បេក្ខជន ៣ ៣៨១ នាក់​ត្រូវបានទទួលស្គាល់ជាផ្លូវការ​ ចូលប្រឡងជ្រើសរើស មន្ត្រីសិកម្មឃុំ ២០២៣

ក្រសួងមុខងារសារធារណៈបានសម្រេចទទួលស្គាល់បេក្ខជន សម្រាប់ការប្រឡងជ្រើសរើស មន្ត្រីកសិកម្មឃុំ ឆ្នាំ ២០២៣ ដែលមានឈ្មោះបេក្ខជនចំនួន ៣ ៣៨១ នាក់។ ការប្រឡងនឹងរៀបចំធ្វើឡើង នៅថ្ងៃទី ១៧ ខែធ្នូ នៅសាកលវិទ្យាលភូមិន្ទភ្នំពេញ។

វិញ្ញាសាប្រឡងជ្រើសរើមន្ត្រីកសិកម្មឃុំ ​ត្រូវធ្វើភ្លាមប្រឡងភ្លាមក្នុងថ្ងៃតែមួយមាន ៣ វិញ្ញាសា រួមមាន៖ ជំនាញកសិកម្ម រយៈពេល ២ ម៉ោង វិញ្ញាសា​ភាសារអង់គ្លេស រយៈពេល ១ ម៉ោង ​និងវិញ្ញាសា​ពហុចម្លើយ ចំណេះដឹងទូទៅរយៈពេល១ ម៉ោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងាសាធារណៈ មានប្រសាសន៍ថា ​រាជរដ្ឋាភិបាល​យកមូល​ដ្ឋានអ្នកចេះជាប់ ដូចការប្រឡងបាក់ឌុបដែរ ខណៈយន្តការរៀប​ចំការប្រឡងធ្វើ​ឡើង​ដោយយុត្តិធម៌ និងតម្លាភាព ហើយអនុញ្ញាតឱ្យភាគពាក់ព័ន្ធចូលរួមតាមដានដំណើរការប្រឡង និងកែវិញ្ញាសារ។

បេក្ខជនចូលរួមប្រឡងធ្វើជាមន្រ្តីកសិកម្មឃុំសង្កាត់នៅថ្ងៃទី ១៧ ធ្នូ ២០២៣ សរុប​មានចំនួន ៣ ៣៨១ នាក់ សម្រាប់ការជ្រើសរើស ២៥០ នាក់។ នៅដើមឆ្នាំ ២០២៤ ក្រសួងកសិកម្ម រុក្ខាប្រមាញ់នឹងជ្រើសរើសបន្ថែម ៨០០ នាក់ទៀត និង ឆ្នាំ ២០២៥ ថែម ៥៥០ នាក់ឲ្យគ្រប់ ១ ៦០០ នាក់៕

អត្ថបទ៖ ឡេង ដេត