ព័ត៌មានជាតិ

សត្វទន្សោងមួយក្បាល បានងាប់ដោយសារជាប់អន្ទាក់នៅក្នុងព្រៃនៅខេត្តព្រះវិហារ

បានផុស

៥ years មុន

នៅ

ថ្ងៃសៅរ៍ ២០ កុម្ភៈ ២០២១

ដោយ

ប្រភេទសត្វទន្សោងព្រៃ ដែលជាសត្វកម្រមួយក្បាល ត្រូវបានមន្ត្រីឧទ្យាននុរ័ក្សប្រទះឃើញដេកងាប់នៅក្នុងព្រៃមួយកន្លែងនៅក្នុងភូមិសាស្ត្រភូមិសែនរុងរឿងបី ឃុំមរតក ស្រុកជាំក្សាន្ត ខេត្តព្រះវិហារ នេះបើតាមរបាយការណ៍របស់មន្ត្រីបរិស្ថាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីបរិស្ថានបានបញ្ជាក់ឲ្យដឹងថា កាលពីរសៀលថ្ងៃទី១៩ ខែកុម្ភះ ឆ្នាំ២០២១នេះ មន្ត្រីឧទ្យាននុរ័ក្សប្រចាំស្នាក់ការចល័ត៩១ បានដើរល្បាតដល់ចំណុចអូតាមអែក ក៏បានជួបប្រទះនូវសត្វទន្សោងមួយក្បាលដេកងាប់ ដោយសារជាប់អន្ទាក់របស់ព្រានព្រៃ។

តាមរបាយការណ៍បានបញ្ជាក់ឲ្យដឹងទៀតថា សត្វទន្សោងព្រៃដែលងាប់នេះ គឺមានសំបុរក្រហម ទម្ងន់ប្រហែល១តោន ជាប់អន្ទាក់ជើងខាងស្តាំដេកងាប់ប្រហែលមួយយប់មួយថ្ងៃមកហើយ ត្រូវបានក្រុមការងារដឹកជញ្ជូនតាមរថយន្តយកមកកប់នៅស្នាក់ការបរិស្ថានអូរកក់៕

ដោយ ៖ កោះកែវ