ព័ត៌មានជាតិ
មន្ត្រី២រូប ត្រូវបានចាត់តាំងជាអ្នកនាំពាក្យថ្មីរបស់ក្រសួងការបរទេសកម្ពុជា
ក្រសួងការបរទេសកម្ពុជា បានសម្រេចចាត់តាំងសមាសភាពមន្ត្រីចំនួន២រូប ឱ្យធ្វើជាអ្នកនាំពាក្យរបស់ក្រសួង ក្រោយអ្នកនាំពាក្យចាស់ ត្រូវបានផ្លាស់ប្ដូរតួនាទីថ្មី។
លោក អាន សុខខឿន ដែលជាអតីតអនុរដ្ឋលេខាធិការ និងជាអ្នកនាំពាក្យក្រសួងការបរទេស ត្រូវបានព្រះមហាក្សត្រនៃកម្ពុជា ត្រាស់បង្គាប់ផ្ទេរឱ្យទៅបំពេញការងារនៅទីស្ដីការគណៈរដ្ឋមន្ត្រី ក្នុងតំណែងជារដ្ឋលេខាធិការ។ ក្រោយការផ្លាស់ប្ដូរនេះ ក្រសួងការបរទេសកម្ពុជា តាមរយៈសេចក្ដីជូនដំណឹង នាថ្ងៃទី៦ ខែកុម្ភៈ ឆ្នាំ២០២៤ បានសម្រេចចាត់តាំងលោក ជុំ សុន្ទរី ដែលជារដ្ឋលេខាធិការ ឱ្យធ្វើជាអ្នកនាំពាក្យថ្មី និងលោក ហុក សុភា ជាអ្នកនាំពាក្យរង។
មែនទែនទៅ លោក ជុំ សុន្ទរី ធ្លាប់ធ្វើជាអ្នកនាំពាក្យក្រសួងការបរទេស តាំងពីអាណត្តិរបស់លោក ប្រាក់ សុខុន ធ្វើជារដ្ឋមន្ត្រីមកម្លេះ ពោល គឺមុនលោក អាន សុខខឿន មកធ្វើជាអ្នកនាំពាក្យ។ បើតាមប្រវត្តិ លោក ជុំ សុន្ទរី ចូលបម្រើការនៅក្រសួងការបរទេស តាំងពីឆ្នាំ១៩៨០ ជាមន្ត្រីនៃនាយកដ្ឋានព័ត៌មាន ហើយលោក ធ្លាប់ចេញទៅបំពេញបេសកកម្មការទូតនៅប្រទេសជាច្រើន ក្នុងតួនាទីជាឯកអគ្គរាជទូតកម្ពុជាប្រចាំនៅប្រទេសរុស្ស៊ី អូស្ត្រាលី និងជាទូតនៅអាមេរិក ជាដើម។
ដោយឡែក លោក ហុក សុភា ដែលជាអ្នកនាំពាក្យរង គឺជាអតីតឯកអគ្គរាជទូតកម្ពុជាប្រចាំនៅប្រទេសព្រុយណេ ដែលបានចប់អាណត្តិការទូត កាលពីអំឡុងឆ្នាំ២០២២៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ