ព័ត៌មានជាតិ
ក្រសួងអប់រំ ប្រកាសឲ្យសិស្សានុសិស្សមកចុះឈ្មោះចូលរៀន ចាប់ពីថ្ងៃទី ១៥ វិច្ឆិកា នេះតទៅ
ក្រសួងអប់រំ យុវជន និងកីឡា បានប្រកាសឲ្យសិស្សានុសិស្សដែលមានអាយុ ៦ ឆ្នាំ មកចុះឈ្មោះចូលរៀនឲ្យបានគ្រប់ៗ គ្នា ចាប់ពីថ្ងៃទី ១៥ រហូតដល់ថ្ងៃទី ៣០ ខែវិច្ឆិកា ឆ្នាំ ២០២៣។
យោងតាមសេចក្ដីណែនាំស្ដីពីដំណើរការគ្រឹះស្ថានបឋមសិក្សាសាធារណៈ ឆ្នាំសិក្សា ២០២៣-២០២៤ ក្នុងក្របខណ្ឌស្តង់ដារសាលារៀនគំរូ ចុះថ្ងៃទី ១៤ វិច្ឆិកា បានណែនាំឲ្យសាលារៀនផ្សព្វផ្សាយ និងធ្វើយុទ្ធនាការប្រមូលកុមារចូលរៀនចាប់ពីអាយុ ៦ ឆ្នាំ ឬយ៉ាងតិច ៧០ ខែ (គិតត្រឹមថ្ងៃទី ១ ខែធ្នូ ឆ្នាំ ២០២៣) ដោយបែងចែកភារកិច្ចទទួលខុសត្រូវក្នុងការចងបដា និងពាក្យស្លោកនៅតាម ទីប្រជុំជនធ្វើការអំពាវនាវដល់មាតាបិតា ឬអ្នកអាណាព្យាបាល ឲ្យនាំកូនគ្រប់អាយុមកចុះឈ្មោះចូលរៀនបានគ្រប់ៗ គ្នា (ដោយភ្ជាប់មកជាមួយសំបុត្រកំណើត ឬសំបុត្របញ្ជាក់កំណើត ឬសៀវភៅ គ្រួសារ ឬ សៀវភៅស្នាក់នៅ ឬសំបុត្រពេទ្យ) ហើយទន្ទឹមនឹងនេះ ត្រូវសម្របសម្រួលឲ្យអស់លទ្ធភាព ដោយធ្វើយ៉ាងណាឲ្យកុមារចំណាកស្រុកបានចុះឈ្មោះចូលរៀនគ្រប់ៗគ្នា ព្រោះថាការចុះឈ្មោះចូលរៀន ត្រូវអនុវត្តចាប់ពីថ្ងៃទី ១៥ ដល់ថ្ងៃទី ៣០ ខែវិច្ឆិកា ឆ្នាំ ២០២៣។
ក្រសួង បានបន្តថា ការប្រារព្ធពិធីបើកបវេសនកាលជាផ្លូវការប្រារព្ធនៅថ្ងៃទី ១ ខែធ្នូ ឆ្នាំ ២០២៣ ដោយគ្រប់សាលារៀនត្រូវរៀបចំចងបដាពាក្យស្លោកអបអរសាទរថ្ងៃបើកបវេសនកាលឲ្យបានមុនថ្ងៃប្រារព្ធពិធី និងអញ្ជើញថ្នាក់ដឹកនាំ ឬមន្ត្រីក្រសួងអប់រំ យុវជន និងកីឡា មន្ទីរអប់រំ យុវជន និងកីឡារាជធានី ខេត្ត ការិយាល័យអប់រំ យុវជន និងកីឡា នៃរដ្ឋបាលក្រុង ស្រុក ខណ្ឌ អាជ្ញាធរដែនដី តំណាងសហគមន៍ មាតាបិតា ឬអ្នកអាណាព្យាបាល ចូលរួម។
ឆ្នាំសិក្សា ២០២៣-២០២៤ ត្រូវចាប់ផ្ដើមដំណើរការនៅថ្ងៃទី ១ ខែធ្នូ ឆ្នាំ ២០២៣ និងបញ្ចប់ទៅវិញ នៅថ្ងៃទី ៣០ ខែកញ្ញា ឆ្នាំ ២០២៤ តាមកាលបរិច្ឆេទដូចខាងក្រោម ដោយវិស្សមកាលតូច ចាប់ពីថ្ងៃទី ៦ ដល់ថ្ងៃទី ១៩ ខែមេសា ឆ្នាំ ២០២៤ និងមហាវិស្សមកាល ចាប់ពីថ្ងៃទី ១ ដល់ថ្ងៃទី ៣១ ខែតុលា ឆ្នាំ ២០២៤៕
អត្ថបទ ៖ សំអឿន
ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់
ក្រសួង ហាមមិនឱ្យលេងបាញ់ទឹក ជះទឹក លាបម្សៅ តាមសាលារៀនរដ្ឋ និងឯកជន
តំបន់ទេសចរណ៍ល្បី «បឹង Inle» នៅមីយ៉ាន់ម៉ា មានអ្នកស្លាប់កើនដល់៨៩នាក់ក្នុងគ្រោះរញ្ជួយដី
អ៊ីរ៉ង់ តម្រង់ក្បាលមីស៊ីលរបស់ខ្លួនទៅលើមេឃ ក្រោយ ត្រាំ គំរាមទម្លាក់គ្រាប់បែក
កសិដ្ឋានដាំមើមឈូកជប៉ុន មានសមត្ថភាពផ្គត់ផ្គង់ជាង១តោន ក្នុងមួយថ្ងៃ
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
តួលេខអ្នកស្លាប់នៅមីយ៉ាន់ម៉ា កើនឡើងជិត ៣ ០០០នាក់ហើយ ព្រោះគ្រោះរញ្ជួយដី
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី