ព័ត៌មានជាតិ
វិស័យឯកជន រំពឹងថា ក្រោយការចូលរួមកម្មវិធីបណ្ដុះបណ្ដាល យុវជន ១លាន ៥សែននាក់ នឹងក្លាយជាកម្លាំងពលកម្មដ៏សកម្ម
តំណាងក្រុមការងារអង្គការវិជ្ជាជីវៈ នៃវិស័យឯកជន បង្ហាញក្ដីរំពឹងថា យុវជន ១លាន ៥សែននាក់ ក្រោយការចូលរួមកម្មវិធីបណ្ដុះបណ្ដាលជំនាញបច្ចេកទេស និងវិជ្ជាជីវៈ នឹងក្លាយជាកម្លាំងពលកម្មដ៏សកម្ម ប្រកបដោយជំនាញប្រសើរជាងមុន។ ការលើកឡើងនេះ បានធ្វើឡើងក្នុងវេទិការាជរដ្ឋាភិបាល និងផ្នែកឯកជនលើកទី ១៩ នៅព្រឹកថ្ងៃទី ១៣ ខែវិច្ឆិកា ឆ្នាំ ២០២៣នេះ ក្រោមអធិបតីភាពរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។
![](https://www.kampucheathmey.com/wp-content/uploads/2023/11/007.jpg)
ឧកញ៉ា ណាង សុធី តំណាងក្រុមការងារអង្គការវិជ្ជាជីវៈ មានប្រសាសន៍ថា វិស័យឯកជន ប្រកាសចូលរួម និងគាំទ្រនូវគោលនយោបាយអាទិភាពរបស់រាជរដ្ឋាភិបាល អាណត្តិទី ៧ ដែលបានដាក់ចេញនូវកម្មវិធីបណ្ដុះបណ្ដាលជំនាញបច្ចេកទេស និងវិជ្ជាជីវៈ ដល់យុវជនមកពីគ្រួសារក្រីក្រ និងងាយរងហានិភ័យ។ កម្មវិធីនេះ នឹងត្រូវប្រកាសជាផ្លូវការ នៅថ្ងៃទី ១៤ ខែវិច្ឆិកា ឆ្នាំ ២០២៣នេះ ក្រោមអធិបតីភាពរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។
![](https://www.kampucheathmey.com/wp-content/uploads/2023/11/03-10-1024x682.jpg)
ឧកញ៉ា ណាង សុធី មានប្រសាសន៍បន្តថា «វិស័យឯកជន រំពឹងថា យុវជន ១លាន ៥សែននាក់ នឹងក្លាយជាកម្លាំងពលកម្មដ៏សកម្ម ប្រកបដោយជំនាញប្រសើរជាងមុន ចូលរួមយ៉ាងពេញលេញជាមួយនយោជក ក្នុងការជំរុញផលិតភាព កាត់បន្ថយថ្លៃដើមផលិតកម្ម និងបង្កើននូវសុខដុមរមនីយកម្ម ក្នុងទំនាក់ទំនងវិជ្ជាជីវៈ ដែលយុវជនទាំងនោះ នឹងចេះធ្វើជាក្រុមស្រលាញ់វិជ្ជាជីវៈរបស់ខ្លួន និងមានឥរិយាបថ ជាពលរដ្ឋល្អ»។
តំណាងក្រុមការងារអង្គការវិជ្ជាជីវៈរូបនេះ បានបញ្ជាក់ទៀតថា វិស័យឯកជន គាំទ្ររាជរដ្ឋាភិបាល ក្នុងការលើកលក្ខខណ្ឌ និងបរិយាកាសការងារ ឲ្យកាន់តែប្រសើរ។ ម្យ៉ាងទៀត ក្នុងនាមផ្នែកឯកជន ពិតមានមោទនភាព ដែលបានចូលរួមជា មួយរាជរដ្ឋាភិបាល ក្នុងការអនុវត្តកម្មវិធីនយោបាយខាងលើនេះ ដែលជាជំហានទីមួយ គឺតាមរយៈការចុះអនុស្សារណៈ យោគយល់គ្នា ជាមួយក្រសួងការងារ និងបណ្ដុះបណ្ដាលវិជ្ជាជីវៈ ស្ដីពី កិច្ចសហប្រតិបត្តិការលើការហាត់ការ និងកម្មសិក្សា ដើម្បីគាំទ្រដល់ការបណ្ដុះបណ្ដាលជំនាញបច្ចេកទេស និងវិជ្ជាជីវៈ៕
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក