ព័ត៌មានជាតិ
លោក ហង់ ជួនណារ៉ុន អញ្ជើញជាអធិបតី ក្នុងពិធីប្រណាំងទូកង នាថ្ងៃបង្ហើយ នៅក្រុងកំពង់ចាម
(កំពង់ចាម)៖ បណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នៅរសៀលថ្ងៃទី ២៩ ខែតុលា ឆ្នាំ២០២៣ នេះ បានអញ្ជើញជាអធិបតី ក្នុងពិធី ប្រណាំងទូកង បណ្តែតប្រទីប តាំងពិព័រណ៌ និង អុជកាំជ្រួច ក្នុងក្រុងកំពង់ចាម ខេត្តកំពង់ចាម ដែលជាថៃ្ងផ្តាច់ព្រ័ត្រ សម្រាប់ពិធីនេះ។
ក្នុងឱកាសនោះ អភិបាលខេត្តកំពង់ចាម លោកអ៊ុន ចាន់ដា បានគូសបញ្ជាក់ថា ចំនួនទូកដែលបានចូលរួមប្រកួតរយៈពេល ២ ថ្ងៃ មានសរុប ៤៨ ទូក ក្នុងនោះទូក «ង» មានចំនួន ២០ ទូក និងទូកខ្នាតអន្តរជាតិមាន ២៨ ទូក។ លោកអភិបាលខេត្ត បានបញ្ជាក់ថា ទូកដែលទទួលជ័យលាភី គឺ ផែនលេខ ១ មាន៥ ទូក ទទួលបាន ពានរង្វាន់១ ទង់ជ័យលាភី១ និង ថវិកា ២លានរៀលក្នុង ១ទូក ។ ចំពោះផែនចំណាត់ថ្នាក់លេខ ២ ទទួលបាន ទង់ជ័យលាភី ១ និងប្រាក់ ១លាន ៥សែនរៀល ក្នុង១ទូក ។ រីឯផែនទូកចំណាត់ថ្នាក់លេខ ៣ ទទួលបានទង់ជ័យលាភី១ និងថវិកា ១លានរៀល ក្នុង ១ទូក ។
ជាមួយគ្នានេះ លោក ហង់ ជួនណារ៉ុន បានយកឱកាសនោះថ្លែង វាយតម្លៃខ្ពស់ចំពោះ លោកអភិបាល នៃគណៈអភិបាលខេត្តកំពង់ចាម និងអាជ្ញាធរពាក់ព័ន្ធទាំងអស់ ដែលបានរៀបចំព្រឹត្តិការណ៍ ប្រណាំងទូក «ង» បណ្តែតប្រទីប តាំងពិព័រណ៌ និង អុជកាំជ្រួច ដើម្បីបង្ករនូវ ក្តីសប្បាយរីករាយ ជូនដល់បងប្អូនប្រជាពលរដ្ឋ នៅក្នុងខេត្តកំពង់ចាម ក៏ដូចជាភ្ញៀវជាតិ និងអន្តរជាតិ មកពីទីជិតឆ្ងាយ ក្រោមម្លប់នៃសន្តិភាព។
ម្យ៉ាងទៀតការផ្ដួចផ្ដើម រៀបចំឲ្យមានពិធីនេះឡើង គឺពិតជាបានចូលរួមថែរក្សានូវវប្បធម៌ប្រពៃណី និងលើកស្ទួយវិស័យកីឡាអុំទូករបស់ដូនតាខ្មែរផងដែរ៕
អត្ថបទ និង រូបភាព ៖ ឡេក ចាន់ពេជ្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ