Connect with us

ព័ត៌មានជាតិ

ព្រឹកស្អែក នាយករដ្ឋមន្ត្រីកម្ពុជា ចុះជួបកម្មកររោងចក្រ ជាលើកទី៦

បានផុស

នៅ

នាវេលាព្រឹកថ្ងៃស្អែក ទី២៥ ខែតុលា ឆ្នាំ២០២៣ សម្ដេចធិបតី​ ហ៊ុន ម៉ាណែត នឹងអញ្ជើញចុះជួបកម្មករ កម្មការនី រោងចក្រសហគ្រាស ជាលើកទី៦ បន្ទាប់ពីចូលកាន់តំណែងជានាយករដ្ឋមន្ត្រីកម្ពុជា ជាផ្លូវការណ៍ កាលពីថ្ងៃទី២២ ខែសីហា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរចុះជួបកម្មករ កម្មការនី រោងចក្រសហគ្រាសជាលើកទី៥នេះ សម្ដេចធិបតី ត្រូវជួបសំណេះសំណាលជាមួយកម្មករ កម្មការនីចំនួន   ១២.០៦០នាក់ ដែលមានមូលដ្ឋានស្ថិតនៅក្នុងស្រុកព្រៃឈរ និងស្រុកកំពង់សៀម ខេត្តកំពង់ចាម។ កម្មក កម្មការនី រោងចក្រទាំង១២ ០៦០នេះ គឺមកពីរោងចក្រសហគ្រាសចំនួន១៤។រោងចក្រ សហគ្រាសទាំង ១៤នេះ ជាប្រភេទរោង ចក្រកាត់ដេរសម្លៀកបំពាក់ ចំនួន ៧  រោងចក្រដេរស្បែកជើង ចំនួន ៥  រោងចក្របោះពុម្ពលើសម្លៀកបំពាក់ ចំនួន  ១  និងរោងចក្រតម្បាញ ចំនួន ១។

ជាក់ស្ដែង សម្ដេចធិបតី ប្រមុខរាជរដ្ឋាភិបាលកម្ពុជា ក្នុងឋានៈនាយករដ្ឋមន្ត្រីបានចុះជួបកម្មកររោងចក្រចំនួន៥លើករួចមកហើយ។ ចំពោះជំនួបជាមួយកម្មករ៥លើកកន្លងគឺ សម្ដេចបានចុះជួបកម្មករ កម្មការនីជាលើកទី១ កាលពីថ្ងៃទី២៩ ខែសីហា នៅតំបន់ព្រៃស្ពឺ រាជធានីភ្នំពេញ មានកម្មករ និយោជិត ចូលរួមចំនួន ១៨,០១៣នាក់។ លើកទី២ កាលពីថ្ងៃទី១ ខែកញ្ញា ឆ្នាំ២០២៣ នៅក្រុងតាខ្មៅ ខេត្តកណ្តាល មានកម្មករ និយោជិតចូលរួម ១៨,២៨៩នាក់។ លើកទី៣ កាលពីថ្ងៃ​ទី៩ ខែកញ្ញា ឆ្នាំ២០២៣ នៅក្នុងខេត្តកំពង់ស្ពឺ ដែលមានកម្មករ និយោជិតចូលរួម ១៨,២៦៥នាក់។ លើកទី៤ កាលពីថ្ងៃទី​១៩ ខែកញ្ញា ឆ្នាំ២០២៣ នៅស្រុកបាទី ខេត្តតាកែវកាលពីថ្ងៃទី១៩ ខែកញ្ញា ដែលមានកម្មករ និយោជិតចូលរួម ១៨,១០៤នាក់ និងលើកទី៥ កាលពីថ្ងៃទី០៣ ខែតុលា ឆ្នាំ២០២៣សម្ដេចបានជួបជាមួយកម្មករចំនួន១៨ ០៩៩នាក់ ដែលកម្មករទាំងនោះមកពីរោងចក្រខណ្ឌមានជ័យ និងខណ្ឌដង្កោ។

ជាការកត់សម្គាល់ ដំណើរចុះជួបជាមួយ​កម្មករ កម្មការនេះ សម្ដេចធិបតី ហ៊ុន ម៉ាណែត យកតម្រាប់តាម សម្ដេចតេជោ ហ៊ុន​ សែន​ អតីតនាយករដ្ឋមន្ត្រីកម្ពុជា ពីព្រោះកំឡុងពេលសម្ដេចតេជោ ហ៊ុន សែន ធ្វើជានាយករដ្ឋមន្ត្រីកម្ពុជា សម្ដេចតេជោ តែងតែចុះជួបជាមួយកម្មករ កម្មការនី និយោជិតរោងចក្រសហគ្រាស ក្នុងប្រទេសកម្ពុជា៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម