សន្តិសុខសង្គម
សមត្ថកិច្ច ឃាត់ខ្លួនជនសង្ស័យម្នាក់ ពាក់ព័ន្ធរឿងលួចដកប្រាក់ពីគណនីធនាគារ AMK ៨១៤០ដុល្លារ
ជនសង្ស័យម្នាក់ ត្រូវបានកម្លាំងការិយាល័យនគរបាលប្រឆាំងបទល្មើសបច្ចេកវិទ្យា ខេត្តបន្ទាយមានជ័យ សហការជាមួយ កម្លាំងអធិការដ្ឋាននគរបាលក្រុងប៉ោយប៉ែត ចុះឃាត់ខ្លួន ក្រោយពីជនសង្ស័យបានធ្វើសកម្មភាព លួចប្រាក់តាមរយៈគណនីធនាគារ AMK របស់ពលរដ្ឋ។ នេះបើតាមសំណេរនៅលើទមព័រហ្វេសប៊ុក ស្នងការដ្ឋាននគរបាលខេត្តបន្ទាយមានជ័យនៅល្ងាចថ្ងៃព្រហស្បត្តិ៍ ទី៨ ខែកុម្ភៈ នេះ។
![](https://www.kampucheathmey.com/wp-content/uploads/2024/02/image-525-edited.png)
ពីស្នងការដ្ឋានខេត្តបន្ទាយមានជ័យ ការចាប់ឃាត់ខ្លួននេះ គឺមានការសម្របសម្រួលនីតិវិធីពីសំណាក់ព្រះរាជអាជ្ញាអមសាលាដំបូងខេត្ត និងយោងបណ្តឹងរបស់ជនរងគ្រោះឈ្មោះ សៀក ស្រីនាង ភេទស្រី អាយុ ៤២ ឆ្នាំ រស់នៅក្រុងប៉ោយប៉ែត បានបាត់ប្រាក់ពីគណនីធនាគារAMK ចំនួន ៨១៤០ដុល្លារ។ នៅថ្ងៃទី ០៧ ខែកុម្ភៈ កម្លាំងការិយាល័យនគរបាលប្រឆាំងបទល្មើសបច្ចេកវិទ្យា បានដឹកនាំកម្លាំង សហការណ៍ជាមួយកម្លាំងអធិការដ្ឋាននគរបាលក្រុងប៉ោយប៉ែត ចុះស្រាវជ្រាវនិងបានឃាត់ខ្លួនជនសង្ស័យម្នាក់ឈ្មោះ គឹម វិបុល ហៅមិញ ភេទ ប្រុស អាយុ ៤០ ឆ្នាំ រស់នៅភូមិបាលិលេល្យ២ សង្កាត់ប៉ោយប៉ែត ក្រុងប៉ោយប៉ែត ។
តាមបណ្តឹងរបស់ជនរងគ្រោះ ឈ្មោះសៀក ស្រីនាង បានឲ្យដឹងថា កាលពីថ្ងៃទី ៥ ខែ កញ្ញា ឆ្នាំ២០២៣ លោកស្រី បានបាត់ទូរស័ព្ទដៃមួយគ្រឿងម៉ាក់OPPO ដែលក្នុងទូរស័ព្ទគឺមានគណនីធនាគារAMK ។ ភ្លាមៗ ក្រោយពីបាត់ទូរស័ព្ទម្ចាស់ទូរស័ព្ទបានទៅជួបភ្នាក់ងារធនាគារ ដើម្បីសួរនាំដែរពីរឿងបាត់ទូរស័ព្ទ និងចង់ឲ្យធនាគារប្តូរAPPគណណីរបស់ខ្លួនមកទូរស័ព្ទថ្មី ប៉ុន្តែដោយសារពេលនោះជនរងគ្រោះមិនបានយកលេខទូរស័ព្ទចាស់ទៅក៏ផ្លាស់ប្តូរមិនបាន។ ក្រោយប្ដូរគណនីមកទូរស័ព្ទថ្មីមិនបាន ជនរងគ្រោះក៏បានសួរទៅបុគ្គលិកធនាគារថា តើគាត់អាចបាត់លុយដែលមាននៅក្នុងកុងធនាគារដែរឬអត់។ បុគ្គលិកធនាគារក៏បានប្រាប់មកវិញថាអាចបាត់ ប្រសិនបើសិនអ្នកដែលរើសបានទូរស័ព្ទនោះគេស្គាល់លេខកូដសម្ងាត់ ប៉ុន្តែបើគេមិនស្គាល់ទេគឺមិនបាត់ទេ។
ក្រោយសួរនាំរួចជនរងគ្រោះសៀក ស្រីនាង ក៏បានដាក់លុយចូលសាច់ប្រាក់បន្ថែមទៀតចំនួន១៨០០ដុល្លារទៅក្នុងគណនី រួចហើយក៏ត្រឡប់ទៅផ្ទះវិញបាត់ទៅ។ លុះនៅថ្ងៃទី១១ខែកញ្ញា ឆ្នាំ២០២៣ ម្ចាស់គណនីឈ្មោះ សៀក ស្រីនាង បានយកលុយទៅដាក់ក្នុងកុងបន្ថែមទៀតចំនួន៤០០០ដុល្លារ ប៉ុន្តែមុននឹងដាក់ចូល ជនរងគ្រោះបានឲ្យបុគ្គលិកធនាគារឆែកមើលសាច់ប្រាក់នៅក្នុង ក៏បានឃើញថាបាត់អស់ពីក្នុងកុងធនាគាររបស់ខ្លួន រួជទើបដឹងថាមានគេលួចដកប្រាក់ពីកុងគណនីរបស់ខ្លួនអស់ទឹកប្រាក់ចំនួន៨១៤០ដុល្លារបាត់ទៅហើយ។
តាមសំណេរដដែល បច្ចប្បន្នជនសង្ស័យ ត្រូវបានឃាត់ខ្លួនបណ្តោះអាសន្ន ដើម្បីសួរនាំ និងកសាងសំណុំរឿងបញ្ជូនទៅតុលាការចាត់ការតាមនីតិវិធី ៕
![](https://www.kampucheathmey.com/wp-content/uploads/2024/02/image-526-1024x683.png)
![](https://www.kampucheathmey.com/wp-content/uploads/2024/02/image-527-1024x683.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៥ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ២ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
សន្តិសុខសង្គម៥ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា