Connect with us

ព័ត៌មានជាតិ

ក្រុមហ៊ុន​ចិន ចាប់ផ្ដើមជួសជុលផ្លូវជាតិលេខ៣ ចំណុចត្រពាំងល្ពៅឆ្ពោះទៅវាលរេញ ប្រើប្រាស់បណ្ដោះអាសន្ន

បានផុស

នៅ

 ក្រុមហ៊ុនសារជីវកម្មស្ពាន-ថ្នល់ ចិន (CRBC) បានចាប់ផ្តើមជួយជួសជុលផ្លូវជាតិលេខ៣ នៅត្រង់ចំណុចត្រពាំងល្ពៅឆ្ពោះទោវាលរេញ ដើម្បីប្រើប្រាស់ជាបណ្តោះអាសន្ន។ នេះបើយោងតាមសំណេរនៅលើគណនីហ្វេសប៊ុករបស់លោក បូរី វង្សសានិត្យ ប្រធានមន្ទីរសាធារណៈការ និងដឹកជញ្ជូន ខេត្តព្រះសីហនុ នៅថ្ងៃទី២៩ ខែកញ្ញានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

 ក្រុមហ៊ុនសារជីវកម្មស្ពាន-ថ្នល់ចិន បានចាប់ផ្ដើមជួសជុលផ្លូជាតិលេខ៣ ត្រង់ចំណុចត្រពាំងល្ពៅឆ្ពោះទៅវាលរេញនេះ  ដោយប្រើប្រាស់ថ្មធំ ថ្ម៤x៦ និងថ្មមិច ចាក់បំពេញ កៀរ កិនបង្ហាប់ ដើម្បីបន្ធូរភាពលំបាកក្នុងការធ្វើចរាចរនារដូវវស្សានេះ។ សម្រាប់ការងារជួយសម្រួលនេះ អាចនឹងចំណាយពេលប្រមាណ២០ថ្ងៃ ក្នុងការជួសជុលស្ថានភាពផ្លូវដែលទទួលរងនូវការខូចខាតធ្ងន់ធ្ងរប្រវែង២០គីឡូម៉ែត្រ ។

មែនទែនទៅ ស្ថានភាពផ្លូវជាតិលេខ៣ ត្រង់ចំណុចត្រពាំងល្ពៅឆ្ពោះទៅវាលរេញនេះ រាជរដ្ឋាភិបាលធ្លាប់បាន ជួសជុលឡើងវិញជាច្រើនដងរួចមកហើយ ក៏ប៉ុន្តែស្ថានភាពផ្លូវប្រវែង២០គីឡូម៉ែត្រនេះនៅតែមានការខូចខាតឥតឈប់ឈរ។​ កន្លងមក  កាលដែល លោក ស៊ុន ចាន់ថុល កាន់ការជារដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុល បានសូមទោសប្រជាពលរដ្ឋចំពោះបញ្ហាផ្លូវពីត្រពាំងល្ពៅឆ្ពោះទៅវាលរេញចេះតែខូចខាត មិនចេះចប់មិនចេះហើយ រំខានដល់ការធ្វើដំណើររបស់ប្រជាពលរដ្ឋ។

អតីតរដ្ឋមន្ត្រីក្រសួងសាធារណការ   លោក ស៊ុន ចាន់ថុល ក៏ធ្លាប់បានលើឡើងម្ដងហើយម្ដងទៀត ពីបញ្ហាដែលផ្លូវត្រពាំងល្ពៅឆ្ពោះទៅវាលរេញ ខូចខាតឥតឈប់ឈរ គឺបណ្ដាលមកពីដីប្រវែង៥គីឡូម៉ែត្រ នៅតំបន់នោះជាប្រភេទដីស្អុយ មានជម្រៅរហូតដល់ទៅ១៨ម៉ែត្រចុះក្រោម ជាប្រភេទដីភក់ មមោកសមុទ្រ ទើបផ្លូវតំបន់នោះ ជុះជុលយ៉ាងណាក៏នៅតែខូចខាតឥតមានឈប់។ លោក ស៊ុន ចាន់ថុល លើកឡើងបន្ថែមថា ផ្លូវនៅតំបន់ត្រពាំងល្ពៅ ឆ្ពោះទៅវាលរេញនោះ ទាល់តែកាយយកដីស្អុយនោះចេញឱ្យអស់ ហើយចាក់បំពេញដោយថ្មធំៗ ចាក់បេតុងធ្វើជាគ្រឹះ ទើបផ្លូវនោះលែងខូចខាត។ ជាការកត់សម្គាល់ លោក ស៊ុន ចាន់ថុល​ បានស្វះស្វែងស្នើថវិកាពីមិត្តចិន សម្រាប់យកមកជួសជុលផ្លូវនៅតំបន់នេះ ឱ្យស្របតាមបទដ្ខានស្តង់ដារបច្ចេកទេស ដើម្បីជួយសម្រួលការធ្វើដំណើររបស់ប្រជាពលរដ្ឋ។

ជាមួយគ្នានេះ លោក បូរី វង្សសានិត្យ ប្រធានមន្ទីរសាធារណៈការ និងដឹកជញ្ជូន ខេត្តព្រះសីហនុ កំពុងតែរងចាំថវិកាពីភាគីចិន ដើម្បីជួសជុលកំណាត់ផ្លូវប្រវែង២០គីឡូម៉ែត្រនេះឱ្យស្របតាមស្តង់ដារ មានគុណភាពខ្ពស់ ធានាបម្រើឱ្យការប្រើប្រាស់មានអាយុកាលយូរអង្វែង៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៦ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៦ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៨ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៩ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម