ព័ត៌មានជាតិ
គ្រាន់តែទាស់សម្តីតិចតួចទាញពូថៅកាប់ទៅលើជនរងគ្រោះរបួសធ្ងន់២កន្លែង ត្រូវសមត្ថកិច្ចឃាត់ខ្លួនភ្លាមៗ
បាត់ដំបង ៖ ដោយសារតែចិត្តឆេវឆាវមិនចេះអធ្យាស្រ័យឲ្យគ្នាគ្រាន់តែប៉ះសម្តីតិចតួចជនដៃដល់ម្នាក់បានទាញពូថៅកាប់ទៅលើជនរងគ្រោះទាំងកំរោល បណ្តាលឲ្យជនរងគ្រោះរងរបួស២កន្លែងធ្ងន់ធ្ងរ ខណៈអ្នកជិតខាងនិងក្រុមគ្រួសារបាននាំគ្នាជួយគេចផុតពីសេចក្តីស្លាប់នេះបើតាមការលើកឡើងពីប្រភពអ្នកជិតខាង។
សមត្ថកិច្ចបានឲ្យដឹងថា នៅយប់ថ្ងៃទី១៥ ខែកុម្ភៈ ឆ្នាំ២០២១ វេលាម៉ោង៧និង០០នាទីនៅចំណុចក្រុមទី១០ ភូមិទួល ឃុំរូងជ្រៃ ស្រុកថ្មគោល ខេត្តបាត់ដំបង មានករណីបទហិង្សាដោយចេតនាមានអាវុធ(ពូថៅ)មួយកើតឡើងបង្កដោយជនសង្ស័យឈ្មោះគី មនោរម្យ ហៅ(គួយ) ភេទប្រុស អាយុ២៨ឆ្នាំ រស់នៅភូមិទួល ឃុំរូងជ្រៃ ស្រុកថ្មគោល ខេត្តបាត់ដំបង។
ដោយជនសង្ស័យរូបនេះបានទាញយកពូថៅកាប់មកលើជនរងគ្រោះឈ្មោះយ៉ុម សំណើម ភេទប្រុស អាយុ៣៨ឆ្នាំ រស់នៅភូមិឃុំជាមួយគ្នា បណ្ដាលឲ្យរងរបួសត្រូវពោះ០១កន្លែងនឹងខ្នង០១កន្លែងយ៉ាងធ្ងន់ធ្ងរព្រោះតែទាស់សម្តីគ្នា។
សមត្ថកិច្ចបន្តថា ក្រោយពីជនដៃដល់កាប់ទៅលើជនរងគ្រោះអ្នកជិតខាងនិងក្រុមគ្រួសារបានជួយទាន់ពេលហើយភ្លាមៗនោះ ក្រុមគ្រួសារក៏បានបញ្ជូនជនរងគ្រោះទៅមន្ទីរពេទ្យបង្អែកស្រុកថ្មគោលដើម្បីសង្គ្រោះបន្ទាន់ផងដែរ។ ចំណែកជនសង្ស័យក៏ត្រូវបានសមត្ថកិច្ចឃាត់ខ្លួនភ្លាមៗជាមួយនឹងវត្ថុតាង(ពូថៅ)១ផង ហើយបច្ចុប្បន្នសមត្ថកិច្ចកំពុងកសាងសំណុំរឿងដើម្បីចាត់ការតាមនីតិវិធី៕
ដោយ ៖ សៅ សារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត