ព័ត៌មានជាតិ
នាយកវិទ្យាស្ថានបច្ចេកទេសឧស្សាហកម្ម អំពាវនាវដល់យុវជនមកចុះឈ្មោះចូលរៀនជំនាញវិជ្ជាជីវៈឱ្យបានគ្រប់ៗ គ្នា
លោក ជិន តារ៉ា នាយកវិទ្យាស្ថានបច្ចេកទេសឧស្សាហកម្ម នៃក្រសួងការងារ និងបណ្ដុះបណ្ដាលវិជ្ជាជីវៈ អំពាវនាវដល់យុវជនដែលមិនបានចុះឈ្មោះ មកចុះឈ្មោះចូលរៀនជំនាញវិជ្ជាជីវៈ ឱ្យបានគ្រប់ៗ គ្នា ស្របពេលការបណ្ដុះបណ្ដាលជំនាញវិជ្ជាជីវៈ និងបច្ចេកទេសវគ្គទី ១ កំពុងដំណើរការទៅយ៉ាងរលូន។
លោក ជិន តារ៉ា បន្ថែមថា សម្រាប់វិទ្យាស្ថាន នៅតែបន្តទទួលពាក្យយុវជនមកចុះឈ្មោះចូលរៀនជំនាញវិជ្ជាជីវៈដដែល បើទោះបីការបណ្ដុះបណ្ដាលជំនាញវិជ្ជាជីវៈវគ្គទី ១ កំពុងដំណើរការក៏ដោយ។ សម្រាប់យុវជនដែលមកពីគ្រួសារក្រីក្រ និងគ្រួសារងាយរងហានិភ័យ នៅតែបន្តអាចមកចុះឈ្មោះចូលរៀន និងទទួលបានប្រាក់ឧបត្ថម្ភដដែល។
បើតាម នាយកសាលា រូបនេះ បានឲ្យដឹងថា «បើតាមការអង្កេតរបស់សាលាផ្ទាល់ មើលឃើញថា ចាប់តាំងពីថ្ងៃបើកបវេសនកាលជាផ្លូវការមក សិស្សរបស់យើងបានមករៀនគ្រប់ៗ គ្នា សិស្សានុសិស្សរបស់យើងដើរចូលសាលាដោយភាពរីករាយ ស្នាមញញឹម ពួកគាត់ពេញចិត្តនឹងការទទួលយកចំណេះជំនាញបណ្ដុះបណ្ដាលវិជ្ជាជីវៈនេះ ជារួមគាត់ចង់ចេះ ចង់ដឹង»។
លោកបន្ថែមថា សម្រាប់វិទ្យាស្ថាន ការអនុវត្តផ្ទាល់ក្នុងរោងជាង គឺជាវិធីសាស្ត្រក្នុងការបង្រៀនដ៏សំខាន់មួយ បន្ទាប់ពីការសិក្សាទ្រឹស្ដីក្នុងថ្នាក់។ មកទល់ពេលនេះ មានសិស្សដែលចូលរោងជាងអនុវត្តផ្ទាល់រួចហើយ សិក្ខាកាមមានការពេញចិត្ត និងសហការជាមួយគ្រូបង្រៀនរបស់ពួកគេបានយ៉ាងល្អ។ តាមរយៈការយកចិត្តទុកដាក់រៀនសូត្ររបស់យុវជននេះ លោកសង្ឃឹមថា ការបណ្ដុះបណ្ដាលជំនាញវិជ្ជាជីវៈរបស់ពួកគេ នឹងទទួលបានលទ្ធផលល្អ មានសមត្ថភាព បន្ទាប់ពីរៀនចប់រយៈពេល ៤ ខែ ខាងមុខ។
គួរបញ្ជាក់ផងដែរថា កម្មវិធីបណ្ដុះបណ្ដាលថ្នាក់ជាតិស្ដីពីការបណ្ដុះបណ្ដាលជំនាញវិជ្ជាជីវៈ និងបច្ចេកទេស ១,៥ លាននាក់ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ដែលបើកជាផ្លូវការ កាលពីខែវិច្ឆិកា ឆ្នាំ ២០២៣ នោះ បានបោះជំហានមួយដំណាក់កាលទៀតហើយ ពោលគឺកាលពីថ្ងៃទី ១៥ ខែមករា ឆ្នាំ ២០២៤ កន្លងទៅថ្មីៗនេះ ក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសបើកបវេសនកាលការបណ្ដុះបណ្ដាលជំនាញវិជ្ជាជីវៈវគ្គដំបូងមានយុវជនចំនួន ១៥ ០០០ នាក់ ក្នុងនោះមាន ៥០០ ថ្នាក់បណ្ដុះបណ្ដាល នៅទូទាំងប្រទេស៕
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ