Connect with us

ព័ត៌មានជាតិ

អនុស្សរណៈចំនួន៤ បានចុះហត្ថលេខាក្នុងវេទិការដ្ឋាភិបាលឌីជីថល

បានផុស

នៅ

នៅព្រឹកថ្ងៃទី១១ ខែមីនា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញប្រកាសបើកជាផ្លូវការវេទិការដ្ឋាភិបាលឌីជីថល លើកទី១ ឆ្នាំ២០២៤​​ ដែលរៀបចំឡើងដោយក្រសួងប្រៃសណីយ៍។ ក្នុងពិធីបើកនេះ មានការផ្លាស់ប្ដូរលើអនុស្សរណៈនៃការយោគយល់ចំនួន៤ រវាងក្រសួងប្រៃសណីយ៍កម្ពុជា និងប្រទេសជាដៃគូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុស្សរណៈនៃការយោគយល់ចំនួន៤ នេះ រួមមាន៖ ១) អនុស្សរណៈនៃការយោគយល់រវាងក្រសួងប្រៃសណីយ៍ និងទូរគមនាគមន៍កម្ពុជា និងក្រសួងបច្ចេកវិទ្យា និងទូរគមនាគមន៍ឡាវ។ ២) អនុស្សរណៈនៃការយោគយល់រវាងក្រសួងប្រៃសណីយ៍ និងទូរគមនាគមន៍កម្ពុជានិងកម្មវិធីអភិវឌ្ឍន៍អង្គការសហប្រជាជាតិប្រចាំកម្ពុជា។ ៣) អនុស្សរណៈនៃការយោគយល់រវាងក្រសួងប្រៃសណីយ៍ និងទូរគមនាគមន៍កម្ពុជា និងក្រសួងមហាផ្ទៃ និងសន្តិសុខកូរ៉េខាងត្បូង។ ៤) អនុស្សរណៈនៃការយោគយល់រវាងក្រសួងប្រៃសណីយ៍ និងទូរគមនាគមន៍កម្ពុជា និងទីភ្នាក់ងារជាតិសង្គមព័ត៌មានកូរ៉េខាងត្បូង។

អញ្ជើញជាអធិបតីពិធីបើកវេទិការដ្ឋាភិបាលឌីជីថល លើកទី១នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានផ្ដល់ជាធាតុចូលបន្ថែមដល់កិច្ចពិភាក្សានៅក្នុងវេទិកានេះ ដោយសម្ដេចបានស្នើឱ្យវេទិកាយកចិត្តទុកដាក់ចំណុចជាគន្លឹះមួយចំនួន ជាអាទិ៍ ការឆ្លើយតប និងការវិវត្តយ៉ាងឆាប់រហ័សនៃបច្ចេកវិទ្យាឌីជីថលថ្មីៗ ជាពិសេសបច្ចេកវិទ្យាបញ្ញាសិប្បនិម្មិត (AI) ការសម្រួចបន្ថែមលើគោលនយោបាយពាក់ព័ន្ធនឹងការអនុវត្តកម្មវិធីបដិវត្តកម្មរដ្ឋបាលឌីជីថល ដោយប្រើប្រាស់អភិក្រម «រដ្ឋបាលទាំងមូល» និងសុខដុមនីយកម្មលើគោលនយោបាយ បទបញ្ញត្តិ ស្ដង់ដារ រវាងប្រទេសក្នុងតំបន់ ដើម្បីជួយសម្រួលដល់ការធ្វើពាណិជ្ជកម្ម និងសេវាឌីជីថល ក៏ដូចជាពង្រីកនូវការចែករំលែកចំណេះដឹង និងបទពិសោធ។

សម្ដេចធិបតី ក៏បានណែនាំឱ្យវេទិកានេះ ពិភាក្សាលើការកំណត់ចលករគន្លឹះ ជំរុញការកសាងមូលធនមនុស្ស ឌីជីថល និងវិធីសាស្រ្តជំរុញសន្ទុះនៃការចាប់យក និងប្រើប្រាស់បច្ចេកវិទ្យាឌីជីថលរបស់ប្រជាពលរដ្ឋ និងការពង្រឹងយន្តការតំបន់ ដើម្បីឆ្លើយតបនឹងសន្តិសុខសាយប័រ និងបទល្មើសតាមបច្ចេកវិទ្យា ជាអាទិ៍ ឆបោកតាមប្រព័ន្ធអនឡាញ និងព័ត៌មានក្លែងក្លាយផងដែរ។

គួរជម្រាបថា វេទិការដ្ឋាភិបាលឌីជីថល លើកទី១ ឆ្នាំ២០២៤នេះ បានរៀបចំដោយក្រសួងប្រៃសនីយ៍ និងទូរគមនាគមន៍ នៅមជ្ឈមណ្ឌលសន្និបាត និងពិព័រណ៍កោះពេជ្រ។ នៅក្នុងវេទិកានេះ មានការរៀបចំកិច្ចពិភាក្សា និងការចែករំលែកអំពីប្រធានបទសំខាន់ៗពីវាគ្មិនជាតិ និងអន្តរជាតិ ពាក់ព័ន្ធទិដ្ឋភាព​គោល​នយោ​​បាយ និន្នាការនៃការរីកចម្រើនបច្ចេកវិទ្យា ឌីជីថល ការផ្លាស់ប្ដូរបទពិសោធ និងឧត្តមានុវត្ត​នៃការជំរុញ​ល្បឿនបរិវត្តកម្មឌីជីថល និងការប្រើប្រាស់បច្ចេកវិទ្យាថ្មីៗ រួមទាំងមានការតាំងពិព័រណ៍ឌីជីថល ដែលមានការតាំងពិព័រណ៍ពីបច្ចេកវិទ្យាឌីជីថល ផលិតផល និង​ដំណោះ​ស្រាយបម្រើឱ្យរដ្ឋាភិបាលឌីជីថល​ ដែលមានការចូលរួមពីក្រសួងស្ថាប័ន និងក្រុមហ៊ុនជាតិ និងអន្តរ​ជាតិ​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម