ព័ត៌មានជាតិ

ស្ថានទូតជួយពលករខ្មែរចំនួន១១នាក់ និងទារកម្នាក់ផង ពីប្រទេសម៉ាឡេស៊ី

បានផុស

៥ years មុន

នៅ

ថ្ងៃសៅរ៍ ១៣ កុម្ភៈ ២០២១

ដោយ

លោក កុយ គួង រដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា បានឲ្យដឹងនារសៀលថ្ងៃទី១៣ ខែកុម្ភៈ ឆ្នាំ២០២១មុននេះបន្តិចថា ពលករ ពលការិនីខ្មែរចំនួន១១នាក់ ដែលចេញធ្វើការខុសច្បាប់នៅម៉ាឡេស៊ី នឹងមកដល់កម្ពុជាវិញ នៅល្ងាចនេះ ក្រោយពីមានការសម្របសម្រួលពីស្ថានទូត។

លោក កុយ គួង បញ្ជាក់យ៉ាងនេះថា “ដោយមានកិច្ចអន្តរាគមន៍របស់ស្ថានទូតកម្ពុជាប្រចាំប្រទេសម៉ាឡេស៊ី ពលករ ពលការិនីខ្មែរចំនួន១១នាក់ និងទារិកាម្នាក់ ដែលបានមកធ្វើការដោយខុសច្បាប់នៅប្រទេសម៉ាឡេស៊ី នឹងទៅដល់អាកាសយានដ្ឋានអន្តរជាតិភ្នំពេញ តាមជើងយន្តហោះលេខSQ5008 នៅថ្ងៃទី១៣ ខែកុម្ភៈ ឆ្នាំ២០២១ វេលាម៉ោង៥ និង៣៥នាទីល្ងាច “។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក កុយ គួង ពលករ ពលការិនីខ្មែរទាំងនោះ ត្រូវបានមន្ត្រីស្ថានទូតបានជួយសម្របសម្រួលឯកសារ នាំទៅអគ្គនាយកដ្ឋានអន្តោប្រវេសន៍ម៉ាឡេស៊ី និងជូនទៅធ្វើតេស្តកូវីដ-១៩ ព្រមទាំងជូនទៅអាកាសយានដ្ឋានអន្តរជាតិ KLIA ផងដែរ។

សូមបញ្ជាក់ថា កាលពីថ្ងៃទី០៦ ខែកុម្ភៈ ឆ្នាំ២០២១ ស្ថានទូតកម្ពុជាប្រចាំប្រទេសម៉ាឡេស៊ី ក៏បានជួយអន្តរាគមន៍ឱ្យពលករពលការិនីខុសច្បាប់ចំនួន១៨នាក់ បានវិលត្រឡប់ទៅកម្ពុជាវិញផងដែរ ហើយពួកគេបានមកដល់អាកាសយានដ្ឋានអន្តរជាតិភ្នំពេញ តាមជើងយន្តហោះលេខSQ5008 នៅថ្ងៃទី០៦ ខែកុម្ភៈ ឆ្នាំ២០២១ វេលាម៉ោង៥ និង៣៥នាទីល្ងាចហើយការវិលត្រឡប់របស់ពលករ ពលការិនីខ្មែរខាងលើ គឺធ្វើឡើងតាមរយៈកម្មវិធី Undocumented Migrant Recalibration Plan របស់អគ្គនាយកដ្ឋានអន្តោប្រវេសន៍ម៉ាឡេស៊ី។

ជាមួយគ្នានោះ ស្ថានទូតកម្ពុជាប្រចាំប្រទេសម៉ាឡេស៊ី បានអំពាវនាវឲ្យប្រជាពលរដ្ឋ បញ្ឈប់ការធ្វើចំណាកស្រុកដោយខុសច្បាប់ផងដែរ៕

ដោយ ៖ កោះកែវ

Related Topics:ស្ថានទូតកម្ពុជាប្រចាំប្រទេសម៉ាឡេស៊ី

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា