ក្រសួងអប់រំ ត្រៀមរៀបចំប្រារព្ធ ទិវាជាតិអំណានលើកទី៩

បណ្ឌិតសភាចារ្យ ហង់ជួន ណារ៉ុនឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា​ នារសៀលថ្ងៃទី១៥ ខែមករា ឆ្នាំ២០២៤ បានដឹកនាំកិច្ចប្រជុំស្តីពី ការត្រៀមរៀបចំប្រារព្ធទិវាជាតិអំណានលើកទី៩ ដែលគ្រោងនឹងប្រព្រឹត្តទៅនាថ្ងៃទី១១ ខែមីនា ឆ្នាំ២០២៤ ដោយមានការចូលរួមពីតំណាងដៃគូអភិវឌ្ឍ និងមន្ត្រីពាក់ព័ន្ធក្រោមឱវាទក្រសួង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះពិភាក្សាផ្ដោតសំខាន់លើ លំដាប់លំដោយ នៃការប្រព្រឹត្តទៅ នៃទិវាអំណានទាំងមូល ពិសេសការកំណត់យកប្រធានបទ និងពាក្យស្លោកប្រចាំទិវាជាតិអំណានលើកទី៩ ការរៀបចំក្រុមការងារគាំទ្រកម្មវិធីវាគ្មិន និងភ្ញៀវកិត្តិយសក្នុងកម្មវិធីជាដើម។

គួរបញ្ជាក់ថា ទិវាជាតិអំណានត្រូវបានប្រារព្ធឡើងជារៀងរាល់ឆ្នាំ នៅថ្ងៃទី១១ ខែមីនា ដើម្បីបណ្ដុះទម្លាប់អាន និងសរសេរជំរុញវប្បធម៌អាន លើកកម្ពស់សមត្ថភាពអាន ស្មូតកំណាព្យ និងការតែងនិពន្ធ សំដៅរួមចំណែកការពារ និងពង្រឹងវប្បធម៌អរិយធម៌ខ្មែរ ដល់សិស្សនិស្សិតមន្ត្រីរាជការប្រជាជនគ្រប់រូប ក្នុងប្រទេសកម្ពុជាឈានទៅសម្រេចគោលដៅអភិវឌ្ឍប្រកបដោយចីរភាព ដែលធានាគុណភាពអប់រំប្រកបដោយសមធម៌បរិយាបន្ន និងលើកកម្ពស់ការសិក្សាពេញមួយជីវិតសម្រាប់ទាំងអស់គ្នា៕