ព័ត៌មានជាតិ

កម្មវិធីសម្ពោធកំពូលរថយន្តទំនើបបែបស្ព័រ ALL- New GS3 EMZOOM ស៊េរីឆ្នាំ ២០២៤

បានផុស

១ year មុន

នៅ

ថ្ងៃសៅរ៍ ៣០ កញ្ញា ២០២៣

ដោយ

ក្រុមហ៊ុន THH Import Export Co., Ltd បានប្រារព្ធកម្មវិធីសម្ពោធលក់ជាផ្លូវការរថយន្តទំនើបបែបអនាគត ALL-New EMKOO ដែលរចនាលំនាំតាមរថយន្តទំនើបបែបអនាគតកន្លងផុតទៅកាលពី ១ ខែមុន នៅផ្សារទំនើប Aeon Mall Sen Sok។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបិទបញ្ចប់ការប្រារព្ធកម្មវិធីសម្ពោធលក់ជាផ្លូវការ ALL-New EMKOO រួចមក សន្ទុះ នៃការគាំទ្រយ៉ាងខ្លាំងរបស់អតិថិជន ជាមួយនឹងរថយន្តទំនើបៗ របស់ GAC MOTOR Cambodia។

បច្ចុប្បន្ននេះដោយសារមានការគាំទ្រយ៉ាងខ្លាំងពីសំណាក់អតិថិជនបែបនេះហើយ ទើបនៅថ្ងៃទី ២៩ ខែកញ្ញា ឆ្នាំ ២០២៣ ថ្មីៗ នេះ ក្រុមហ៊ុនបានបើកកម្មវិធីសម្ពោធលក់កំពូលរថយន្តទំនើបបែបស្ព័រ ALL- New GS3 EMZOOM ស៊េរីឆ្នាំ ២០២៤ ថ្មីមួយបន្ថែមទៀត។

សូមជម្រាបជូនផងដែរថា ក្រុមហ៊ុន THH Import Export Co., Ltd គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន TH Group ដែលជាក្រុមហ៊ុនក្នុងស្រុក និងទទួលសិទ្ធិចែកចាយលក់រថយន្ត និងគ្រឿងបន្លាស់រថយន្តម៉ាក GAC ផ្តាច់មុខតែមួយគត់ក្នុងព្រះរាជាណាចក្រកម្ពុជា ពីក្រុមហ៊ុន GAC Motor ដែលជាក្រុមហ៊ុនផលិតរថយន្តដ៏ធំមួយរបស់ប្រទេសចិន។

ជាមួយនេះ ដោយសង្កេតឃើញថា រថយន្ត GAC ទទួលបានការគាំទ្រយ៉ាងច្រើនពីសំណាក់អតិថិជន ក្រុមហ៊ុនបានសម្រេចចិត្តនាំចូលរថយន្តថ្មីមួយម៉ូឌែលទៀត ដែលជារថយន្តប្រភេទ Mini-SUV គឺ កំពូលរថយន្តទំនើបបែបស្ព័រ ALL- New GS3 EMZOOM ដើម្បីបំពេញតម្រូវការរបស់អតិថិជននៅក្នុងទីផ្សារប្រទេសកម្ពុជា។

ក្រឡេកមកមើលលក្ខណៈពិសេសរបស់រថយន្ត ALL-New GS3 EMZOOM ជាប្រភេទរថយន្ត Mini-SUV ខ្នាតតូចបែបស្ព័រ មានទំហំធំទូលាយ ដែលមានការរចនាឡើងជាមួយរូបរាងថ្មីប្លែកលំនាំតាមរថយន្តបែបគ្រាប់ពេជ្រ ទំនើប ទាន់សម័យ (New Generation Trendy & Intelligent SUV) បំពាក់នូវបច្ចេកវិទ្យាឌីជីថលឆ្លាតវៃ និងមានថាមពលខ្លាំង សក្តិសមបំផុតសម្រាប់អ្នកបើកបរជំនាន់ថ្មី។ ការរចនាផ្នែកខាងមុខ គឺ ស្រដៀងទៅនឹងរថយន្តអគ្គិសនី ជាមួយប៉ាណាបញ្ឈរ បែបស្លាបសត្វឥន្ទ្រី ”Mecha Wing Grille” ដែលភ្ជាប់ជាមួយការរចនាចង្កៀងមុខ ជាប្រភេទ Laser eye headlight ដែលផ្តល់នូវភាពទាក់ទាញ និងឧត្តមភាពនៅពេលបើកបរ។ ជាមួយដៃទ្វារបង្កប់ប្រភេទ Electronic Flush Door និងកង់អាលុយម៉ីញ៉ូមទំហំ ១៨ អ៊ីង។ ងាកមកមើលផ្នែកខាងក្រោយ កាន់តែលេចធ្លោជាមួយការរចនាភ្លើងក្រោយរាងគ្រាប់ពេជ្រ (star diamond shape) និងបំពាក់បំពង់ស៊ីមាំងភ្លោះបែបស្ព័រ។

រថយន្ត GS3 EMZOOM ត្រូវបានផលិតនៅលើគ្រោងតួសកល GPMA (GAC Global Platform Modular Architecture) ដែលមានលក្ខណៈ ធន់ រឹងមាំ សន្សំសំចៃ និងផ្តល់នូវគុណភាពខ្ពស់ក្នុងការបើកបរ។ វាបានបំពាក់ម៉ាស៊ីនសាំងស៊េរីថ្មីជំនាន់ទី ៣ ទំហំ ១.៥ T GDIដែល GAC ឲ្យឈ្មោះថា Mega Wave Power ផលិតកម្លាំងបាន ១៧៧ Hp និងកម្លាំងរមួល ២៧០ Nm ភ្ជាប់ជាមួយប្រអប់លេខ ០៧ វគ្គអូតូ (7WDCT) ប្រភេទ Wet Dual Clutch Transmission អាចបង្កើនល្បឿនពីចំណុច ០ ទៅ ១០០ ក្នុងរយៈពេលត្រឹម ៧.៥ វិនាទីប៉ុណ្ណោះ ព្រមទាំងកម្រិតស៊ីប្រេងស្តង់ដារ ត្រឹមតែ ៦.២ លីត្រ/១០០ គីឡូម៉ែត្រ។

នៅផ្នែកខាងក្នុងវិញ GS3 EMZOOM ផ្តល់នូវផាសុកភាពខ្ពស់ ជាមួយកៅអីស្បែករចនាបែបស្ព័រដែលត្រូវបានជ្រើសរើសយ៉ាងយកចិត្តទុកដាក់ ដើម្បីផ្តល់នូវបទពិសោធន៍ដ៏អស្ចារ្យ និងប្រណិតភាព។

ចំពោះលក្ខណៈសម្បត្តិទូទៅរួមមាន ៖

- ចង្កឹះលេខទំនើបប្រភេទ Electronic Gear Shifter

- ដៃទ្វារបង្កប់ប្រភេទ Electronic Flush Door

- កុងទ័រប្រភេទ Digital ទំហំ ៧ អ៊ីង

- អេក្រង់ Touch Screen ទំហំ ១០.២៥ អ៊ីង

- តម្រងបន្សុទខ្សល់ទំហំ PM ១.០ Air Filter

- កាំមេរ៉ា ៣៦០ ដឺក្រេ មើលជុំវិញរថយន្តកម្រិត HD

- ប្រព័ន្ធកម្រិតល្បឿនរថយន្ត Cruise Control

- សោរថយន្តរចនាទំនើប និងឆ្លាតវៃ (PEPS)

- ដំបូលបើកប្រភេទ Panoramic Sunroof

ចំពោះតួរថយន្ត GS3 EMZOOM ស្ថិតក្នុងប្រភេទ Min- SUV (រថយន្តលក្ខណៈគ្រួសារខ្នាតតូច) ប៉ុន្តែវាមានទំហំធំទូលាយ ដោយមានបណ្ដោយរហូតដល់ ៤,៤១០ mm ទទឹង ១,៨៥០ mm កម្ពស់ ១,៦០០ mm និងគម្លាតពីអ័ក្សកង់មុខទៅអ័ក្សកង់ក្រោយរហូតដល់ ២,៦៥០ mm ដែលផ្តល់នូវលំនឹងបានល្អនៅពេលបើកបរ។ អ្វីដែលកាន់តែពិសេសសម្រាប់រថយន្តម៉ូឌែល GS3 EMZOOM ស៊េរីថ្មីនេះ មានជម្រើសរហូតដល់ទៅ ០៥ ពណ៌ រួមមាន ៖ ខៀវ , ស, ប្រាក់, ប្រផេះស្រាល និង ប្រផេះដិត។ អ្វីដែលមិននឹកស្មានដល់នោះចំពោះរថយន្តម៉ូឌែល GS3 EMZOOM ដែលបំពាក់សុទ្ធតែប្រព័ន្ធឌីជីថល និងគ្រឿងបរិក្ខារគ្រប់សព្វ (Full Options) នេះ មានតម្លៃពិសេសត្រឹមតែ ៣២,៩០០ ដុល្លារ តែប៉ុណ្ណោះ និងទទួលបានការផ្តល់ជូនការធានារយៈពេលវែងរហូតដល់ ៥ ឆ្នាំ ឬ ១៥០,០០០ គីឡូម៉ែត្រ ពីរោងចក្រផ្ទាល់ និងទទួលបានការថែទាំឥតគិតថ្លៃរយៈពេល ១ ឆ្នាំ ឬ ២០, ០០០ គីឡូម៉ែត្រ ផងដែរ។

ដើម្បីជួយសម្រួលដល់អតិថិជនក្នុងការទិញរថយន្តម៉ូឌែល GS3 EMZOOM ស៊េរីថ្មីនេះ អតិថិជនអាចជ្រើសរើសសេវាកម្មបង់រំលស់របស់ក្រុមហ៊ុន Forward Leasing និងធនាគារដៃគូ ដោយទទួលបាននូវលក្ខខណ្ឌបង់រំលស់ងាយៗ និងឆាប់រហ័ស។

ព័ត៌មានលម្អិត សូមទំនាក់ទំនងមកផ្នែកលក់ផ្ទាល់ ៖ ០៩៥៩៩៩០២៩/ ០៩៥៩៩៩២៦៨ ឬ អញ្ជើញមកអគារតាំងបង្ហាញលក់រថយន្ត: អគារ #១១ មហាវិថីសហព័ន្ធរុស្សី សង្កាត់កាកាប ខណ្ឌពោធិ៍សែនជ័យ ក្រុងភ្នំពេញ (ខាងកើតផ្សារពោធិ៍ចិនតុងប្រហែល ១០០ ម៉ែត្រ)៕