Connect with us

ព័ត៌មានជាតិ

រដ្ឋបាលខេត្តសៀមរាប បើកយុទ្ធនាការតេស្តរក សារធាតុញៀនលើមន្ត្រីរាជការរបស់ខ្លួន

បានផុស

នៅ

នៅថ្ងៃទី២១ ខែមីនា ឆ្នាំ២០២៤ រដ្ឋបាលខេត្តសៀមរាប បានសហការជាមួយការិយាល័យនគរបាលប្រយុទ្ធប្រឆាំងគ្រឿងញៀន នៃស្នងការនគរបាលខេត្ត បានរៀបចំធ្វើតេស្តទឹកនោមរកសារធាតុញៀនលើមន្ត្រីរាជការ មន្ត្រីកិច្ចសន្យា និងមន្ត្រីស្ម័គ្រចិត្ត ព្រមទាំងអ្នកអនាម័យ ដែលបម្រើការងារនៅក្នុងរដ្ឋបាលខេត្តសៀមរាបចំនួន៣៣៩នាក់។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក លី វណ្ណៈ នាយករដ្ឋបាលសាលាខេត្ត ការចាប់ផ្ដើមធ្វើតេស្តរកសារធាតុញៀនេះ គឺដោយអនុវត្តតាមបទបញ្ជារបស់រាជរដ្ឋាភិបាលកម្ពុជា ស្តីពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ។ លោក លើកឡើងថា រដ្ឋបាលខេត្តសៀមរាប បានសហការជាមួយការិយាល័យនគរបាលប្រយុទ្ធប្រឆាំងគ្រឿងញៀន នៃស្នងការនគរបាលខេត្ត រៀបចំធ្វើតេស្តដល់មន្ត្រីរាជការ និងមន្ត្រីជាប់កិច្ចសន្យា ដើម្បីចូលរួមចំណែកធានាប្រសិទ្ធភាព នៃការអនុវត្តយុទ្ធនាការប្រឆាំងគ្រឿងញៀនខុសច្បាប់ លើកទី៩ ដែលជាអាទិភាពនយោបាយរបស់រាជរដ្ឋាភិបាល ក៏ដូចជាការលើកកម្ពស់ជំនឿទុកចិត្ត ប្រសិទ្ធភាពការងារ និងអភិបាលកិច្ចល្អ នៅក្នុងស្ថាប័ន មន្ទីរ អង្គភាពជុំវិញខេត្ត។ 

មន្ត្រី និងបុគ្គលិក ដែលបម្រើការងារនៅសាលាខេត្តសៀមរាប មានចំនួនសរុប ៣៣៩នាក់ (ស្រី ១២០នាក់) ក្នុងនោះមានក្រុប្រឹក្សាខេត្ត ២៧នាក់ (ស្រី ៣នាក់), ការិយាល័យប្រជាពលរដ្ឋ ២នាក់ (ស្រី ១នាក់), មន្ត្រីក្របខណ្ឌ ១៧៥នាក់ (ស្រី ៤៣នាក់) ដោយមានមន្ត្រីសាលាខេត្ត ១៥៩នាក់ (ស្រី ៤១នាក់) មន្ត្រីក្របខណ្ឌជួរក្រោយចំនួន ១៦នាក់ (ស្រី ២នាក់), រួមទាំងមន្ត្រីកិច្ចសន្យាចំនួន ៨១នាក់ (ស្រី ៤៣នាក់) មន្ត្រីស្ម័ត្រចិត្តចំនួន ៣៤នាក់ (ស្រី ១៦នាក់) និងអ្នកអនាម័យចំនួន ២០នាក់ (ស្រី ១៣នាក់)។

លោក ប្រាក់ សោភ័ណ អភិបាលខេត្តសៀមរាប បានបញ្ជាក់ថា ការធ្វើតេស្តរកធាតុញៀនលើមន្ត្រីរាជការនៃអង្គភាពសាលាខេត្តនេះ គឺដើម្បីចូលរួមចំណែកធានាប្រសិទ្ធភាពនៃការអនុវត្តយុទ្ធនាការប្រឆាំងគ្រឿងញៀនខុសច្បាប់ លើកទី៩ ដែលជាអាទិភាពនយោបាយដ៏សំខាន់របស់រាជរដ្ឋាភិបាល ក៏ដូចជាការលើកកម្ពស់ជំនឿទុកចិត្ត ប្រសិទ្ធភាពការងារ និង អភិបាលកិច្ចល្អ នៅក្នុងស្ថាប័នរដ្ឋទាំងថ្នាក់ជាតិ ថ្នាក់ក្រោមជាតិ ព្រមទាំងក្នុងជួរកងកម្លាំងប្រដាប់អាវុធ និងមន្ត្រីរាជការស៊ីវិល។ 

លោកបានឱ្យដឹងទៀតថា នេះជាជំហានដំបូងរបស់រដ្ឋបាលខេត្ត ដែលបានទទួលឧបករណ៍សម្រាប់ធ្វើតេស្តដល់ថ្នាក់ដឹកនាំ មន្ត្រី បុគ្គិលសាលាខេត្តសៀមរាប។ ដូច្នេះ រដ្ឋបាលខេត្ត នឹងបន្តបើកយុទ្ធនាការធ្វើតេស្តរកសារធាតុញៀន ទៅលើមន្ត្រីរាជការ មន្ទីរអង្គភាពជុំវិញខេត្ត រដ្ឋបាលក្រុង ស្រុក ឃុំ សង្កាត់ និងសមាជិកភូមិ និងឈានទៅដល់ការធ្វើតេស្តក្រុមគ្រូបង្រៀន និងក្រុមគ្រូពេទ្យទៀតផង។

គូសបញ្ជាក់ដែរថា ក្នុងចំណោមមន្ត្រីទាំង៣៣៩នាក់ ដែលបានចូលរួមធ្វើតេស្ត មានចំនួន២៩៤ នាក់ ស្រី ១១៣នាក់ និងមិនបានចូលរួមចំនួន ៤៥នាក់ ស្រី ៧នាក់ ដោយបានសុំច្បាប់ ២៦នាក់, ជាប់បេសកកម្ម ១៧នាក់, លាឈប់ ១នាក់ និងទំនាក់ទំនងមិនបាន ១នាក់។ ជាលទ្ធផល មន្ត្រីដែលបានធ្វើតេស្ត សុទ្ធតែអវិជ្ជមានទាំងអស់៕                                                                               

 អត្ថបទ៖ គឿន វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ នាទី មុន

សមាជិកណាតូ ៦ប្រទេសនៅជាប់រុស្ស៊ី កសាង “ជញ្ជាំងយន្តហោះគ្មានមនុស្សបើក” ទប់ទល់ជាមួយ ពូទីន

សន្តិសុខសង្គម១៩ នាទី មុន

ស្នងការ​នគរបាល​ខេត្តកោះកុង អះអាង​ពីការ​​ក្តាប់​បាន​មុខសញ្ញាក្មេងទំនើង ប្រព្រឹត្តិបទល្មើស

ព័ត៌មានអន្ដរជាតិ៤៦ នាទី មុន

ឥណ្ឌូណេស៊ី​ផ្តល់​កញ្ចប់​ថវិកា​ជាង​ ៤០០ លាន​ ​​សម្រាប់​ការ​ឧបត្ថម្ភ​ធន​ម៉ូតូ​អគ្គិសនី​

ព័ត៌មានជាតិ៤៩ នាទី មុន

ខ្លាធំ ឬខ្លាដំបងផុត​ពូជ​ពី​ប្រទេស​កម្ពុជា ជា​អំបូរ​សត្វ​មានមាឌធំជាងគេបំផុតក្នុងចំណោមអំបូរឆ្មា

សេដ្ឋកិច្ច២ ម៉ោង មុន

ថៃ​ជាប់​ជា​ទិសដៅ​ទេសចរណ៍​ទី​១​នៅ​អាស៊ី​ សម្រាប់​ភ្ញៀវ​​​អឺរ៉ុប​

ព័ត៌មានជាតិ២២ ម៉ោង មុន

មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?

ព័ត៌មានជាតិ៥ ម៉ោង មុន

ហេតុអ្វី ស្រុកវាលវែង ជាតំបន់ទេសចរណ៍ទាក់ទាញបំផុត របស់ខេត្តពោធិ៍សាត់?

ព័ត៌មានអន្ដរជាតិ២៣ ម៉ោង មុន

ស្លាប់​៨​នាក់ ក្នុង​ហេតុការណ៍​​ចាក់​សម្លាប់​ដោយ​កាំបិត​នៅ​ចិន

ព័ត៌មានជាតិ២៣ ម៉ោង មុន

ឯកឧត្តម ឌី វិជ្ជា និងមន្ត្រីវ័យក្មេង១៤រូបទៀត ត្រូវបានតែងតាំងជាសមាជិកគណៈអចិន្ត្រៃយ៍យុវជនគណបក្សប្រជាជនថ្នាក់កណ្តាល

ព័ត៌មានអន្ដរជាតិ៣ ម៉ោង មុន

Pre-wedding លើកទី២របស់កូនសេដ្ឋី ឥណ្ឌា នឹងក្លាយជាពិធីដ៏ប្រណិតចាយលុយសុទ្ធលើទឹកដីអឺរ៉ុប

Sokha Hotels

ព័ត៌មានពេញនិយម