ព័ត៌មានជាតិ
កំណាត់ផ្លូវប្របមាត់សមុទ្រខេត្តកែប ដំណើរការចាក់ក្រាលកៅស៊ូ និងសាងសង់សម្រេចបាន ប្រមាណជិត ៨០ ភាគរយហើយ
កំណាត់ផ្លូវប្របមាត់សមុទ្រខេត្តកែប ចាប់ផ្ដើមដំណើរការចាក់ក្រាលកៅស៊ូ និងសាងសង់សម្រេចបានប្រមាណជិត ៨០ ភាគរយ ហើយ ចាប់ពីកំពង់ផែកោះទន្សាយ រហូតដល់ឆ្នេរសមុទ្រអង្កោល និងតភ្ជាប់ទៅផ្លូវជាតិលេខ ១៣-៣២ ដែលនឹងបញ្ចប់ទាំងស្រុងនារយៈពេលដ៏ខ្លីខាងមុខនេះ។
នៅថ្ងៃទី ៩ ខែតុលា ឆ្នាំ ២០២៣ នេះ លោក ប៊ុន លី មេការដ្ឋានបច្ចេកទេសផ្លូវថ្នល់របស់ ADB បានប្រាប់ឲ្យដឹងថា បើគិតមកដល់ពេលនេះសម្រេចការសាងសង់បានជិត ៨០ ភាគរយ ហើយ ប៉ុន្តែសល់ប្រហែលជាង ២០ ភាគរយទៀត ខាងបច្ចេកទេសនឹងបញ្ចប់នៅពេលដ៏ខ្លីខាងមុខនេះ។
ផ្លូវប្របមាត់សមុទ្រប្រវែងជាង ១២ គីឡូម៉ែត្រ បានតភ្ជាប់គ្នាចាប់ពីកំពង់ផែកោះទន្សាយ ទៅកាន់ឆ្នេរសមុទ្រអង្កោល តភ្ជាប់ទៅផ្លូវជាតិលេខ ១៣-៣២ សាងសង់ក្រោមមូលនិធិរបស់ធនាគារអភិវឌ្ឍន៍អាស៊ី (ADB) ដែលចំណាយថវិកាប្រមាណ ១០,៥ លានដុល្លារអាមេរិក។
លោក ប៊ុន លី មេការដ្ឋានផ្លូវថ្នល់ បានបញ្ជាក់បន្ថែមថា អំឡុងមួយរយៈពេលនេះមានភ្លៀងធ្លាក់ ដូច្នេះហើយអាចបង្កការរំខានខ្លះៗ ដល់ការអនុវត្តគម្រោងទាំងមូល។ ប៉ុន្តែទោះជាយ៉ាងណា មិនបានធ្វើឲ្យប៉ះពាល់ការបញ្ចប់គម្រោងទៅតាមផែនការនោះឡើយ។
លោកបន្ថែមថា បច្ចុប្បន្នសម្រេចបានការរៀបចំគ្រឹះខាងក្រោមដែលជាដំណាក់កាលដំបូង ក្នុងនោះការរៀបចំប្រឡាយ និងលូរំដោះទឹកបានរួចរាល់ហើយ នៅសល់តែ ២ ដំណាក់កាលចុងក្រោយទៀតនឹងរួចរាល់។
កំណាត់ផ្លូវប្របមាត់ឆ្នេរចាប់ពីកំពង់ផែកោះទន្សាយរហូតដល់ឆ្នេរសមុទ្រអង្កោលនេះ គឺជាសរសៃឈាមទេសចរណ៍មួយតភ្ជាប់ទៅឆ្នេរអង្កោលធម្មជាតិទៅថ្ងៃអនាគតនៅពេលខាងមុខ។
ផ្លូវមួយខ្សែនេះ នឹងនាំឲ្យមានកំណើនភ្ញៀវទេសចរជាតិ-អន្តរជាតិ មកលេងក្នុងឱកាសបុណ្យភ្ជុំបិណ្ឌនេះ ឬ បុណ្យទានផ្សេងៗ មកទស្សនាដើរលេងកម្សាន្តចាប់ពីឆ្នេរអង្កោលទៅដល់កំពង់ផែកោះទន្សាយទីរួមខេត្តកែប ធ្វើឲ្យកំណើនភ្ញៀវមកកាន់តែច្រើន ហើយក៏នឹងបញ្ចៀសការកកស្ទះភ្ញៀវទេសចរទៅដើរលេងកម្សាន្តនៅតាមបណ្ដោយឆ្នេរក្នុងភូមិសាស្ត្រខេត្តកែបផងដែរ។
គួរបញ្ជាក់ថា គម្រោងកំណាត់ផ្លូវប្របមាត់សមុទ្រនេះ គឺជាអនុគម្រោងមួយ នៃគម្រោងហេដ្ឋារចនាសម្ព័ន្ធទេសចរណ៍សម្រាប់កំណើនប្រកបដោយបរិយានៅតំបន់ឆ្នេរអង្កោលធម្មជាតិ នៃមហាអនុតំបន់មេគង្គជំហានទី ២ របស់ធនាគារអភិវឌ្ឍន៍អាស៊ី ADB ក្នុងនោះមានអនុគម្រោងចំនួន ២ ទៀត រួមមានទីលានទុកដាក់សំរាមដែលទើបសម្ពោធ និងផ្ទេរឲ្យរដ្ឋបាលខេត្តគ្របគ្រងបន្តនាពេលថ្មីៗនេះ និងគម្រោងកំពង់ផែលើកោះទន្សាយ៕
អត្ថបទ ៖ សឹង រ៉ាត់
រដ្ឋមន្ត្រីក្រសួងសាធារណការចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាមដងផ្លូវ
អាវុធហត្ថខេត្តបាត់ដំបង ឃាត់ខ្លួនជនសង្ស័យ២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព
តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត
ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ
ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ