្រឹកថ្ងៃទី២១កញ្ញា ២០២៣បាននាំគ្នាកាន់បដា និងរូបសម្តេចតេជោ និងសម្តេចកិត្តិព្រឹទ្ទបណ្ឌិត ប៊ុន រ៉ានី ហ៊ុន សែននៅលើខ្នងអាងកន្សែងអោយអាជ្ញាធរ និងប្រមុខរដ្ឋាភិបាលជួយធ្វើយ៉ាងអោយពួកគាត់បានសំណងខ្លះពីការអភិវឌ្ឍអាងមិនអាចអោយពួកគាត់ធ្វើស្រែអស់ជាច្រើនឆ្នាំប៉ះពាល់សេដ្ឋកិច្ចគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការលើកឡើងរបស់ប្រជាពលរដ្ឋក៏ដូចជាខ្លឹមសារក្នុងបដាបានឲ្យដឹងថា នៅក្នុងឃុំសឹង្ហតកូនតចៅតាំងពីដូនតាហើយបានធ្វើស្រែក្នុងអាងកន្សែងនាពេកបច្ចុប្បន្នតាំងពីមុនសម័យខ្មែរក្រហមរហូតដល់សម័យខ្មែរក្រហមបានយកទីតាំងដីស្រែរបស់ពួកគាត់ធ្វើជាអាងស្តុបទឹកលុះក្រោយសម័យខ្មែរក្រហមពួកគាត់បានមកអាស្រ័យផលធ្វើស្រែឡើងវិញ ដោយមួយគ្រួសារខ្លះបីហិចតា ខ្លះ៧ហិកតាសរុបស្រែក្នុងអាងកន្សែងរបស់ពលរដ្ឋនានជាង១០០ហិចតាដោយអាងនេះមិនមានទឹកអ្វីឡើយស្រាបតែក្រោយមកនៅចន្លោះឆ្នាំ២០០៨ទៅ២០១០ រដ្ឋធ្វើការអភិវឌ្ឍន៍អាងកន្សែងពួកគាត់ក៏យល់ព្រមអោយអភិវឌ្ឍន៍តែក្រោយមកក៏មានទឹកក្នុងអាងដោយមិនមានការបង្ហៀរទឹកចេញពីអាងជាហេតុធ្វើអោយពួកគាត់មិនអាចធ្វើស្រែបានអស់រយៈពេលច្រើនឆ្នាំ ដែលជាហេតុហើយនាំអោយពួកគាត់មានបញ្ហាជាខ្លាំងដោយមិនមានដីស្រែផ្សេងបង្កបង្កើនផលសម្រាបផ្គត់ផ្គងជីវិភាពរស់នៅស្របពេលដែលបច្ចុប្បន្នបញ្ហាសេដ្ឋកិច្ចរកសុីលក់ដូរជួកការលំបាកខ្លាំងផង។

ពួកគាត់បានលើកឡើងទៀតថាបើរដ្ឋអភិវឌ្ឍពួកគាត់មិនជំទាស់ទេតែសូមអោយៈួកគាត់បានអាស្រ័យផលឬមានការដោះស្រាយសំណង់ខ្លះឃូនពួកគាត់ដូចអ្នកនៅផ្នែកខាងលើអាងដែលរ្ឋបានដោះស្រាយសំណងជូន។

ទាក់ទងនិងការស្នើសុំរបស់ប្រជាពលរដ្ឋខាងលើលោកកែវ តារារស្មី អភិបាលស្រុកអូរជ្រៅបានអោយដឹងថាអាងកន្សែងគឺជាអាងដែលបង្សល់ពីសម័យប៉ុល ពតហើយក្រោយមកពលរដ្ឋដែលមានដីស្រែនៅក្នុងបាតអាងដែលមានផ្ទៃ១៤៤ហិកតាជាងបានយល់ព្រមប្រគល់ជូនរដ្ឋ (ក្រសួងធនធានទឹក) ដើម្បីអភិវឌ្ឍហើយក្រសួងបានចុះបញ្ជីអាងកន្សែងជាកម្មសិទ្ធនិងបានធ្វើអាងនេះជាខ្នាតធំដោយបានកម្ចីពីកូរ៉េហើយបានធ្វើការពង្រីកផ្ទៃអាងដែលមានការដោះស្រាយផលប៉ះពាល់ដល់ពលរដ្ឋដទៃទៀតក្រៅពី១៤៤ហិកតាជាង។

ដោយសារតែឃើញមានការដោះស្រាយជូនពលរដ្ឋក្រៅពី១៤៤ហិកតាជាទើបធ្វើអោយពួកគាត់ដែលស្ម័គ្រចិត្តប្រគល់ជូនរដ្ឋនាំគ្នាតវ៉ា ដែលអាជ្ញាធរមិនអាចដោះបានឡើយ៕

អត្ថបទ៖​​ អពៅ