ព័ត៌មានបឋម៖ មន្ត្រីជំនាញឃាត់រថយន្តកុងតឺន័រ ៤គ្រឿង សង្ស័យដឹកសាច់បង្កកពីវៀតណាម

រថយន្តកុងតឺន័រចំនួន ៤គ្រឿង ត្រូវបានមន្ត្រីជំនាញ ក.ប.ប សហការជាមួយកងរាជអាវុធហត្ថខេត្តស្វាយរៀង និងក្រោមការសម្របសម្រួលពីលោក ខាំ ផារី ព្រះរាជអាជ្ញាអមសាលាដំបូងខេត្តស្វាយរៀង ធ្វើការឃាត់ទុក ដោយសង្ស័យថា រថយន្តនោះដឹកសាច់បង្កក មកពីប្រទេសវៀតណាម។

ចំពោះករណីឃាត់រថយន្តកុងតឺន័រចំនួន ៤គ្រឿងខាងលើនេះ ធ្វើនៅវេលាម៉ោង៦ល្ងាច នៅថ្ងៃទី៣១ ខែមករា ឆ្នាំ២០២៤ នៅលើផ្លូវជាតិលេខ១៣ ស្ថិតក្នុងភូមិអកនាគ សង្កាត់សង្ឃ័រ ក្រុងស្វាយរៀង។

ទាក់ទិនរថយន្តកុងតឺន័រចំនួន ៤គ្រឿងខាងលើនេះ មន្ត្រីជំនាញកំពុងសួរនាំរកឯកសារ ហើយរហូតមកដល់ពេលនេះ សមត្ថកិច្ចជំនាញពុំទាន់បានឆែករថយន្តនៅឡើយទេ៕

អត្ថបទដោយ៖ ភក្ដី