ព័ត៌មានជាតិ

រដ្ឋាភិបាលអូស្ត្រាលី នឹងផ្តល់ថវិកា២លានដុល្លារ ដល់សាលាក្តីខ្មែរក្រហម

បានផុស

៥ years មុន

នៅ

ថ្ងៃសុក្រ ១៩ កុម្ភៈ ២០២១

ដោយ

អូស្ត្រាលីនឹងផ្តល់ថវិការហូតដល់២លានដុល្លារអូស្ត្រាលី ក្នុងរយៈពេល២ឆ្នាំខាងមុខ តាមរយៈអង្គការសហប្រជាជាតិ ដើម្បីជួយបញ្ចប់ដំណើរការនីតិវិធីច្បាប់របស់សាលាក្តីខ្មែរក្រហម និង ដើម្បីគាំទ្រដល់បណ្ណសារ និងយន្តការផ្សព្វផ្សាយរបស់សហគមន៍ នេះបើតាមការបញ្ជាក់ពីស្ថានទូតអូស្ត្រាលីប្រចាំកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានទូតអូស្ត្រាលីបានបញ្ជាក់នៅថ្ងៃទី១៩ ខែកុម្ភៈ ឆ្នាំ២០២១នេះថា ការផ្តល់ថវិកានាពេលនេះ ធ្វើឡើងដោយផ្អែកលើការបរិច្ចាគមុនៗចំនួនជាង៤០ លានដុល្លារអូស្ត្រាលី ដល់សាលាក្តី ចាប់តាំងពីឆ្នាំ២០០៥មក ដែលធ្វើឲ្យប្រទេសអូស្ត្រាលីក្លាយជាម្ចាស់ជំនួយអន្តរជាតិធំជាងគេលំដាប់លេខបី។ ការគាំទ្ររបស់អូស្ត្រាលីចំពោះសាលាក្តីខ្មែរក្រហម ឆ្លុះបញ្ចាំងពីការប្តេជ្ញាចិត្តដ៏មុតមាំរបស់អូស្ត្រាលីលើយុត្តិធម៌ព្រហ្មទណ្ឌអន្តរជាតិ និងភាពជឿជាក់របស់អូស្ត្រាលីថា តាមរយៈការយល់ដឹង និងការទទួលខុសត្រូវលើអំពើដ៏អាក្រក់ពីអតីតកាល អាចធ្វើការជាមួយប្រទេសកម្ពុជា និងក្នុងតំបន់ ដើម្បីធានាថា រឿងទាំងនេះនឹងមិនកើតមានម្តងទៀតឡើយ។

សូមបញ្ជាក់ថា ប្រជាជនកម្ពុជាប្រមាណ៨៣០០០នាក់ បានចូលរួមស្តាប់សវនាការក្នុងអំឡុងពេលជំនុំជម្រះរបស់សាលាក្តី ដែលមេដឹកនាំជាន់ខ្ពស់ខ្មែរក្រហមពីរនាក់ ត្រូវបានកាត់ទោសពីបទប្រល័យពូជសាសន៍ និងឧក្រិដ្ឋកម្មប្រឆាំងនឹងមនុស្សជាតិ៕

ដោយ ៖ កោះកែវ